Հա

Օրակարգ

09/06/2016 - 12:20

Չեխիայի նախագահ.- «Մարդիկ, ովքեր ժխտում են ցեղասպանութիւնը, պարզապէս վախկոտներ են»

ՀՀ նախագահ Սերժ Սարգսեանի անունից ի պատիւ պետական այցով Հայաստանի Հանրապետութիւնում գտնւող Չեխիայի նախագահ Միլոշ Զեմանի, յունիսի 8-ին նախագահի նստավայրում տրւել է պետական ընդունելութիւն::
Իր ելոյթում, Չեխիայի նախագահ Միլոշ Զեմանը նշել է, թէ կը ցանկանար մտորել այն հարցի շուրջ, որը միաւորում է Հայաստանը եւ Չեխիան:

ՀՀ նախագահ Սերժ Սարգսեանի անունից ի պատիւ պետական այցով Հայաստանի Հանրապետութիւնում գտնւող Չեխիայի նախագահ Միլոշ Զեմանի, յունիսի 8-ին նախագահի նստավայրում տրւել է պետական ընդունելութիւն:
Արարողակարգի համաձայն, պետական ընթրիքի ժամանակ երկու երկրների նախագահները հանդէս են եկել փոխադարձ ելոյթներով, որտեղ անդրադարձել են Չեխիայի նախագահի Հայաստան կատարած պետական այցի արդիւնքներին, միջպետական յարաբերութիւնների զարգացման հեռանկարին, ամենատարբեր ոլորտներ ընդգրկող հայ-չեխական երկկողմ օրակարգի հարցերին, երկու ժողովուրդների պատմական առնչութիւններին, ինչպէս նաեւ Չեխիայի հայ համայնքի կարեւոր դերակատարութեանը երկու երկրների եւ ժողովուրդների բարեկամութեան ամրապնդման գործում:
Իր ելոյթում, Չեխիայի նախագահ Միլոշ Զեմանը նշել է, թէ կը ցանկանար մտորել այն հարցի շուրջ, որը միաւորում է Հայաստանը եւ Չեխիան: «Այսօր ճաշից յետոյ մի չեխ երիտասարդ լրագրող, ով ոչ բաւականաչափ կեանքի փորձ ունի, ինձ հարցրեց, թէ որտե՞ղ է աւարտւում ցեղասպանութեան սահմանը: Ես նրան պատասխանեցի՝ իմ երիտասարդ ընկեր, ես մէկ օրինակ եմ բերում՝ Եւրոպայում Համաշխարհային պատերազմի ժամանակ համակենտրոնացման ճամբարներում, գազային խցերում եւ այլն սպանւել է 6 մլն. հրեայ, բայց մի քանի հազար, հնարաւոր է մի քանի տասնեակ հազար մնացել են: Եւ դուք ուզում էք ասել, որ դա ցեղասպանութիւն չէ՞, քանի որ մի քանի հազար մարդ մնացե՞լ է: Նոյն բանը վերաբերում է հայ ժողովրդի ցեղասպանութեանը: Որոշ մարդիկ ասում են՝ որոշները մնացել են, դա ցեղասպանութիւն չէ: Իսկական անհեթեթութիւն: Ես ուզում եմ ասել, որ մեզ միաւորում է ճակատագիրը, քանի որ իմ ժողովուրդը դատապարտւած կը լինէր ցեղասպանութեան՝ նացիստական Գերմանիայի կողմից Համաշխարհային պատերազմում յաղթանակի դէպքում»,- ասել է Չեխիայի նախագահը, շեշտելով, որ մարդիկ, ովքեր ժխտում են ցեղասպանութիւնը, պարզապէս վախկոտներ են: «Ես երբեք, պարո՛ն նախագահ, սիրալիր քաղաքական գործիչ չեմ եղել: Նրանք պարզապէս վախկոտներ են:
Խօսում են մարդու իրաւունքների մասին. որոշ մարդկանց համար մարդու ամենագլխաւոր իրաւունքը ցոյց անելն է կառավարութեան դէմ: Իմ դէմ էլ են ցոյց արել, այլ գործիչների դէմ էլ, դա նորմալ է: Բայց դա մարդու ամենագլխաւոր իրաւունքը չէ: Մարդու ամենագլխաւոր իրաւունքը՝ կեանքի իրաւունքն է: Եւ բոլոր նրանք, ովքեր ժխտում են այդ իրաւունքը, ոչ մի իրաւունք չունեն խօսել մարդու այլ իրաւունքների մասին»,- ՀՀ նախագահի նստավայրում պետական ընդունելութեան ժամանակ ասել է Չեխիայի նախագահ Միլոշ Զեմանը:

«tert.am»

Յարակից լուրեր

  • Ցեղասպանութեան խորհրդով ապրել եւ գործել ի խնդիր պայծառ ապագայի
    Ցեղասպանութեան խորհրդով ապրել եւ գործել ի խնդիր պայծառ ապագայի

    Ճիշտ հարիւր չորս տարիներ առաջ, երբ մեր ժողովուրդը իր հայրենի հողի վրայ, իր տներում պատրաստւում էր տօնելու իր Փրկչի Հրաշափառ Յարութեան տօնը, յանկարծ չարանենգ թշնամին իր սատանայական մտածումներով ու խաւարագոյն ծրագիրների իրագործման հեռանկարով սկսեց մեր ժողովրդի բնաջնջման եւ անխնայ, անգութ, անմարդկային ու գազանաբարոյ կերպերով ու միջոցներով աւելի քան մէկուկէս միլիոն մարդ գողգոթացեալ կեանքով դէպի մահ առաջնորդեց։

  • Մեր սրբերի արեան գինը խաղաքարտ չէ՛
    Մեր սրբերի արեան գինը խաղաքարտ չէ՛

    Պահանջատէր մեր ժողովուրդը արդէն 104-րդ տարին լինելով, ապշահար հետեւում է քաղաքակիրթ կոչւած աշխարհի յամրաքայլ ընթացքին, որոնք իրենց դարաւոր քնից արթնացող հեքիաթային իշխանների նման, նոր յիշում են 20-րդ դարի առաջին եւ մեծագոյն ողբերգութիւնը գէթ ճանաչելու իրենց պարտականութիւնը, թող դեռ դատապարտելու պարտաւորութիւնը:  

  • Բանակցային իրական գործընթացի հումանիտար քողարկումը
    Բանակցային իրական գործընթացի հումանիտար քողարկումը

    Հայաստանի վարչապետի եւ Ադրբեջանի նախագահի՝ ԵԱՀԿ Մինսկի խմբի շրջանակներում կայացած առաջին ու դեռեւս վերջին հանդիպմանը ապրիլի 15-ին Մոսկւայում յաջորդեց Մնացականեան-Մամեդեարով հանդիպումը՝ համանախագահների մասնակցութեամբ եւ Սերգէյ Լաւրովի հիւրընկալութեամբ: Ինչպէս միշտ, այս հանդիպումից յետոյ հրապարակւեց ԵԱՀԿ Մինսկի խմբի համանախագահների եւ արտգործնախարարների համատեղ յայտարարութիւնը, որն իր բովանդակութեամբ տարբերւում էր նախորդներից ակնյայտ հումանիտար բնոյթով:

  • Սաֆրաստեան. «Հայոց Ցեղասպանութեան ճանաչման հարցը, կարծես, տեղափոխւում է մահմեդական աշխարհ»
    Սաֆրաստեան. «Հայոց Ցեղասպանութեան ճանաչման հարցը, կարծես, տեղափոխւում է մահմեդական աշխարհ»

    Թուրքիայում վերջին շրջանում ձեւաւորւած վախի մթնոլորտն ազդում է Հայոց Ցեղասպանութեան վերաբերեալ ճշմարտացի խօսքի վրայ: Այս մասին ասուլիսում ասաց ՀՀ ԳԱԱ արեւելագիտութեան ինստիտուտի տնօրէն, թուրքագէտ Ռուբէն Սաֆրաստեանը՝ նշելով, որ եթէ տարիներ առաջ Հայոց Ցեղասպանութեան մասին ազատ խօսքն աւելի յաճախ լսելի էր, ապա վերջին շրջանում այդ ձայնը շատ թոյլ է:

  • Ադրբեջանական բանակի առասպելներն ու իրականութիւնը․ ռազմական բիւջէի առաւելութիւնը ոչինչ չի ասում
    Ադրբեջանական բանակի առասպելներն ու իրականութիւնը․ ռազմական բիւջէի առաւելութիւնը ոչինչ չի ասում

    Զինւորական ստորաբաժանումներին սպառազինութիւններով եւ զինամթերքով յագեցնելու մասին Ադրբեջանի պաշտպանութեան նախարար Զաքիր Հասանովի յայտարարութեանը կարելի է թերահաւատօրէն վերաբերել, քանի որ մարտական գործողութիւնների ելքը միշտ չէ, որ կախւած է նորագոյն սպառազինութիւններով բանակի յագեցւածութիւնից։ Այս երեւույթի մասին «Ֆակտխեբեր» կայքում հրապարակւած «Ադրբեջանի բանակի առասպելներն ու իրականութիւնը» յօդւածում գրում է ադրբեջանցի լրագրող Զաուր Նասիրլին։

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։