Հա
12/02/2017 - 12:30

Կրքերի ու յոյզեր պորթկում

Միլիոնաւոր իրանցիների համար մոլորակի առանցքն այսօր անցնում է մայրաքաղաքի «Ազադի» ստադիոնով:

Թէ ի՞նչ կը պատահի երկրում կամ էլ ընդհանրապէս աշխարհում, ի՞նչ նոր սենսացիոն յայտարարութիւն կանի Թրամփը, ինչպէ՞ս կարձագանգի դրան Թեհրանը, աշխարհի որ ծայրում տեղի կունենայ զինւորական յեղաշրջում, ահաբեկչական գործողութիւն կամ էլ բնական աղէտ, միեւնոյնն է նրանց համար աշխարհի սահմաններն այսօր սկսւում եւ աւարտւում են «Ազադի» ստադիոնում, նրանց ճակատագիրն այսօր որոշւելու է հէնց մայրաքաղաքի գլխաւոր ստադիոնի կանաչ խոտածածքի վրայ:

Աշխարհի առանցքն այսօր անցնում է «Ազադի» ստադիոնով

 

ԱՐԱՄ ՇԱՀՆԱԶԱՐԵԱՆ

 

Միլիոնաւոր իրանցիների համար մոլորակի առանցքն այսօր անցնում է մայրաքաղաքի «Ազադի» ստադիոնով:

Թէ ի՞նչ կը պատահի երկրում կամ էլ ընդհանրապէս աշխարհում, ի՞նչ նոր սենսացիոն յայտարարութիւն կանի Թրամփը, ինչպէ՞ս կարձագանգի դրան Թեհրանը, աշխարհի որ ծայրում տեղի կունենայ զինւորական յեղաշրջում, ահաբեկչական գործողութիւն կամ էլ բնական աղէտ, միեւնոյնն է նրանց համար աշխարհի սահմաններն այսօր սկսւում եւ աւարտւում են «Ազադի» ստադիոնում, նրանց ճակատագիրն այսօր որոշւելու է հէնց մայրաքաղաքի գլխաւոր ստադիոնի կանաչ խոտածածքի վրայ:

Նրանց անուրջները, յոյսերն ու յոյզերն իրականանալու կամ էլ տապալւելու են հէնց այնտեղ: Նրանց կեանքը դեռ օրեր շարունակ պայմանաւորւելու է այսօր ժամը 15:00-ից սկսած 90 րոպէներով: Նրանք ստիպւած են լինելու այս երեկոյ, վաղը, միւս օրը, մինչ յաջորդ մրցաշրջանն ապրել այդ 90 րոպէների պարգեւած բերկրանքով կամ էլ յուսախաբութեամբ: Սա նրանց կեանքն է աւելի որոշակի՝ նրանց կեանքի իմաստը:

Թեհրանի դերբին, մայրաքաղաքի երկու հսկաների՝ «Փերսփոլիս»-ի եւ «Էսթեղլալ»-ի դիմակայութիւնը ոչնչով չի զիջում իսպանական «El Clasico»-ին: Հին մայրցամաքի ակումբային ամենակարեւոր դիմակայութիւնն ապրեցնում է միլիոնների, որոնց մի զգալի հատւածի համար այն դարձել է ինքնադրսեւորման, երազելու, մի պահ առօրեայ հոգեմաշ հոգսերը մոռանալու միակ միջոցը:

Ցրտահարւած, սոված ու յոգնած այն պատանու համար, որը փախչելով դասից, տնից կամ էլ աշխատանքից այսօր՝ վաղ առաւօտից յայտնւել է ստադիոնում, այս հանդիպումն իրականութիւնից մի պահ կտրւելու, իրեն աշխարհի տէրն ու տիրականը զգալու լաւագոյն առիթն է: Հոգ չէ, թէ դրանից յետոյ ինչ կը պատահի, ինչպէս կը պատժւի դասից բացակայելու, տնից կամ էլ աշխատանքից փախչելու համար: Հոգ չէ, թէ ստիպւած է մէկ շաբաթ բաւարարւել չոր հացով, ինչ է, թէ մօտը եղած ողջ գումարը ծախսել է հէնց այս խաղի համար: Հոգ չէ… միայն, թէ այս երեկոյ երկինքը դառնայ կարմիր կամ էլ կապոյտ եւ ինքն էլ աշխարհի տէրն ու տիրակալը:

Այսօր ամէն մի գոլ կարող է նրան բարձրացնել երկինք կամ էլ հաւասարեցնել գետնին:

Ու չսխալւէ՛ք, նրան խաղաղ ելքը, ոչ-ոքի արդիւնքն անհրաժեշտ չէ: Նա այն թուլիկ-մուլիկ մամայի բալաներից չէ, որ կարող է բաւարարւել խաղաղ ելքով՝ ինչ է, թէ գիշերը հանգիստ քնի: Վաղը, միւս օրը փողոց դուրս գալուց չամաչի: Նրան կռիւ է պէտք, իսկական տղամարդու կռիւ, մինչեւ վերջին շունչը կռիւ: Կռիւ՝ յանուն յաղթանակի: Յաղթանակ, յաղթանակ եւ միայն յաղթանակ… սա է նրա կեանքի բանաձեւը, ապրելու կենսակերպը: Շրջապատող համատարած գորշութեան ֆոնին, հէնց այդ յաղթանակն է, որ շնչեցնում՝ ապրեցնում է նրան:

Այսօր նրանց եւ ոչ միայն նրանց օրն է: Այսօր այն բոլորի օրն է, որոնց նոյնպէս գերել է միլիոնների խաղի մոգական ուժը: Որոնք եւս այսպէս կամ այնպէս ապրում են նոյն յոյզերով: Որոնց համար նոյնպէս կարեւոր է այս հանդիպման ելքը՝ սիրելի թիմի յաղթանակը: 

Այսօր ֆուտբոլային մեծ տօնի օր է: Տօն, որը ոմանց կը պարգեւի յաղթանակի քաղցր, իսկ ոմանց էլ պարտութեան դառը արտասուք: Սա էլ ֆուտբոլի տարօրինակութիւններից է: Այն տօն է, որը սակայն բոլորին չէ, որ տօնական տրամադրութիւն է պարգեւում:

Ինչ որ է, յուսանք, որ տօնն այնուամենայնիւ կստացւի: 

Յարակից լուրեր

  • Դաշնակցութեան միտքը, կամքն ու խիղճը. Ռոստոմին յիշելիս (Մահւան 100-ամեակի առիթով)
    Դաշնակցութեան միտքը, կամքն ու խիղճը. Ռոստոմին յիշելիս (Մահւան 100-ամեակի առիթով)

    Եթէ դժւար է պատկերացնել հայ ժողովրդի ազգային-ազատագրական, յեղափոխական պայքարն առանց Հայ Յեղափոխական Դաշնակցութեան, ապա Հայ Յեղափոխական Դաշնակցութեանն անհնար է պատկերացնել առանց Ստեփան Զօրեանի, նոյն ինքը՝ Ռոստոմի:

  • Դիլետանտիզմը հակացուցւած է արտաքին քաղաքականութեանը
    Դիլետանտիզմը հակացուցւած է արտաքին քաղաքականութեանը

    «Իմ քայլը» խորհրդարանական խմբակցութեան պատգամաւոր Հայկ Կոնջորեանը նախօրէին, ՀՀ ԱԺ արտաքին յարաբերութիւնների մշտական յանձնաժողովի նախագահի ընտրութեան հարցի քննարկման ժամանակ անդրադառնալով Հայաստանի աշխարհաքաղաքական դիրքաւորմանը, հանդէս է եկել չափազանց վիճահարոյց յայտարարութեամբ` նշելով, որ Հայաստանը շրջապատւած է «աւտորիտար Թուրքիայով, աւտորիտար բնոյթի Իրանով, աւտորիտար Ադրբեջանով»:

  • Աշխարհի ամենաթանկ ֆուտբոլիստները
    Աշխարհի ամենաթանկ ֆուտբոլիստները

    «CIES Football Observatory»-ն ներկայացրել է հինգ առաջատար եւրոպական լիգաներում հանդէս եկող ամենաթանկ ֆուտբոլիստներին։

  • «InStat». Տարւայ խորհրդանշական հաւաքականը
    «InStat». Տարւայ խորհրդանշական հաւաքականը

    Սպորտային վերլուծական ընկերութիւն «InStat»-ը, որը ֆուտբոլիստների վիճակագրութիւնը ներկայացնող պրոֆեսիոնալ կազմակերպութիւն է, ներկայացրել է տարւայ խորհրդանշական հաւաքականը:

  • Ամբոխավարութիւն` իր ամենաբացարձակ ու էժան տեսքով
    Ամբոխավարութիւն` իր ամենաբացարձակ ու էժան տեսքով

    Ես չեմ էլ կասկածում, որ ոչ հեռու ապագայում Նիկոլ Փաշինեանից մէջբերումներ կանեն ոչ միայն որպէս քաղաքական գործչի, ՀՀ վարչապետի, այլեւ մի մարդու, որը մեծ աւանդ ունի Հայաստանում ամբոխավարութիւնը բոլորովին նոր «մակարդակի» բարձրացնելու գործում:

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։