Հա
11/06/2019 - 08:50

Հնարաւորինս պէտք է կրճատել կանխիկը Հայաստանի տնտեսութեան մէջ

ՀՅԴ Բիւրոյի տնտեսական հետազօտութիւնների գրասենեակի պատասխանատու, տնտեսագէտ Սուրէն Պարսեանի կարծիքով՝ տնտեսութեան ստւերայնութեան հիմնական պատճառներից մէկը կանխիկ առեւտրի մեծ ծաւալն է։

«alikonline.ir» - Աշխարհի ամենամեծ ստւերային տնտեսութիւն ունեցող երկրների վարկանիշային ցուցակում Հայաստանը 34-րդ հորիզոնականում է։ «The Global Economy» հետազօտական կայքի գնահատմամբ՝ Հայաստանի տնտեսութեան շուրջ 36%-ը ստւերին է բաժին ընկնում։ Այս ուսումնասիրութիւնը ներկայացնում է պատկերը՝ 2015 թւականի տւեալների հիման վրայ։ Գրում է «Factor.am»-ը:

ՀՅԴ Բիւրոյի տնտեսական հետազօտութիւնների գրասենեակի պատասխանատու, տնտեսագէտ Սուրէն Պարսեանի կարծիքով՝ տնտեսութեան ստւերայնութեան հիմնական պատճառներից մէկը կանխիկ առեւտրի մեծ ծաւալն է։ «Մենք շատ ենք կանխիկով առեւտուր իրականացնում։ Սրա հետեւանքը նաեւ ստւերային տնտեսութիւնն է։ Հնարաւորինս պէտք է կրճատել կանխիկը Հայաստանի տնտեսութեան մէջ։ Պետութիւնն այս առումով պէտք է խրախուսի։ Օրինակ՝ Ադրբեջանի դէպքում ԱԱՀ-ն ոչ կանխիկ առեւտրի դէպքում աւելի ցածր է, քան կանխիկ առեւտրի ժամանակ, ինչի հետեւանքով ապրանքներն աւելի էժան են լինում։ Նման մեխանիզմներով հնարաւոր է խրախուսել քարտով առեւտուրը, որը մեր պրակտիկայում քիչ տարածւած է»,- նշեց Սուրէն Պարսեանը։

Չնայած նրան, որ Ադրբեջանում անկանխիկ առեւտրի մշակոյթն աւելի զարգացած է, ստւերային տնտեսութեան ծաւալը Ադրբեջանում աւելի մեծ է, քան մեր երկրում. այն հասնում է 44%-ի։ Էլ աւելի շատ է ստւերը հարեւան Վրաստանում. այն ամենաբարձրն է տարածաշրջանում՝ աւելի քան 53%։

Սուրէն Պարսեանը սա բացատրեց նրանով, որ Վրաստանում վիճակագրական հետազօտութիւններն աւելի խորքային են իրականացւում, մինչդեռ Հայաստանում այդքան էլ որակեալ չեն։ «Վրաստանում վիճակագրական տւեալների բազան բաւականին մաքրւած է, դասակարգւած՝ ի տարբերութիւն Հայաստանի։ Օրինակ, այն, որ տարիներ շարունակ գիւղատնտեսութեան ոլորտում ուռճացւած թւեր են ներկայացւել, մեծ նշանակութիւն ունի եւ ազդում է վերլուծական արդիւնքների վրայ»,- ընդգծեց տնտեսագէտը։

Յարակից լուրեր

  • Պօղոսեան. «Ունենք մեծացած Հայաստան, որովհետեւ ունենք եւ Հայաստանի, եւ Արցախի Հանրապետութիւն»
    Պօղոսեան. «Ունենք մեծացած Հայաստան, որովհետեւ ունենք եւ Հայաստանի, եւ Արցախի Հանրապետութիւն»

    Անկախութեան 28 տարիների ընթացքում ձեռք բերածի, բացթողումների եւ Հայաստանի ներկայի եւ ապագայի մասին Sputnik Արմենիան զրուցել է Մարդկային զարգացման միջազգային կենտրոնի ղեկավար Թեւան Պօղոսեանի հետ։

  • Խմբագրական. Կիոտոյի տաճարներն ու Օսակայի ծովերը տեսնելու մեր մեծ հաւատամքը
    Խմբագրական. Կիոտոյի տաճարներն ու Օսակայի ծովերը տեսնելու մեր մեծ հաւատամքը

    Ճապոնիայում հին ժամանակներում ապրել է երկու գորտ, մէկը՝ քաղաքամայր Կիոտոյում, միւսը՝ Օսակայում։ Երբ մի տարի շոգ ամռանը ցամաքում են Կիոտոյի գետակներն ու ջրանցքները, չորանում է նաեւ գորտի պալատական փոքրիկ ջրհորը, եւ գորտը որոշում է մեկնել Օսակա՝ մտածելով, որ քաղաքը ծովափին է, իսկ ինքը կեանքում ծով չի տեսել, ուստի՝ հա՛մ ծով կը տեսնի, հա՛մ գեղեցիկ Օսական կը վայելի, հա՛մ էլ չի տառապի Կիոտոյի ջրհորի չորութիւնից։ Եւ գորտը դուրս է գալիս իր տնից եւ ուղեւորւում դէպի Օսակա։

  • Գերագոյն նպատակի նոր փորձաքարը...
    Գերագոյն նպատակի նոր փորձաքարը...

    Ժողովուրդների ինքնաճանաչման ու ինքնահաստատման մնայուն երաշխիքը, յատկապէս որպէս ազգ-միաւոր, պետական անկախութիւնն է… հայութիւնն ու Հայաստան աշխարհը դա ճաշակում են արդէն 28 տարի՝ օրինաչափ վերիվայրումներով հանդերձ, որոնց մեկնակէտը, եւ ամենանշանակալին, նոյնինքն Անկախութեան վերանւաճումն էր՝ եօթ տասնամեակ անց:

  • Իշխանութեան «թաւշեայ» տրամաբանութիւնը
    Իշխանութեան «թաւշեայ» տրամաբանութիւնը

    Հայաստանի «թաւշեայ» իշխանութիւնների գործողութիւնների տրամաբանութիւնը մէկ տարուց աւելի ալեկոծում է հայկական իրականութիւնը: Վերջապէս, ի՞նչ նպատակներ են հետապնդում գործող իշխանութեան այս կամ այն քայլերը եւ ո՞րն է ընդհանուր ռազմավարութիւնը, որի շրջանակներում կատարւում են այդ քայլերը:

  • Փաշինեանը կու գայ… Փաշինեանը կու գայ…
    Փաշինեանը կու գայ… Փաշինեանը կու գայ…

    Շուտով, Հայաստանի Հանրապետութեան վարչապետը Լոս Անճելըս կը հասնի, աւելի ճիշդ պիտի ժամանէ։

    Արդէն շաբաթներէ ի վեր հայրենի եւ Սփիւռքի եւ յատկապէս Քալիֆորնիոյ հայ մամուլն ու հայկական հեռատեսիլի գրեթէ բոլոր կայանները, ամէնօրեայ յիշեցում-ծանուցումներ կը կատարեն, նոյնիսկ վարչապետի խօսք-հրաւէրով։

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։