Հա

Օրակարգ

14/06/2016 - 12:40

Ազդարարւեց 2016 թ. «Արի տուն» ծրագրի մեկնարկը

Ծրագրի շրջանակում 2016 թ.-ին նախատեսւած է 1100 սփիւռքահայ երիտասարդի այց Հայրենիք: Ինչպէս նախորդ տարիներին, ծրագիրը դարձեալ կընթանայ 8 փուլով՝ յունիսի 13-ից օգոստոսի 27-ը: Այս տարի եւս «Արի տուն»-ը կունենայ քառօրեայ ճամբարային ծրագիր, որը կը կազմակերպւի Ծաղկաձորում:

Յունիսի 13-ին տեղի ունեցաւ «Արի տուն» ծրագրի 2016 թ. առաջին փուլի բացման հանդիսաւոր արարողութիւնը, որին մասնակցեցին ՀՀ Սփիւռքի նախարար Հրանուշ Յակոբեանը, նախարարութեան աշխատակիցներ, հիւրեր:
Ծրագրի շրջանակում 2016 թ.-ին նախատեսւած է 1100 սփիւռքահայ երիտասարդի այց Հայրենիք: Ինչպէս նախորդ տարիներին, ծրագիրը դարձեալ կընթանայ 8 փուլով՝ յունիսի 13-ից օգոստոսի 27-ը: Այս տարի եւս «Արի տուն»-ը կունենայ քառօրեայ ճամբարային ծրագիր, որը կը կազմակերպւի Ծաղկաձորում:
Բացման խօսքով հանդէս եկաւ ՀՀ Սփիւռքի նախարար Հրանուշ Յակոբեանը: Ողջունելով արիտունցիներին՝ նախարարը նշեց. «Սիրելի՛ երիտասարդներ, ուրախ եմ այսօր ձեզ ողջունել 2016 թ.-ի «Արի տուն» ծրագրի առաջին փուլին մասնակցելու համար: Կատարւել է ձեր բոլորի երազանքը, այսօր դուք մասնակցում էք մի ծրագրի, որը արդէն 7 տարւայ պատմութիւն ունի: Ծրագիրը իր բնոյթով, կազմակերպչական ողջ ծաւալով, գրաւում, հիացնում է մեր երիտասարդներին եւ օգնում, որ նրանք աւելի լաւ ճանաչեն Հայաստանը, սիրեն Հայրենիքը՝ նորից վերադառնալու պայմանով: Ես կարծում եմ, որ դուք այս 14 օրերի ընթացքում ունենալու էք շատ մեծ եւ հետաքրքիր բացայայտումներ, ձեռք էք բերելու ամենակարեւորը՝ ընկերներ եւ բարեկամներ: Յատուկ շնորհակալութիւն եմ ուզում յայտնել բոլոր հիւրընկալ ընտանիքներին, ովքեր իրենց դռները բացել եւ սիրով հիւրընկալել են մեր պատանիներին ու աղջիկներին: Սիրելի՛ երեխաներ հաւատացած եմ, որ այս 14 օրերը ձեզ համար յիշարժան են դառնալու: Բարո՛վ էք եկել Հայրենիք»:
Նախարար Հրանուշ Յակոբեանը կարեւորեց ՀՀ տարբեր գերատեսչութիւնների, մարզային ու համայնքային կառոյցների աջակցութիւնը «Արի տուն» ծրագրին: Ազդարարելով «Արի տուն» ծրագրի մեկնարկը՝ ՀՀ Սփիւռքի նախարարը, աւանդոյթի համաձայն, ամենակրտսեր մասնակցին՝ 14-ամեայ Գէորգ Բաղդասարեանին (Սիրիա) հագցրեց «Արի տուն» ծրագրի տարբերանշանով շապիկն ու գլխարկը եւ յանձնեց պայուսակը:
Ծրագրի առաջին փուլին կը մասնակցեն 42 պատանիներ ու աղջիկներ, որոնցից 20-ը՝ Հայաստան տեղափոխւած սիրիահայեր են, 22 մասնակիցները՝ ՌԴ-ից, Բելոռուսիայից, Թուրքմենստանից եւ ԱՄՆ-ից:
Հայաստանի Հանրապետութեան Սփիւռքի նախարարութիւն

Յարակից լուրեր

  • Սփիւռքահայ երիտասարդների «Startup» ծրագիր
    Սփիւռքահայ երիտասարդների «Startup» ծրագիր

    Ի՞նչ է «ՆերՈւժ»-ը

    «ՆերՈւժ» ծրագիրը նախատեսւած է Սփիւռքում բնակւող հայազգի այն երիտասարդ ձեռներէցների համար, որոնք ցանկութիւն ունեն իրենց սթարթափ գաղափարներն ու ծրագրերն իրականացնել Հայաստանում:

  • Սպասենք՝ յոյսով…
    Սպասենք՝ յոյսով…

    ՀՀ վարչապետի կողմից առաջադրւած ու նորանշանակ նախարարների գործունէութիւնից (օրինաչափօրէն՝ առաջին 100-օրեակում) է կախւած լինելու նման առաջադրումների տրամաբանութիւնը: Մինչ այդ, սակայն, ողջունելին դա նախարարական կազմում երիտասարդ ուժերի ներգրաւման վարչապետ Փաշինեանի համարձակութիւնն է, որն ինքնըստինքեան ապագայի հաշւին յոյսի նշոյլներ է արթնացնում:

  • Հրանուշ Յակոբեանն ընդունեց Թեհրանի հայոց թեմի առաջնորդին
    Հրանուշ Յակոբեանն ընդունեց Թեհրանի հայոց թեմի առաջնորդին

    Ապրիլի 11-ին ՀՀ սփիւռքի նախարար Հրանուշ Յակոբեանն ընդունեց Մեծի Տանն Կիլիկիոյ կաթողիկոսութեան Թեհրանի հայոց թեմի առաջնորդ գերաշնորհ Տ. Սեպուհ արք. Սարգիսեանին:

  • Ցեղասպանութեան թեմայով գիտաժողով Սփիւռքի նախարարութիւնում
    Ցեղասպանութեան թեմայով գիտաժողով Սփիւռքի նախարարութիւնում

    Մարտի 16-ին ՀՀ Սփիւռքի նախարարութիւնում տեղի ունեցաւ «Հայոց Ցեղասպանութեան պատճառով հայութեան կրած նիւթական վնասները. «լքեալ գոյք եւ հայրենազրկում» թեմայով գիտաժողովը:

  • ՀՀ սփիւռքի նախարարը ընդունել է իրանահայ ճարտարագէտ Արմէն Սագինեանին
    ՀՀ սփիւռքի նախարարը ընդունել է իրանահայ ճարտարագէտ Արմէն Սագինեանին

    Փետրւարի 9-ին ՀՀ սփիւռքի նախարարը ընդունել է ԱՄՆ-ում բնակւող իրանահայ ճարտարագէտ Արմէն Սագինեանին:

    Ողջունելով հիւրին՝ նախարարը կարեւորել է նրա ազգասիրական գործունէութիւնը Հայրենիքում, մասնաւորապէս անդրադարձավ նրա նոր նախաձեռնութիւններին ու ծրագրերին: 

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։