Հա
12/01/2017 - 12:40

Կը կարողանա՞յ արդեօք «Iran Air»-ը վերափոխւել

«Iran Air»-ի նաւատորմը համալրւեց նոր ինքնաթիռով:

«Airbus» ընկերութիւնից գնւած «Airbus 321-211»-ը առաջին նոր ինքնաթիռն է, որ վերջին 38 տարիների ընթացքում միանում է  «Iran Air»-ի ընտանիքին:

ԱՐԱՄ ՇԱՀՆԱԶԱՐԵԱՆ

«Iran Air»-ի նաւատորմը համալրւեց նոր ինքնաթիռով:

«Airbus» ընկերութիւնից գնւած «Airbus 321-211»-ը առաջին նոր ինքնաթիռն է, որ վերջին 38 տարիների ընթացքում միանում է  «Iran Air»-ի ընտանիքին:

Աւիացիոն ոլորտի մասնագէտները սա համարում են մեծ ձեռքբերում` Մերձաւոր Արեւելքի եւ աշխարհի երբեմնի ամենադինամիկ զարգացող աւիաընկերութեան համար:

«Iran Air»-ի` վաղուց իր դարն ապրած նաւատորմի ֆոնին, սա, անկասկած, լրջագոյն ձեռքբերում է, որը կարող է ազատ արձակել աւիաընկերութեան «փակւած թեւեր»-ը, մանաւանդ, եթէ հաշւի առնենք այն հանգամանքը, որ առաջիկայ 10 տարիների ընթացքում «Airbus», «Boeing», եւ «ATR» ընկերութիւններից գնւած  200 ինքնաթիռներն ամբողջովին թարմացնելու են «Iran Air»-ի աւիապարկը:

Անցեալ տարի «Iran Air»-ն ունէր 50 գործող ինքնաթիռ: Սակայն, ընդամենը մէկ տարւայ ընթացքում դրանց թիւը կիսով չափ կրճատւեց` հասնելով 26-ի: Պատճառը` ինքնաթիռների բարձր տարիքն ու մաշւածութիւնն էր:

Շարքից դուրս մնացած ինքնաթիռների թւում էր նաեւ  «Iran Air»-ի վերջին «Boeing 747»-ը, որի այսպէս կոչւած «թոշակի անցնելուց» յետոյ, աւիաընկերութիւնը ստիպւած եղաւ դադարեցնել դէպի Արեւելեան Ասիա իր կանոնաւոր չւերթները` այդ հասութաբեր շուկան զիջելով մրմցակից աւիաընկերութիւններին:

Ներկայ դրութեամբ լայնիրան ինքնաթիռներից «Iran Air»-ի նաւատորմում ծառայում են «Airbus 300» եւ «Airbus 310» տիպի 12 ինքնաթիռ, որոնք սպասարկում են աւիաընկերութեան եւրոպական ուղղութիւնները: Դրանք, նոյնպէս, մօտ ապագայում ստիպւած են լինելու համակերպւել «թոշակառուի» կարգավիճակի հետ:

Փորձագիտական հետազոտութիւնները փաստում են, որ «Iran Air»-ի նաւատորմի 40%-ը պէտք է կազմեն լայնիրան` միջմայրցամաքային շառաւիղով ինքնաթիռները, իսկ  60%-ը` նեղիրան` կարճ եւ միջին շառաւիղով ինքնաթիռներ:

«Iran Air»-ի գնումների ցուցակն ապացուցուցում է, որ ընկերութիւնը գործել է հէնց այդ տրամաբնութեամբ: «ATR 72-600» տիպի 20 փոքր ինքնաթիռները թռչելու են բացառապէս «Iran Air»-ի ներքին չւերթերի ցանցում: Նրանք սպասարկելու են այն ուղղութիւնները, որտեղ պահանջարկը նւազ է: Իսկ «Airbus 321», «Airbus 320» եւ «Boeing 737» տիպի նեղ իրան ինքնաթիռները սպասարկելու են ընկերութեան ներքին չւացուցակի հիմնական ուղղութիւնները, ինչպէս նաեւ` տարածաշրջանային ուղղութիւնները: Դրանք կարող են օգտագործւել նաեւ եւրոպական այն ուղղութիւններում, որտեղ պահանջարկը նւազ է:

«Airbus 330», «Airbus 350» եւ «Boeing 777» լայնիրան` միջմայրցամաքային շառաւիղով ինքնաթիռներն էլ օգտագործւելու են դէպի Եւրոպա, Արեւելեան Ասիա, եւ հաւանաբար ԱՄՆ (եթէ, իհարկէ, վերականգնւեն 1980 թւկանից ի վեր ընդհատւած չւերթերը) ուղղութիւնների սպասարկման համար:

Առաջին հայեացքից թւում է, թէ «Iran Air»-ը շարժւում է ճիշտ ուղղութեամբ: Ընկերութեան նոր գնումների տրամաբանութիւնը կոչւած է բաւարարելու նրա հեռահար նպատակները:

Սակայն, սա մեդալիոնի ընդամենը մէկ կողմն է: Ժամանակակից աւիապարկին զուգահեռ «Iran Air»-ին անհրաժեշտ է նաեւ կառուցւածքային հիմնական բարեփոխում, ամբողջովին նոր մտածողութեամբ տնօրինութիւն եւ օրւայ պահանջներին ու ցուցանիշերին համապատասխանող սպասարկման որակ:

Մերձաւոր Արեւելքի աւիաշուկան, որն ընդամենը 40 տարի առաջ համարւում էր «Iran Air»-ի մենաշնորհը, այժմ յայտնւել է Պարսից ծոցի երկրների եւ թուրքական աւիաընկերութիւնները վերահսկողութեան ներքոյ:

 «Emirates»-ի, «Qatar Airways»-ի, «Etihad»-ի կամ էլ «Turkish Airlines»-ի հետ մրցակցելու, դաժան այդ շուկայում սեփական երաշխաւորւած տեղն ունենալու համար «Iran Air»-ին անհրաժեշտ են բացարձակապէս նոր որակների տրամաբանութեամբ ձեւաւորւած մարտավարութիւն եւ ռազմավարութիւն:

Սա հէնց այն է, ինչ մտահոգում է ոլորտի մասնագէտներին: Կը կարողանա՞յ արդեօք «Iran Air»-ը վերափոխւել այնպէս` ինչպէս անհրաժեշտ է: Այս հարցի պատասխանից է կախւած ընկերութեան ապագայ ճակատագիրը:

Յարակից լուրեր

  • Դաշնակցութեան միտքը, կամքն ու խիղճը. Ռոստոմին յիշելիս (Մահւան 100-ամեակի առիթով)
    Դաշնակցութեան միտքը, կամքն ու խիղճը. Ռոստոմին յիշելիս (Մահւան 100-ամեակի առիթով)

    Եթէ դժւար է պատկերացնել հայ ժողովրդի ազգային-ազատագրական, յեղափոխական պայքարն առանց Հայ Յեղափոխական Դաշնակցութեան, ապա Հայ Յեղափոխական Դաշնակցութեանն անհնար է պատկերացնել առանց Ստեփան Զօրեանի, նոյն ինքը՝ Ռոստոմի:

  • Դիլետանտիզմը հակացուցւած է արտաքին քաղաքականութեանը
    Դիլետանտիզմը հակացուցւած է արտաքին քաղաքականութեանը

    «Իմ քայլը» խորհրդարանական խմբակցութեան պատգամաւոր Հայկ Կոնջորեանը նախօրէին, ՀՀ ԱԺ արտաքին յարաբերութիւնների մշտական յանձնաժողովի նախագահի ընտրութեան հարցի քննարկման ժամանակ անդրադառնալով Հայաստանի աշխարհաքաղաքական դիրքաւորմանը, հանդէս է եկել չափազանց վիճահարոյց յայտարարութեամբ` նշելով, որ Հայաստանը շրջապատւած է «աւտորիտար Թուրքիայով, աւտորիտար բնոյթի Իրանով, աւտորիտար Ադրբեջանով»:

  • «Airbus»-ը եւ «Boeing»-ը թերակատարել են ինքնաթիռների մատակարարման 2018 թւականի պլանը
    «Airbus»-ը եւ «Boeing»-ը թերակատարել են ինքնաթիռների մատակարարման 2018 թւականի պլանը

    «Airbus SE» եւրոպական աւիաշինական կոնցեռնը եւ նրա ամերիկեան մրցակիցը՝ «Boeing Co.»-ն, 2018 թւականին չեն կարողացել պլանաւորւած քանակութեամբ ինքնաթիռներ մատակարարել յաճախորդներին: 

  • Ամբոխավարութիւն` իր ամենաբացարձակ ու էժան տեսքով
    Ամբոխավարութիւն` իր ամենաբացարձակ ու էժան տեսքով

    Ես չեմ էլ կասկածում, որ ոչ հեռու ապագայում Նիկոլ Փաշինեանից մէջբերումներ կանեն ոչ միայն որպէս քաղաքական գործչի, ՀՀ վարչապետի, այլեւ մի մարդու, որը մեծ աւանդ ունի Հայաստանում ամբոխավարութիւնը բոլորովին նոր «մակարդակի» բարձրացնելու գործում:

  • Սորոսի փայաբաժին կամ «Անասնաֆերմա»-ի օրինակով
    Սորոսի փայաբաժին կամ «Անասնաֆերմա»-ի օրինակով

    Մերօրեայ իրականութիւնը շատ է նման Ջորջ Օրւէլի «Անասնաֆերմա»-ին: 1917 թւականի բոլշեւիկեան յեղափոխութեան եւ դրան յաջորդած ստալինիզմի ժամանակաշրջանին վերաբերող քաղաքական սատիրայի եւ հակաուտոպիական ժանրից այս վիպակը, կարծես, ճիշտ ու ճիշտ գրւած է նաեւ մեր օրերի Հայաստանի համար: «Անասնաֆերմա»-ի պէս մեզ մօտ էլ շատ արագ ի յայտ է եկել, այսպէս կոչւած, արտօնեալների մի խաւ, որը մտել է «Անասնաֆերմա»-ի նոր տէրերի կերպարի մէջ՝ իւրացնելով նրանց կարգախօսը` «Բոլոր չորքոտանիները հաւասար են, իսկ երկոտանիները՝ աւելի հաւասար»: Նոր Հայաստանի մերօրեայ «տէրերն» իրենց թոյլ են տալիս այն բոլորը, ինչ մտքներով կանցնի. չէ՞ որ նրանք են մեր իրականութեան պարոն Ջոնզին վռնդել ֆերմայից եւ մեզ պարգեւել այնքան երազած ազատութիւնը: Նրանք հիմա ամենակարող տէր ու տնօրէններ, ամենաարդար դատաւորներն են` կարող են զրպարտել, մեղադրել ու դատապարտել ցանկացած մարդու, ով կը համարձակւի ընդդիմանալ իրենց եւ հակառակ կարծիք արտայայտել:

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։