Հա
03/09/2018 - 15:00

Սեւերի ու սպիտակների համախտանիշի մասին

«Այսօր Հայաստանում իրավիճակը շատ պարզ է. կան սպիտակ ուժեր եւ կան սեւ ուժեր, վերջ։ Ես ուզում եմ պաշտօնական յայտարարել, չնայած գիտէք, բայց պէտք է ասեմ, այո՛, մենք սպիտակ ուժերն ենք, իսկ բոլոր նրանք, ովքեր չեն ուզում, որ մենք յաջողութիւն ունենանք, ես կարող եմ ասել, որ սեւ ուժերն են։ Որովհետեւ մենք եւ մեր յաջողութիւնը Հայաստանի յաջողութիւնն է…»:

ԱՐԱՄ ՇԱՀՆԱԶԱՐԵԱՆ

 

«Այսօր Հայաստանում իրավիճակը շատ պարզ է. կան սպիտակ ուժեր եւ կան սեւ ուժեր, վերջ։ Ես ուզում եմ պաշտօնական յայտարարել, չնայած գիտէք, բայց պէտք է ասեմ, այո՛, մենք սպիտակ ուժերն ենք, իսկ բոլոր նրանք, ովքեր չեն ուզում, որ մենք յաջողութիւն ունենանք, ես կարող եմ ասել, որ սեւ ուժերն են։ Որովհետեւ մենք եւ մեր յաջողութիւնը Հայաստանի յաջողութիւնն է…»:

Սա «Քաղաքացիական պայմանգիր» կուսակցութեան կողմից Երեւանի քաղաքապետի պաշտօնում առաջադրւած թեկնածուի՝ Հայկ Մարութեանի՝ Երեւանի աւագանու ընտրութիւններին «Իմ քայլը» դաշինքի՝ ընտրութիւնների ֆինանսաւորումն ապահովելու համար կազմակերպւած դրամահաւաք-երեկոյի ընթացքում ունեցած ելոյթի մի մասն է, հիմնական առանցքն ու իմաստը:

Սեւերի ու սպիտակների աշխարհ, որտեղ դատելով առկայ իրողութիւնից, բաւական յարմարաւէտ տեղաւորւել են ՀՀ իշխանական ուժի՝ «Քաղաքացիական պայմանգրի» ներկայացուցիչները:

Այդ մասին են վկայում յետյեղափոխութեան այս հարիւր ու մի քանի օրերի ընթացքում քաղաքական տւեալ ուժի ամենատարբեր տրամաչափի եւ նշանակութեան ներկայացուցիչների հանրային ելոյթներն ու սոցիալական ցանցերում գրառումները:

«Մենք ու նրանք», «յեղափոխականներ ու հակայեղափոխականներ», «Սեւերն ու սպիտակները»… եւ էլի նման կարգի բազմաթիւ արտայայտութիւն, որոնք ամրապնդւել են յիշեալների լեկսիկոնում:

Այս համատեքստում, ակամայից հարց է առաջանում, թէ հասկանո՞ւմ են արդեօք նրանք իրենց օգտագործած բառերի եւ արտայայտած մտքերի իմաստն ու նշանակութիւնը:

Պատասխանն ըստ իս՝ մէկն է ու միանշանակ. ո՛չ:

Ո՛չ տրամաբանական այն պարզ պատճառով, որ հայկական իրականութիւնն (Հայաստանում եւ Սփիւռքում) այսօր ապրում է իմաստաբանական դաշտի որոշակի քայքայման եւ արժեզրկման ժամանակաշրջան, ուր բառերն օգտագործւում, իսկ մտքերն արտայայտւում են բացառապէս այն տրամաբանութեամբ, թէ դրանք ինչպէս են կարող ազդել հասարակութեան վրայ եւ ինչ զգացմունքներ են կարող առաջացնել նրա մօտ:

Այլապէս այլ կերպ հնարաւոր չէ մեկնաբանել, թէ այդ ինպէ՞ս է լինում, որ յեղափոխութեան օրերին, ինչու չէ նաեւ այսօր, սիրոյ, միասնութեան, հասարակութեանը համախմբելու, ընդհանուր նպատակների եւ այլեւայլ լաւ ու դրական երեւոյթների մասին խօսող ՔՊ ներկայացուցիչներն այդքան ինքնամոռաց բարձրաձայնում են նաեւ «սեւերի ու սպիտակների», «իւրայինների եւ ոչ իւրայինների» մասին՝ հասարակութեանը բաժանելով թշնամական ճամբարների:

«Սեւերի ու սպիտակների» աշխարհում, ցաւօք, քաղաքական կոռեկտութիւնը, ազգային նպատակներն ու շահերը, հասարակական հանդուրժողականութիւնն ու անդորրը յետին պլան են մղւած: Ասպարէզը յատակին հաւասարեցւած, էժանագին պոպոլիզմինն է, որն ինչ խօսք, յետյեղափոխութեան էյֆորիայի պայմաններում, երբ հասարակական մթնոլորտը ծայրայեղութեան աստիճանի էլեկտրականացած է, իսկ հասարակութիւնը՝ նոյն չափի բեւեռացած, կարող է 100 տոկոսանոց յաջողութիւն ապահովել՝ ամրապնդելով սեփական իշխանութեան հիմքերը:

Չպէտք է մոռանալ, սակայն, որ այս էյֆորեան վերջիվերջոյ մարելու է եւ անխուսափելիօրէն վրայ է հասնելու ցանած քամու փոթրիկի բերքը հնձելու ժամանակը:

Ու այդ պահին ՔՊ-ն ստիպւած է լինելու առերեսւել հայելային սեփական արտացոլանքի հետ, եւ բնազդաբար սկսւելու է ինքնաոչնչացման գործընթացը:

Յ.Գ. Հայկ Մարութեանի ելոյթում «Սեւերի ու սպիտակների» մասին տեսութիւնից բացի, կար նաեւ մի ոչ պակաս ուաշգրաւ ֆրազ. «Մեր թիմը ուժեղ է, նոյնիսկ կարող եմ ասել՝ մեր թիմի դէմը խաղ չկայ»:

Տղայական այս տրամաբանութեամբ են առաջնորդւել նաեւ ՀՀՇ-ն ու ՀՀԿ-ն՝ իրենց իշխանութեան օրօք: Արդիւնքը պարզ է... իսկ պատմութիւնը կրկնւելու բացառիկ յատկութիւն ունի: Սա յիշեցման կարգով միայն:

Յարակից լուրեր

  • Դիլետանտիզմը հակացուցւած է արտաքին քաղաքականութեանը
    Դիլետանտիզմը հակացուցւած է արտաքին քաղաքականութեանը

    «Իմ քայլը» խորհրդարանական խմբակցութեան պատգամաւոր Հայկ Կոնջորեանը նախօրէին, ՀՀ ԱԺ արտաքին յարաբերութիւնների մշտական յանձնաժողովի նախագահի ընտրութեան հարցի քննարկման ժամանակ անդրադառնալով Հայաստանի աշխարհաքաղաքական դիրքաւորմանը, հանդէս է եկել չափազանց վիճահարոյց յայտարարութեամբ` նշելով, որ Հայաստանը շրջապատւած է «աւտորիտար Թուրքիայով, աւտորիտար բնոյթի Իրանով, աւտորիտար Ադրբեջանով»:

  • «Արդէն իսկապէս ամօթ է». Երեւանի աւագանու անդամը՝ Լիլիթ Մակունցին եւ Հայկ Մարութեանին
    «Արդէն իսկապէս ամօթ է». Երեւանի աւագանու անդամը՝ Լիլիթ Մակունցին եւ Հայկ Մարութեանին

    Երեւանի քաղաքապետարանի աւագանու «Լոյս» խմբակցութեան անդամ Թեհմինա Վարդանեանը ֆէյսբուեան իր էջում քննադատել է ՀՀ մշակոյթի նախարարի պաշտօնակատարի եւ Երեւանի քաղաքապետարանի պաշտօնեաների արդարացումները Արամի 23 հասցէում պատմական յուշարձան շէնքի պատի փլուզման առնչութեամբ։

  • ՀՀ-ում ԻԻՀ դեսպանը Երեւանի քաղաքապետի հետ քննարկել են երկու երկրի խոշոր քաղաքների միջեւ համատեղ մշակութային, բիզնես ծրագրերի իրականացմանը վերաբերող հարցեր
    ՀՀ-ում ԻԻՀ դեսպանը Երեւանի քաղաքապետի հետ քննարկել են երկու երկրի խոշոր քաղաքների միջեւ համատեղ մշակութային, բիզնես ծրագրերի իրականացմանը վերաբերող հարցեր

    Հայաստանի Հանրապետութիւնում Իրանի Իսլամական Հանրապետութեան արտակարգ եւ լիազօր դեսպան Սէյէդ Քազեմ Սաջջադին հանդիպել է Երեւանի քաղաքապետ Հայկ Մարութեանի հետ:

  • Ամբոխավարութիւն` իր ամենաբացարձակ ու էժան տեսքով
    Ամբոխավարութիւն` իր ամենաբացարձակ ու էժան տեսքով

    Ես չեմ էլ կասկածում, որ ոչ հեռու ապագայում Նիկոլ Փաշինեանից մէջբերումներ կանեն ոչ միայն որպէս քաղաքական գործչի, ՀՀ վարչապետի, այլեւ մի մարդու, որը մեծ աւանդ ունի Հայաստանում ամբոխավարութիւնը բոլորովին նոր «մակարդակի» բարձրացնելու գործում:

  • Սորոսի փայաբաժին կամ «Անասնաֆերմա»-ի օրինակով
    Սորոսի փայաբաժին կամ «Անասնաֆերմա»-ի օրինակով

    Մերօրեայ իրականութիւնը շատ է նման Ջորջ Օրւէլի «Անասնաֆերմա»-ին: 1917 թւականի բոլշեւիկեան յեղափոխութեան եւ դրան յաջորդած ստալինիզմի ժամանակաշրջանին վերաբերող քաղաքական սատիրայի եւ հակաուտոպիական ժանրից այս վիպակը, կարծես, ճիշտ ու ճիշտ գրւած է նաեւ մեր օրերի Հայաստանի համար: «Անասնաֆերմա»-ի պէս մեզ մօտ էլ շատ արագ ի յայտ է եկել, այսպէս կոչւած, արտօնեալների մի խաւ, որը մտել է «Անասնաֆերմա»-ի նոր տէրերի կերպարի մէջ՝ իւրացնելով նրանց կարգախօսը` «Բոլոր չորքոտանիները հաւասար են, իսկ երկոտանիները՝ աւելի հաւասար»: Նոր Հայաստանի մերօրեայ «տէրերն» իրենց թոյլ են տալիս այն բոլորը, ինչ մտքներով կանցնի. չէ՞ որ նրանք են մեր իրականութեան պարոն Ջոնզին վռնդել ֆերմայից եւ մեզ պարգեւել այնքան երազած ազատութիւնը: Նրանք հիմա ամենակարող տէր ու տնօրէններ, ամենաարդար դատաւորներն են` կարող են զրպարտել, մեղադրել ու դատապարտել ցանկացած մարդու, ով կը համարձակւի ընդդիմանալ իրենց եւ հակառակ կարծիք արտայայտել:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։