Հա

Օրակարգ

02/07/2016 - 13:00

ԼՂՀ-ի ԱԺ-ի ՀՅԴ խմբակցութիւնը յայտարարութեամբ է հանդէս եկել

Յունիսի 30-ին տեղի է ունեցել ԼՂՀ-ի 6-րդ գումարման Ազգային ժողովի 3-րդ նստաշրջանի եզրափակիչ լիագումար նիստը:
Նիստին ԱԺ-ի «Դաշնակցութիւն» խմբակցութիւնը հանդէս է եկել յայտարարութեամբ, որը ներկայացրել է խմբակցութեան ղեկաւար Դաւիթ Իշխանեանը:
Յայտարարութիւնը ներկայացնում ենք ստորեւ:

Յունիսի 30-ին տեղի է ունեցել ԼՂՀ-ի 6-րդ գումարման Ազգային ժողովի 3-րդ նստաշրջանի եզրափակիչ լիագումար նիստը:
Նիստին ԱԺ-ի «Դաշնակցութիւն» խմբակցութիւնը հանդէս է եկել յայտարարութեամբ, որը ներկայացրել է խմբակցութեան ղեկաւար Դաւիթ Իշխանեանը:
Յայտարարութիւնը ներկայացնում ենք ստորեւ:
Յայտարարութիւն
Մէկ տարուց աւել է՝ ինչ իր աշխատանքներն է սկսել ԼՂՀ-ի 6-րդ գումարման ԱԺ-ն:
Անցած մէկ տարւայ ընթացքում մենք առնչւել ենք բազմաթիւ հիմնախնդիրների հետ՝ քաղաքական, տնտեսական, սոցիալական, պետական կառավարման համակարգի եւ այլն:
Հաւատարիմ 2015 թւականի նախընտրական քարոզարշաւի սկզբունքներին՝ ԱԺ-ի «Դաշնակցութիւն» խմբակցութիւնն անցած տարւայ ընթացքում փորձեց իր հնարաւորութիւններն ի սպաս դնել օրէնսդրական դաշտի, օրէնսդիրգործադիր յարաբերութիւնների, հասարակութեան հետ մշտական կապի ապահովման, խորհրդարանական դիւանագիտութեան զարգացման եւ այլ ուղղութիւններում տարւող աշխատանքների մէջ:
«Դաշնակցութիւն» խմբակցութեան համար որքանով կարեւոր էր արտաքին ճակատի վրայ տարւող աշխատանքները, անվտանգութեան հիմնախնդիրները, նոյնքանով էլ ընդգծելի էր ներքին կեանքին առնչւող բոլոր հարցերը:
Կարեւոր մի գործընթաց է նաեւ երկրում՝ Սահմանադրական բարեփոխումների իրականացումը եւ պառլամենտական համակարգի արմատաւորումը, որը, մեր գնահատմամբ, իր ազդեցութիւնը կունենայ եւ խթան կը հանդիսանայ Ղարաբաղի հիմնահարցի կարգաւորման վրայ:
Սակայն, խորհրդարանում գործող «Դաշնակցութիւն» խմբակցութեան համար հարցերի հարցը, ինչպէս նախկինում, մնում է Ղարաբաղի չհանգուցալուծւած հիմնախնդիրը՝ իր բոլոր երեւացող ու չերեւացող կողմերով:
Վերջին տարիներին բանակցութիւնների միջոցով Արցախեան հիմնախնդրի լուծումը, Ադրբեջանի յաւակնող առաւելապաշտական պահանջների պատճառով, անընդհատ ձախողւել է:
Հիմնախնդրով զբաղւող եւ տարածաշրջանում իրենց շահերը հետապնդող որոշ երկրներ ու միջազգային ուժեր տարիներ շարունակ իրենց մօտեցումներով կեղծ հաւասարութեան նշան են դրել կողմերի միջեւ՝ դրանով ոգեւորելով Ադրբեջանի ագրեսիւ նկրտումները:
Այդ գործելաոճը տարիների ընթացքում դարձել է իշխող՝ առանց ԼՂՀ-ի ժողովրդի կարծիքն ու մօտեցումները հաշւի առնելու:
Այդ գործելաոճի արդիւնքում բանակցութիւնների նիւթ են դարձել սկզբունքներ ու ծնւել փաստաթղթեր, որոնք ամբողջապէս անտեսում են Արցախի ժողովրդի իրական ու իրաւական իրաւունքները:
Հէնց այդ ամենի արդիւնքն են ապրիլեան իրադարձութիւնները՝ իրենց բոլոր հետեւանքներով:
Ապրիլեան պատերազմական գործողութիւնների աւարտին եւ երկու նախագահների Վիեննայի ու Սանկտ Պետերբուրգի հանդիպումներից յետոյ, այսօր թէ՛ միջազգային, թէ՛ հայկական շրջանակներում խօսք է գնում Արցախի հիմնախնդրի խաղաղ կարգաւորման բանակցութիւնների մասին: Տարաբնոյթ ու հակասական տեսակէտները կողմերի դիրքորոշման ձեւակերպումների վերաբերեալ որոշ մտահոգութիւններ են առաջացնում:
Առ այդ ԼՂՀ-ի ԱԺ-ի «Դաշնակցութիւն» խմբակցութիւնը մէկ անգամ եւս բարձրացնում է եւ վերահաստատում, որ՝
- Արցախի Հանրապետութեան անկախութեան միջազգայնօրէն ճանաչումը շարունակում է մնալ արտաքին ճակատում մեր գործունէութեան անկիւնաքարային հարցերից մէկը: Բանակցութիւնների առկայութիւնը չի կարող արգելք համարւել ԼՂՀ-ի Անկախութեան ճանաչմանը: Ընդհակառակը՝ տարբեր մակարդակի ճանաչման քայլերը կը զսպեն Ադրբեջանին եւ նրան կը մղեն կառուցողական կեցւածք դրսեւորելու: Ուրեմն՝ հարկ է շարունակել ԼՂՀ-ի միջազգայնօրէն ճանաչման խնդրի հետապնդումը:
Որպէս ԼՂՀ-ի անկախութեան ճանաչման եւ անվտանգութեան երաշխիք՝ անհրաժեշտ է, հետամուտ լինել ՀՀ-ի եւ ԼՂՀ-ի միջեւ ռազմա-քաղաքական դաշինքի կնքմանը:
Համախմբել համայն հայութեան ներուժը՝ Արցախեան հիմնախնդիրը ազգային-ազատագրական եւ ինքնորոշման պայքարի դաշտում պահելու համար:
Բանակցային գործընթացում առաջնորդւել Արցախի ժողովրդի 1991 թւականի անկախութեան եւ 2006 թւականի ԼՂՀ-ի Սահմանադրութեամբ ամրագրւած համաժողովրդական հանրաքւէներով արդէն իսկ կայացած կամարտայայտութեամբ:
- Արցախի հարցի լուծման ներկայ փուլում ԼՂՀ-ն դարձնել բանակցային գործընթացի լիիրաւ մասնակից:
Անթոյլատրելի է խօսել հայկական կողմի որեւէ զիջման մասին: Լեռնային Ղարաբաղի բնակչութիւնը կիրառել է իր ինքնորոշման իրաւունքը միջազգային իրաւունքի եւ ԽՍՀՄ-ի Սահմանադրութեան հիման վրայ:
1991-1994 թթ. Ղարաբաղի եւ Ադրբեջանի միջեւ մղւող պատերազմում Ադրբեջանը նախայարձակ էր: ԼՂՀ-ն պաշտպանեց անվտանգ ապրելու իր իրաւունքը եւ յաջողեց դրանում: Ադրբեջանը պատասխանատու է պատերազմ սկսելու եւ դրա բոլոր հետեւանքների համար:
Ադրբեջանի կողմից 1994-1995 թթ. զինադադարի ռեժիմը խախտելու, չեղեալ համարելու բոլոր ճիգերը պէտք է դատապարտւեն միջազգային հանրութեան կողմից:
Միջազգային հանրութիւնը պէտք է յաւելեալ ճիգեր գործադրի՝ վերսկսելու Արցախ-Ադրբեջան սահմանի երկայնքով զինադադարի պահպանումը:
Միաժամանակ շեշտում ենք, որ ԼՂՀ-ի անվտանգութեան երաշխաւորը, նախեւառաջ, ԼՂՀ-ի Պաշտպանութեան Բանակն է ու հայ զինւորը:

«aparaj.am»

Յարակից լուրեր

  • «Ադրբեջանի ընդդիմութիւնն աւելի հայատեաց է, քան` իշխանութիւնը». մեդիափորձագէտ
    «Ադրբեջանի ընդդիմութիւնն աւելի հայատեաց է, քան` իշխանութիւնը». մեդիափորձագէտ

    Մեդիափորձագէտ Տիգրան Քոչարեանն Ադրբեջանի ընդդիմութիւնն աւելի հայատեաց է համարում, քան իշխանութիւնը: Յունւարի 21-ին լրագրողների հետ հանդիպմանը մեդիափորձագէտ Տիգրան Քոչարեանը նշեց, որ ընդդիմութիւնն աւելի կտրուկ եւ կոշտ վերաբերմունք ունի արցախեան հիմնահարցի լուծման վերաբերեալ, քան ներկայ իշխանութիւնները:

  • Հինգ դաս Ալէն Սիմոնեանին
    Հինգ դաս Ալէն Սիմոնեանին

    Կան մարդիկ, որոնք քաղաքական գործիչ են դառնում իրենց աշխատասիրութեան, համառութեան ու կամքի շնորհիւ: Յարգում եմ այդպիսի մարդկանց, բայց եւ չեմ կարող բաւարարել ընթերցողներիս պահանջ-հարցադրումը` ինչո՞ւ Դուք քաղաքական գործիչ չէք դառնում: Ես չեմ ուզում քաղաքական գործիչ դառնալ, որովհետեւ քաղաքական գործիչներին հետեւելն ու նրանց գործունէութիւնը գնահատելն աւելի հետաքրքիր գործ է ինձ համար:

  • Վէճ Մոսկւայի եւ Բաքւի միջեւ. ի՞նչ պէտք է ընթերցեն մեր դիւանագէտները բանակցութիւններից առաջ
    Վէճ Մոսկւայի եւ Բաքւի միջեւ. ի՞նչ պէտք է ընթերցեն մեր դիւանագէտները բանակցութիւններից առաջ

    Անցած շաբաթւայ իրադարձութիւնների շարքում առանձնանում է երկու երկրների` Ռուսաստանի եւ Ադրբեջանի ԱԳՆ-ների սկզբունքային երկխօսութիւնը։ Թեման` հայկական ազգանուն եւ արմատներ ունեցող Ռուսաստանի քաղաքացիների Ադրբեջան մուտք գործելն արգելելն էր։ Գերատեսչութիւնները կարծիքներ եւ յայտարարութիւններ փոխանակեցին, մի շարք դիւանագէտներ արտայայտեցին իրենց դիրքորոշումները. դրանք երբեմն բաւական հետաքրքիր էին։ 

  • Արթուր Թովմասեան. «Մադրիդեա՞ն սկզբունքներն են սեղանին դրւած, թէ՞ կազանեան»
    Արթուր Թովմասեան. «Մադրիդեա՞ն սկզբունքներն են սեղանին դրւած, թէ՞ կազանեան»

    Բանակցութիւնների այլընտրանքը պատերազմն է. այս ճշմարտութիւնից ելնելով Արցախի խորհրդարանի իշխող «Հայրենիք» խմբակցութեան ղեկավար Արթուր Թովմասեանը ողջունում է Հայաստանի եւ Ադրբեջանի արտաքին քաղաքական գերատեսչութիւնների ղեկավարների վերջին երկարատեւ հանդիպումները եւ բանակցային գործընթացը վերսկսելուն ուղղւած ԵԱՀԿ Մինսկի խմբի համանախագահների ջանքերը:

  • Ո՞րն է Ադրբեջանի կողմից վարքագիծ փոխելու իրական պատճառը. մեկնաբանում է փորձագէտը
    Ո՞րն է Ադրբեջանի կողմից վարքագիծ փոխելու իրական պատճառը. մեկնաբանում է փորձագէտը

    Արցախն, այսպէս, թէ այնպէս, կայ բանակցութիւններում, քանի որ Մինսկի խմբի համանախագահները գնում են Արցախ, բացի այդ, ՀՀ ներկայացուցիչները մինչեւ որեւէ բանակցութեան գնալը Արցախի իշխանութիւնների հետ խօսում են եւ վերադառնալուց յետոյ, նորից խօսում են:

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։