Հա

Օրակարգ

04/07/2016

Անձնւէրների փաղանգին՝ երախտագիտութեամբ...

Այսօր, Հայ Մշակութային «Արարատ» կազմակերպութեան հիմնադրութեան 72-րդ տարեդարձն է:
Ամեակը կազմակերպիչների կողմից նշանաւորւելու է այսօր, յուլիսի 4-ին, կազմակերպութեան «Նոբահար»-ի կենտրոնատեղիում... խորհրդանշօրէն ասած՝ վերադարձ ակունքներին..., կամ աւելի ճիշտ, հաստատակամ՝ անցած ուղու եւ կերտած պատմութեան գաղափարային արժէքների ու աւանդութեանց հանդէպ:

Դ. Մ.


Այսօր, Հայ Մշակութային «Արարատ» կազմակերպութեան հիմնադրութեան 72-րդ տարեդարձն է:
Ամեակը կազմակերպիչների կողմից նշանաւորւելու է այսօր, յուլիսի 4-ին, կազմակերպութեան «Նոբահար»-ի կենտրոնատեղիում... խորհրդանշօրէն ասած՝ վերադարձ ակունքներին..., կամ աւելի ճիշտ, հաստատակամ՝ անցած ուղու եւ կերտած պատմութեան գաղափարային արժէքների ու աւանդութեանց հանդէպ:
1940-ականներից՝ նորաբողբոջ պատանեկան խմբեր, «Միտք ու արւեստ» միութիւն, ապաեւ՝ յաջորդաբար ծլարձակւում են «Լոյս եւ միտք», «Արշալոյս», «Րաֆֆի», «Շանթ» եւ «Կայծ» միութիւնները եւ այդպիսով՝ կազմակերպական ձեւաւորում ստանալով՝ այդ բոլորը դառնում են «Հայ Պատանեկան ընդհանուր միութիւն»... Եւ դա՝ 1944 թ.-ի յուլիսի 4-ին: Իսկ մէկ շաբաթ անց՝ յուլիսի 11-ի վարչական նիստում վերափոխւած՝ «Հայ Պատանեկան Մշակութային միութիւն» անւամբ:
Երկամեայ զարգացման հոլովոյթը նշանաւորւել է դարձեալ անւան փոփոխութեամբ, դառնալով՝ «Հայ Երիտասարդական Մշակութային միութիւն»: Այնուհետեւ, 1950-ականներից՝ «Հայ Մշակութային Արարատ միութիւն», իսկ 60-ականներից (1962 թ. ապրիլ) ի վեր՝ «Հայ Մշակութային Արարատ կազմակերպութիւն»...:
«Պատանեկան խմբերից» մինչեւ «կազմակերպութիւն» սլացող «Արարատի» 22-ամեայ ուղին ընթացել է անձնւէրների փաղանգի շնորհիւ: Պատրաստակամ՝ ամէն կարգի դժւարութիւններ յաղթահարելու կամաւորներից իրենց պայծառ դէմքերի ընդմիջից յիշենք երախտագիտօրէն՝ հաստաբուն կաղնին հիմնադրող-սերմանողներից մի քանիսին.- Սեդա Վարդանեան, Սեդա Բժշկեան, Միհրդատ Պատմագրեան, Վարդգէս Տէր-Յարութիւնեան, Հայկ Վարդանեան, Հրանդիկ Բեգլարեան, Էդւարդ Վարդանի, Յովիկ Գասպարեան, Յակոբ Կարապետեան (Կարապենց) Ռուբիկ Մուրադեան, Օդիկ (Օդա) Դարմանեան, Վիլիկ Պատմագրեան, Յարութիկ Քալանթարեան, Սեդա Քոչարեան.... եւ նրանց հետնորդներ տասնեակ ու հարիւրաւոր հայորդիներ, որոնք մինչ օրս Արարատի ոգեղէն ներշնչանքով հայկական մշակոյթի ու մարզանքի բարձունքներ են առաջնորդել իրանահայ սերունդներին:
Շնորհաւոր տարեդարձդ սիրելի «Արարատ»:

Յարակից լուրեր

  • Նշւեց Հ.Մ.Ա.Կ-ի 74-ամեակը
    Նշւեց Հ.Մ.Ա.Կ-ի 74-ամեակը

    Հ. Մ. «Արարատ» կազմակերպութիւնը թեւակոխեց իր 74-ամեակը: Այդ առիթով երէկ, յուլիսի 4-ին, «Արարատ» մարզաւանի «Այգեստան»-ում կազմակերպւել էր տօնախմբութիւն: Հանդիսութիւնը մէկտեղւած էր գեղարւեստական կատարումներով, որոնք իրականացրեցին կազմակերպութեան տարբեր միաւորների անդամները:

  • «Արարատ»-ը՝ 73 տարեկան է
    «Արարատ»-ը՝ 73 տարեկան է

    Երէկ՝ յուլիսի 4-ին երեկոյեան տեղի ունեցաւ Հ. Մ. «Արարատ» կազմակերպութեան հիմնադրման 73-րդ տարեդարձը: «Արարատ» մարզաւանի «Այգեստան»-ում:

  • Նորակառոյց համալիր՝ «Արարատ»-ի նոր վերելքի համար
    Նորակառոյց համալիր՝ «Արարատ»-ի նոր վերելքի համար

    Երէկ` յունւարի 30-ին տեղի ունցաւ Հ.Մ.Ա.Կ.-ի նորակառոյց՝ «Ճրտ. Ռոստոմ Ոսկանեան»-ի անւան մարզահամալիրի եւ «Սասնայ Մհեր» սրահի բացման արարողութիւնը:

  • «Արարատ» -«Ալիք» միասնութեան ցուցանիշ...
    «Արարատ» -«Ալիք» միասնութեան ցուցանիշ...

    Մօտալուտ օրերին «Արարատ» մարզաւանում կայանալու է Հայ Մշակութային «Արարատ» կազմակերպութեան կողմից արդէն աւանդական նշանակութեան՝ Համահայկական խաղերի 48-րդ շրջանի բացման հանդիսաւոր արարողութիւնը:
    Այս տարւայ բացման հանդիսութիւնը, բացառիկ նշանակութիւն ու բովանդակութիւն է ունենալու յատկապէս պաշտօնական հրաւիրեալների առումով:

  • Հ.Մ.Ա.Կ.-ի Կենտրոնական վարչութեան նախագահի այցը ազգային առաջնորդարան
    Հ.Մ.Ա.Կ.-ի Կենտրոնական վարչութեան նախագահի այցը ազգային առաջնորդարան

    Չորեքշաբթի, օգոստոսի 10-ի կէսօրից յետոյ Տ. Սեպուհ արք. Սարգսեանը, առաջնորդարանի իր գրասենեակում ընդունեց Հայ մշակութային «Արարատ» կազմակերպութեան Կենտրոնական վարչութեան նախագահ՝ Գէորգ Վարդանեանին:
    Սրբազան Հայրը ջերմօրէն ողջունեց պրն. Վարդանեանին, ով Սրբազան Հօրը ներկայացրեց Կենտրոնական վարչութեանը, մարզաւանը նոր կառոյցով օժտելու ծրագիրը ու առաջիկայ սեպտեմբերին տեղի ունենալիք Համահայկական խաղերի հետ կապւած հիմնահարցեր:

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։