Հա

Օրակարգ

07/04/2012 - 04:30

Վերջին շրջանում իրանահայ համայնքը (մեծամասամբ) իր սեփական բջջային հեռախօսների էկրաններին յաճախ է հանդիպել այն երկտողին, որը, ի դէպ, ստացել է ծանօթ-անծանօթ հեղինակներից, որը պատմում է Հայոց Ցեղասպանութեան մասին պարսկերէնով վաղը եթերւող տեսաֆիլմի մասին:
Սա իր հերթին հետաքրքիր երեւոյթ պէտք է համարել հասարակութեան մէջ ինքնաբուխ կերպով զարգացող մտորումների եւ ժամանակաւոր հոսանքների գծով: Անկախ այն բանից, որ եթերւող տեսանիւթը ինչպիսի մօտեցում կունենայ տւեալ խնդրի նկատմամբ, երեւոյթը դրական ազդեցութիւն կը թողնի, համայնքային կտրւածքով, մեր հասարակութեան վրայ, իր բոլոր շնչող եւ առկայ խնդիրներով, քանի որ արթնացնող զգօնութիւնը նոյնպէս դրական ֆակտոր է Ցեղասպանութեանը վերաբերող իւրաքանչիւր մեկնաբանութիւն գնահատելու գործում:

Լաւատեսութիւնը՝ լաւատեսութիւն, ոչ մի խօսք՝ սակայն թեթեւ հայեացք նետելով իւրաքանչիւր լսարան ձեւաւորած լրատւական կենտրոնի կամ հիմնարկութեանը, իրականութիւնները ցուցադրելու կողքին նաեւ այն մտածել է տալիս աւելի լայն լսարանը (քանակային իմաստով) չկորցնելու գծով:
Այս առումով լսարանի վրայ թողած ազդեցութեան մասին տարրական թւացող հետաքրքիր մի բանաձեւ գոյութիւն ունի, այն, որ եթէ նորամանկանը հարցնես՝ հայրիկի՞ն է աւելի շատ սիրում թէ՝ մայրիկին, կը պատասխանի իր վերջում լսած բառով կամ որակումով: Իսկ եթէ սրանից մէկ շաբաթ առաջ ցուցադրւել է Աթաթուրքի մասին պատմող վաւերագրական ֆիլմը եւ այն արդէն շարունակւում է Հայոց Ցեղասպանութեան մասին տեսաֆիլմով, կարելի է ենթադրել, որ շօշափւող խնդիրը եզրափակւի ասենք Թուրքիայի պետութեան տրամաբանած պատասխանն ընդգրկած ֆինալով: Նշածս բանաձեւի տեսքով, ինչ որ տեղ, լայն լսարանը կարող է աւելի գոհ մնալ:
Ինչեւէ, երեւոյթը որպէս պրոպագանդա եւ արթնացնող՝ հնարաւոր է տնօրինել՝ լուսաբանելով արհեստավարժ մեթոդներով...

ՀԱՏԻՍ

 

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։