Հա
06/09/2018 - 13:10

Թեհրանի գագաթաժողովին ընդառաջ. հեռանկարները չափազանց մշուշոտ են

Վաղը՝ սեպտեմբերի 7-ին Թեհրանը սիրիական ճգնաժամի հարցով Աստանայի գործընթացի երեք երաշխաւոր երկրների՝ Իրանի, Ռուսաստանի եւ Թուրքիայի նախագահների գագաթաժողովի հիւրընկալն է լինելու:

ԱՐԱՄ ՇԱՀՆԱԶԱՐԵԱՆ

 

Վաղը՝ սեպտեմբերի 7-ին Թեհրանը սիրիական ճգնաժամի հարցով Աստանայի գործընթացի երեք երաշխաւոր երկրների՝ Իրանի, Ռուսաստանի եւ Թուրքիայի նախագահների գագաթաժողովի հիւրընկալն է լինելու:

Թեհրանի գագաթաժողովը հետեւելու է նոյն ձեւաչափով, Սոչիում եւ Անկարայում կայացած գագաթաժողովներին, որոնց արդիւնքում թէեւ լուրջ յաջողութիւններ արձանագրւեցին ահաբեկչութեան դէմ պայքարի գործում, այդուհանդերձ, դրանք չկարողացան հասնել Սիրիայում համապարփակ խաղաղութեան եւ կայունութեան հաստատմանը, որը հիմնականում պայմանաւորւած էր ռազմաքաղաքական բաւարար տւեալների բացակայութեամբ:

Թեհրանի գագաթաժողովի նախօրէին այդ նախադրեալների աճի կտրւածքով չկայ որեւէ լուրջ առաջընթաց: Դեռ աւելին՝ իրավիճակն առաւել է բարդացել Իդլիբի ազատագրմանն ուղղւած ռազմական գործողութիւնների ֆոնին:

Մի կողմից, ՌԴ-ն, Իրանն ու Սիրիան համատեղ ջանքերով նպատակադրւած են ազատագրելու ահաբեկչական խմբաւորումների վերջին խոշոր յենակէտը՝ Իդլիբը, իսկ միւս կողմից պաշտօնական Անկարային ակնյայտօրէն մտահոգում է այդ փաստը:

Ուշադրութիւն դարձրէք Թուրքիայի ԱԳ նախարար Մեւլութ Չաւուշօղլուի՝ Իդլիբի հետ կապւած, Իրանի եւ Ռուսաստանի նպատակաների մասին յայտարարութեանը:

«Մենք անմիջական կապի մէջ ենք բանակցային գործընթացում Ասադի ռեժիմի երաշխաւորը հանդիսացող Ռուսաստանի ու Իրանի հետ։ Ոչ ոք դիմացինին թող չխաբի, սրանց նպատակն Իդլիբը գրաւելն է։ Այս ամէնը լուրջ ռիսկեր է պարունակում։ Ամէն կողմից սա ողբերգութիւն է դառնալու։ Յարձակումից յետոյ մենք կապի ենք դուրս եկել Ռուսաստանի հետ, ասել ենք, որ այդ ամէնը սխալ է։ Թեհրանում գագաթնաժողովին ընդառաջ նման բան անելը ճիշտ չէ»,- ասել է Չաւուշօղլուն։

Զուգահեռաբար տեսանելի են դառնում սիրիական ռազմաքաղաքական գործընթացներում Վաշինգտոնի ներգրաււածութեան ակտիւացման փորձերը: Իդլիբի ռմբակոծութիւններից ժամեր առաջ, ԱՄՆ նախագահ Դոնալդ Թրամփը Ռուսաստանին եւ Իրանին յորդորել էր զերծ մնալ ընդդիմադիրների վերահսկողութեան տակ գտնւող Իդլիբ նահանգի դէմ «անխոհեմ» յարձակում գործելուց:

Այս չորս խաղացողներին պէտք է աւելացնել նաեւ հինգերորդ, ոչ պակաս կարեւոր խաղացողին՝ Իսրայէլին, որին լրջօրէն մտահոգում է Սիրիայի տարածքում, իր սահմաններից ընդամենը 80 կմ. հեռաւորութեան վրայ, Իրանի ռազմական ներկայութեան ամրապնդումը:

Նեթանիահուն առիթը բաց չի թողնում յայտարարելու, որ Իսրայէլը կանի ամէն ինչ, որպէսզի թոյլ չտայ Իրանին եւ նրա հետ կապւած աշխարհազօրայիններին ամրապնդւելու Սիրիայի տարածքում: Եւ հէնց այդ հանգամանքով է պայմանաւորւած Իսրայէլի կողմից սիրիական ռազմական գործողութիւններին ուղղակի միջամտութեան յաճախակիացման միտումը։

Կասկածից վեր է, որ Թեհրանի գագաթաժողովի նախօրէին յանձինս Սիրիայի, Մերձաւոր Արեւելքը թեւակոխում է միջազգային եւ տարածաշրջանային հիմնական դերակատարների շահերի յարաբերակցութեան նոր՝ խորքային վերադասաւորման երեւի թէ վերջնական փուլ:

Հէնց այս հանգամանք էլ ստիպում է լուրջ վերապահումներով մօտենալ Թեհրանի գագաթաժողովի հնարաւոր արդիւնքներին: Դեռ աւելին, Իդլիբի հետ կապւած իրավիճակի կտրուկ սրացումը ենթադրում է յաւելեալ լարւածութիւն՝ վերջնական խաղաղութեան հեռանկարները դարձնելով չափազան մշուշոտ:

Յարակից լուրեր

  • Իրանի՝ կովկասեան դիւանագիտութիւն. հաւասարակշռութեան վերականգնման հրամայականը
    Իրանի՝ կովկասեան դիւանագիտութիւն. հաւասարակշռութեան վերականգնման հրամայականը

    Փորձագիտական շրջանակները գրեթէ համակարծիք են, որ տարածաշրջանում Իրանի շուրջ ծաւալւող ռազմաքաղաքական իրադարձութիւնները ցանկացած պահի կարող են հատել առճակատման բարձր մակարդակը:

  • Սիրիան տրոհում է Իրան-Ռուսաստան-Թուրքիա ալեանսը
    Սիրիան տրոհում է Իրան-Ռուսաստան-Թուրքիա ալեանսը

    Սեպտեմբերի 7-ին Թեհրանում հանդիպեցին Ռուսաստանի, Թուրքիայի ու Իրանի նախագահները` Սիրիայի հարցով: Ռոհանիի խօսքով` «բաց ու անկեղծ նշւում է մեր հետագայ գործակցութեան ճանապարհը», նաեւ` «մեր ջանքերի շարունակութիւնը կայունութիւն ու անվտանգութիւն հաստատելու ոչ միայն Սիրիայում, այլեւ ամբողջ տարածաշրջանում»: Տպաւորութիւն կար, որ Մոսկւան, Թեհրանն ու Անկարան մտադիր են սիրիական ալիանսին կայունութիւն հաղորդել ու ժամանակի մէջ ընդայնել աշխարհագրութիւնը:

  • Ակնարկ. Թրքական Տրովադայի ձին` ռազմավարական առանցքին մէջ
    Ակնարկ. Թրքական Տրովադայի ձին` ռազմավարական առանցքին մէջ

    Թեհրանի միջնախագահական եռակողմ ժողովը, ըստ էութեան միացեալ զինուորաքաղաքական որեւէ նախաձեռնութիւն առնելու որոշումին չէ յանգած: Կարգախօսաբանութիւնը գերակշիռ է ժողովէն բխած յայտարարութիւններուն, ու տակաւին` անոր մասնակից իւրաքանչիւր նախագահի կողմէ կատարուած հրապարակումներուն մէջ:

  • Իրանագէտ. «Իդլիբի կնճիռը շարունակում է անհարթ մնալ»
    Իրանագէտ. «Իդլիբի կնճիռը շարունակում է անհարթ մնալ»

    «Սիրիայի հիմնախնդրի կարգարւորման օրակարգի շրջանակներում Իրանի, Ռուսաստանի եւ Թուրքիայի նախագահների մակարդակով Թեհրանում կայացած վերջին եռակողմ հանդիպման ընթացքում, ըստ էութեան, չի յաջողւել Իդլիբի կնճիռի հարթման ուղղութեամբ բոլոր կողմերի համար ընդունելի լուծումներ գտնել»,- այս մասին իր ֆէյսբուքի էջում գրել է իրանագէտ Վարդան Ոսկանեանը:

  • Ինչպիսի իրավիճակում էր յայտնւել Էրդողանը Պուտինի ու Ռոհանիի կողքին․ թուրք ծաղրանկարիչը Թեհրանի գագաթնաժողովի մասին
    Ինչպիսի իրավիճակում էր յայտնւել Էրդողանը Պուտինի ու Ռոհանիի կողքին․ թուրք ծաղրանկարիչը Թեհրանի գագաթնաժողովի մասին

    Թուրք ծաղրանկարիչ Ութքու Ջան Աքէոլը «gazeteduvar.com.tr» կայքում հետաքրքրական ծաղրանկար է հրապարակել  Թեհրանում Ռուսաստան-Իրան-Թուրքիա նախագահների մակարդակով եռակողմ գագաթնաժողովի թեմայով:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։