Հա

Օրակարգ

01/06/2016 - 13:30

Ամենայն հայոց կաթողիկոսն ընդունեց Իրանի արդարադատութեան նախարարին

Մայիսի 31-ին Ն.Ս.Օ.Տ.Տ. Գարեգին Բ ծայրագոյն պատրիարք եւ Ամենայն հայոց կաթողիկոսը Մայր Աթոռ Սուրբ Էջմիածնում ընդունեց Իրանի Իսլամական Հանրապետութեան Արդարադատութեան նախարար Մուստաֆա Փուրմոհամմադիի գլխաւորած պատւիրակութեանը:

Հաղորդագրութիւն


Մայր Աթոռ Ս. Էջմիածին - Մայիսի 31-ին Ն.Ս.Օ.Տ.Տ. Գարեգին Բ ծայրագոյն պատրիարք եւ Ամենայն հայոց կաթողիկոսը Մայր Աթոռ Սուրբ Էջմիածնում ընդունեց Իրանի Իսլամական Հանրապետութեան Արդարադատութեան նախարար Մուստաֆա Փուրմոհամմադիի գլխաւորած պատւիրակութեանը:
Ողջունելով նախարարի այցը Հայաստան՝ Վեհափառ Հայրապետը գոհունակութիւն յայտնեց, որ երկու պետութիւնների միջեւ գործակցութիւնն օրէցօր բոլոր ոլորտներում ընդլայնւում է, եւ ՀՀ անկախութեան տարեգրութեան մէջ հայ-իրանական յարաբերութիւններում շօշափելի վերընթաց է նկատւում:
160601a03aՎեհափառ Հայրապետը գնահատանքով անդրադարձաւ Իրանում հայ համայնքի նկատմամբ ցուցաբերւող հոգածու վերաբերմունքին, ինչպէս նաեւ հայոց սրբավայրերի ու եկեղեցական կառոյցների նկատմամբ դրսեւորւող առանձնայատուկ խնամքին:
Իր հերթին Իրանի Արդարադատութեան նախարարն ուրախութիւն յայտնեց հանդիպման առիթով՝ նոյնպէս կարեւորելով միջպետական կապերի զօրացումը եւ տարբեր ոլորտներում առկայ սերտ գործակցութիւնը: Անդրադարձ կատարելով ապրիլեան դէպքերին՝ տիար Փուրմոհամմադին իր մտահոգութիւնն արտայայտեց՝ վերահաստատելով Իրանի զօրակցութիւնը Ղարաբաղեան հակամարտութեան խաղաղ կարգաւորման գործընթացին:
Զրոյցի ընթացքում Ամենայն հայոց կաթողիկոսը եւ Իրանի Արդարադատութեան նախարարը քննարկեցին մարդկութեան կեանքում ծառացած մարտահրաւէրներ, եւ այդ առումով արժեւորւեց կրօնի դերակատարութիւնը արդի աշխարհում:
160601a03bԻր խօսքում նախարարը, փաստելով աշխարհում նկատւող՝ Աստծուց հեռանալու վտանգի եւ ծայրայեղականութեան ցաւալի դրսեւորումների մասին, ընդգծեց կրօնների խաղաղ գոյակցութեան եւ այս ուղղութեամբ ջանքերը համատեղելու անհրաժեշտութիւնը, որպէսզի աղէտները դիմագրաււեն մարդկութեան կեանքում:
Այս առիթով Ամենայն հայոց կաթողիկոսը նշեց, որ մարդկային կեանքի խնդիրները, ցաւը եւ տառապանքը յուշում են, որ մարդ արարածը դադարել է ապրել Աստծու փառքի համար, շահը եւ ուժն են տիրապետող դարձել այսօր՝ վտանգաւոր աստիճանի հասցնելով հոգեւոր-բարոյական արժէքները: Ի հեճուկս այդ կործանարար երեւոյթների՝ Վեհափառ Հայրապետը վստահութիւն յայտնեց, որ բարեսէր մարդիկ իրենց նախանձախնդրութեամբ պիտի կարողանան փոխել աշխարհի ընթացքը եւ խոչընդոտել չարի տարածմանը:
Վերջում Վեհափառ Հայրապետը հաստատեց նաեւ, որ երկու ժողովուրդների համերաշխ գոյակցութիւնն ու ջերմ յարաբերութիւնները կարող են որպէս ցանկալի օրինակ ծառայել ողջ աշխարհին՝ վկայելու, որ կրօնական տարբերութիւնները պատերազմի պատճառ չեն կարող հանդիսանալ:
Հանդիպմանը խօսւեց նաեւ հոգեւոր կրթական ծրագրերի ու արդարադատութեան ոլորտում ձեւաւորւող գործակցութեան մասին:

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։