Հա
Հինգշաբթի, 08 Յունիսի 2017 13:10

Համախմբւելու եւ ամբոխային տրամաբանութեանը տուրք չտալու պահը

Իրանը կայուն պետական համակարգ ունեցող երկիր է, որի ղեկավարութիւնը կատարելապէս իւրացրել է տարաբնոյթ մարտահրաւէրների եւ տարբեր կարեւորութեան ու նշանակութեան ճգնաժամերի կառավարման ու յաղթահարման արւեստը: Իրանի պետական համակարգը բազմիցս ապացուցել է, որ ճգնաժամային պահերին ունակ է իրավիճակի վերահսկման, երկրի անվտանգութեան եւ ներքին կայունութեան պահպանման ու ժողովրդի անդորրն ապահովելուն ուղղւած յստակ՝ համարժէք ու համաչափ քայլեր ձեռնարկել:

ԱՐԱՄ ՇԱՀՆԱԶԱՐԵԱՆ

 

Երկու կարծիք լիենլ չի կարող. երէկ Թեհրանում տեղի ունեցած ահաբեկչական գործողութիւնները սադրանք էր՝ ուղղւած երկրի անվտանգութեան, ներքին կայունութեան եւ անդորրի դէմ:

Ակնյայտ է, որ թշնամական ուժերի գործողութիւնները միանշանակօրէն նպատակ է հետապնդում ապակայունացնել Իրանը ներսից, վտանգել երկրի անվտանգութիւնը, ներքին կայունութիւնն ու անդորրը՝ վերջնանպատակ ունենալով երկիրը քանդել ներսից:

Թշնամական այս նկրտումներն առաւել ուշագրաւ են դառնում, եթէ դրանք դիտարկում ենք նախօրէին Ռիադ կատարած ԱՄՆ-ի նախագահի այցելութեան ու դրա հետապնդած յայտնի նպատակների, եւ Սաուդական Արաբիայի եւ Կատարի միջեւ ծագած հակամարտութեան ֆոնին:

Գիտակցելով, որ Իրանին անհնար է ծնկի բերել ռազմական ուղղակի առճակատման միջոցով, Վաշինգտոն-Ռիադ հակաիրանական ալիանցը փորձում է մի կողմից վարել տարածաշրջանում Իրանի կատարեալ մեկուսացման քաղաքականութիւնը, իսկ միւս կողմից յաւելեալ լարւածութիւն եւ ճգնաժամային օջախներ ստեղծել Իրանի սահմաններից ներս: Կարճ ասաց՝ մարտավարութիւնը յստակ է. Իրանին ներքաշել անվտանգութեան հետ կապւած լրջագոյն քաոսի մէջ:

Իհարկէ պէտք չէ տարակուսել չարամիտ այս մտայնութեան կատարեալ ձախողման վրայ այսպէս կոչւած խաղադրոյք կատարելու համար: Անցեալ չորս տասնամեակների, աւելի որոշակի յետյեղափոխութեան շրջանի պատմական իրադարձութիւններն ու վերիվայրումներն ապացուցել են, որ նման քայլերը չեն կարող ունենալ յաջողութեան որեւէ հեռանկար:

Դրա համար կան պարզ ու յստակ պատճառներ: Իրանը կայուն պետական համակարգ ունեցող երկիր է, որի ղեկավարութիւնը կատարելապէս իւրացրել է տարաբնոյթ մարտահրաւէրների եւ տարբեր կարեւորութեան ու նշանակութեան ճգնաժամերի կառավարման ու յաղթահարման արւեստը: Իրանի պետական համակարգը բազմիցս ապացուցել է, որ ճգնաժամային պահերին ունակ է իրավիճակի վերահսկման, երկրի անվտանգութեան եւ ներքին կայունութեան պահպանման ու ժողովրդի անդորրն ապահովելուն ուղղւած յստակ՝ համարժէք ու համաչափ քայլեր ձեռնարկել:

Իսկ անցեալի նմանատիպ բոլոր փորձերը ցոյց են տւել, որ դրանք միանշանակ հանգեցնում են ազգային յաւելեալ համախմբւածութեան: Մենք՝ իրանցիներս ապացուցել ենք, որ ճգնաժամային պահերին ունակ ենք դրսեւորելու ազգային գիտակցութեան եւ քաղաքացիական պարտքի զգացողութեան ամենաբարձր մակարդակ, ինչն էլ տապալում է թշնամիների չարամիտ բոլոր նախաձեռնութիւնները:

Վստահ ենք, որ մեզ կը յաջողւի յաղթահարել նաեւ այս փորձութիւնը: Դրա համար անհրաժեշտ է միայն ցուցաբերել ազգային գիտակցութեան նոյն բարձր մակարդակն ու համախմբւածութիւնը, որն օրհասական պահերին մշտապէս դարձել է մեր փրկօղակը:

Մեր պետական համակարգն ունի անհրաժեշտ հզօր ներուժը, չարամիտ այս գործողութիւններին համաչափ ու համարժէք արձագանգելու համար: Վստահ ենք, որ պատասխան քայլը լինելու է ոչ հապճեպ, կշռադատւած ու լիարժէք: Իսկ մեզ մնում է լինել համբերատար, համախմբւել յանուն երկրի անվտանգութեան, իսկ ամենակարեւորը տուրք չտալ ամբոխային տրամադրութեանը:

Չմոռանաք, որ երէկւայ գործողութիւնների միջոցով, թշնամին լկտիաբար փորձել է տպաւորութիւն ստեղծել, թէ իբր որքան խոցելի է երկրի անվտանգութեան համակարգը: Դա նրան կը յաջողւի այն դէպքում միայն, եթէ հանրութիւնը ցուցաբերի խուճապային տրամադրութիւն:

Յարակից Հրապարակումներ

  • Թեհրանում է Բորիս Ջոնսոնը
    Թեհրանում է Բորիս Ջոնսոնը

    Պաշտօնական այցով Թեհրանում է Մեծ Բրիտանիայի ԱԳ նախարար Բորիս Ջոնսոնը:

  • Երիտասարդական համագումար
    Երիտասարդական համագումար

    Թւականիս ուրբաթ, նոյեմբերի 24-ին, Հայ համալսարանականների ընդհանուր միութեան «Նիկոլ Աղբալեան» սրահում, տեղի ունեցաւ երիտասարդական համագումար՝ «Երիտասարդը դէմ-յանդիման եկեղեցու եւ այսօրւայ տեխնոլոգիային եւ Հայ երիտասարդի առաքելութիւնը յարաբերաբար իր ինքնութեան եւ ազգային պահանջատիրութեան» թեմաներով։ 

  • Հ.Օ.Մ.-ի Թաւրիզի մասնաճիւղի «Տաթեւ» պարախմբի ելոյթը Թեհրանում
    Հ.Օ.Մ.-ի Թաւրիզի մասնաճիւղի «Տաթեւ» պարախմբի ելոյթը Թեհրանում

    Արդէն երեք տարին բոլորած «Տաթեւ» պարախումբը հնարաւորութիւն ստացաւ Թեհրանում աշխատող Հ. Ուս. «Չահարմահալ» միութեան Կենտրոնական վարչութեան անվերապահ համագործակցութեամբ, թւականիս նոյեմբերի 3-ին, նոյն միութեան «Յ. Թումանեան» սրահում ելոյթ ունենալով ներկայանալ թեհրանահայ հանդիսատեսին:

  • ՀՕՄ-ի Թաւրիզի մասնաճիւղի «Տաթեւ» պարային համոյթի ելոյթը՝ Թեհրանում
    ՀՕՄ-ի Թաւրիզի մասնաճիւղի «Տաթեւ» պարային համոյթի ելոյթը՝ Թեհրանում

    Երէկ, նոյ. 3-ին, Հ. Ուս. «Չհարմահալ» միութեան «Յ. Թումանեան» սրահում, կայացաւ ՀՕՄ-ի Թաւրիզի մասնաճիւղի «Տաթեւ» պարային համոյթի ելոյթը Կարինէ Մանուչերեանի գեղարւեստական ղեկավարութեամբ:

  • Կարէն Կարապետեանը ժամանեց Թեհրան
    Կարէն Կարապետեանը ժամանեց Թեհրան

    Հանրապետութեան նախագահի առաջին տեղակալ Էսհաղ Ջահանգիրիի հրաւէրով, պաշտօնական երկօրեայ այցով քիչ առաջ Թեհրան ժամանեց ՀՀ վարչապետ Կարէն Կարապետեանը եւ նրա գլխաւորած բարձրաստիճան քաղաքական-տնտեսական պատւիրակութիւնը:

Ամենաշատ ընթերցւած

Քւէարկութիւն

Ինչպէ՞ս էք վերաբերւում Երուսաղէմը որպէս Իսրայէլի մայրաքաղաք ճանաչելու Թրամփի որոշմանը:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։