Հա

Օրակարգ

06/08/2016 - 13:40

Շաւարշ Քոչարեան.- «ԼՂ-ի հիմնախնդրի կարգաւորման հարցում չի կարող զիջում լինել, զիջումը բացառւում է»

«Ղարաբաղեան հիմնախնդրի կարգաւորման հարցում չի կարող զիջում լինել, զիջումը բացառւում է»,- այս մասին ՀՀ կառավարութեան հերթական նիստից յետոյ լրագրողների հետ զրոյցում ասաց ՀՀ փոխարտգործնախարար Շաւարշ Քոչարեանը:

«Ղարաբաղեան հիմնախնդրի կարգաւորման հարցում չի կարող զիջում լինել, զիջումը բացառւում է»,- այս մասին ՀՀ կառավարութեան հերթական նիստից յետոյ լրագրողների հետ զրոյցում ասաց ՀՀ փոխարտգործնախարար Շաւարշ Քոչարեանը:
Հարցին, թէ օգոստոսի 10-ին Ռուսաստանում կայանալիք Սարգսեան-Պուտին հանդիպումից յետոյ Ղարաբաղեան հարցում ակնկալո՞ւմ են որեւէ նոր բեկում, Շաւարշ Քոչարեանը պատասխանեց. «Այնտեղ ամէն ինչ շատ յստակ է: Կայ երկու հարթութիւն. մի հարթութիւնը վերաբերում է նրան, ինչ արձանագրւեց Վիեննայում, դրանից յետոյ Սանկտ Պետերբուրգում: Այսինքն՝ խօսքը վստահութեան մթնոլորտի ստեղծման մասին է, որն առաջարկել են համանախագահող երկրները: Իսկ դա, առաջին հերթին, նշանակում է՝ շփման գծում չպէտք է լինեն սադրանքներ, կրակոցներ եւ այլն»:
Միեւնոյն ժամանակ, անդրադառնալով նոյն թեմային, ՌԴ-ի նախագահ Վլադիմիր Պուտինը յայտարարել է, որ պաշտօնական Մոսկւան չի պատրաստւում Հայաստանին ու Ադրբեջանին պարտադրել Լեռնային Ղարաբաղի հակամարտութեան կարգաւորմանն ուղղւած «ինչ-որ պատրաստի բաղադրատոմսեր»՝ յաւելելով, որ Մոսկւան պատրաստ է աջակցել հակամարտող կողմերի արած իւրաքանչիւր առաջարկին:
«Ուզում եմ առանձնայատուկ ընդգծել, որ մենք ամենեւին էլ չենք փորձում Ադրբեջանին ու Հայաստանին ինչ-որ պատրաստի «բաղադրատոմսեր» պարտադրել: Կողմերը պէտք է իրենք համաձայնութեան գան եւ, առանց արտաքին ճնշման, յանգեն երկուստեք ընդունելի լուծման: Սա է մեր յստակ դիրքորոշումը»,-նշել է ՌԴ նախագահը:
Վերջինս նշել է, որ փոխզիջման հասնելը ենթադրում է «տարածքային ամբողջականութեան եւ ժողովուրդների ինքնորոշման իրաւունքի սկզբունքների միջեւ օպտիմալ հաւասարակշռութեան ձեռքբերում»:
«Իհարկէ, կարգաւորման նպատակը պէտք է լինի պայմանաւորւածութիւնն առ այն, որ կողմերից եւ ոչ մէկը չի ճանաչւելու որպէս յաղթող կամ պարտւող: Զիջումները պէտք է փոխադարձ լինեն, իսկ դրանից բխող շահերը՝ ակնյայտ Ադրբեջանի ու Հայաստանի հանրութեան համար: Իսկ Ռուսաստանն իր հերթին պատրաստակամ է աջակցել հակամարտութեան լուծման այն տարբերակին, որը ձեռնտու կը լինի բոլոր կողմերին, ինչպէս նաեւ միւս միջնորդների հետ հանդէս գալ որպէս կարգաւորման երաշխաւոր»,- ընդգծել է Պուտինը:
Պուտինը յիշեցրել է, որ Ռուսաստանն Հայաստանի եւ Ադրբեջանի հետ ունի խոր պատմական արմատներ, յարաբերութիւնները կրում են ռազմավարական բնոյթ եւ մօտ են իրար աշխարհագրօրէն:
«Այդ պատճառով մենք անկեղծօրէն հետաքրքրւած ենք հարեւան տարածաշրջանում խաղաղութեան ու հանգստութեան վերահաստատման հարցում, որպէսզի այնտեղ այլեւս մարդիկ չզոհւեն, սահմանները բացւեն, վերականգնւեն տնտեսական կապերը: Մենք այդ ուղղութեամբ անում ենք հնարաւորը»,- յաւելել է Վլադիմիր Պուտինը:

«panorama.am»

Յարակից լուրեր

  • Արտակ Զաքարեան. «Հայաստանը բանակցային փուլում յանուն թւացեալ խաղաղութեան կարող է յայտնւել զիջումների գնալու ճանապարհին՝ միջազգային ճնշման տակ»
    Արտակ Զաքարեան. «Հայաստանը բանակցային փուլում յանուն թւացեալ խաղաղութեան կարող է յայտնւել զիջումների գնալու ճանապարհին՝ միջազգային ճնշման տակ»

    Ենթադրում եմ, որ այն, ինչի մասին մենք խօսում եւ զգուշացնում էինք, կարող է իրականութիւն դառնալ: «Tert.am»-ի հետ զրոյցում ասաց ՀՀ ԱԺ արտաքին յարաբերութիւնների յանձնաժողովի նախկին նախագահ, պաշտպանութեան նախկին փոխնախարար Արտակ Զաքարեանը՝ նշելով, որ Հայաստանը բանակցային փուլում յանուն թւացեալ խաղաղութեան կարող է յայտնւել զիջումների գնալու ճանապարհին՝ միջազգային ճնշման տակ:

  • Դեղին քարտ` յետյեղափոխական Հայաստանի դատաիրաւական համակարգին. «Փաստ»
    Դեղին քարտ` յետյեղափոխական Հայաստանի դատաիրաւական համակարգին. «Փաստ»

    «Փաստ» թերթը գրում է. «Սոյն թւականի յունւարի 17-ին Մարդու իրաւունքների եւրոպական դատարանը 39-րդ Կանոնի համաձայն որոշել է միջանկեալ միջոց կիրառել Սամուէլ Մայրապետեանի գործով եւ ցուցում է տւել Հայաստանի կառավարութեանը շտապ կերպով ապահովել Սամուէլ Մայրապետեանի առողջական վիճակին համապատասխան բուժօգնութիւն՝ համաձայն բժիշկ մասնագէտների ցուցումների՝ այդ թւում տրանսլիւմինալ դրենաւորման մեթոդի կիրառմամբ:

  • Ի՞նչ հաշտեցում, քանի դեռ կռւի պատճառները վերացւած չեն
    Ի՞նչ հաշտեցում, քանի դեռ կռւի պատճառները վերացւած չեն

    «Նախարարները քննարկել են Լեռնային Ղարաբաղի հակամարտութեան կարգաւորման հետ կապւած հարցերի լայն շրջանակ եւ համաձայնել են, որ անհրաժեշտ է բնակչութեանը խաղաղութեան նախապատրաստելուն ուղղւած կոնկրետ միջոցառումներ ձեռնարկել»: Սա մի հատւած է ԵԱՀԿ ՄԽ համանախագահների յայտարարութիւնից, որ տարածւել է Փարիզում յունւարի 16-ին տեղի ունեցած` Հայաստանի եւ Ադրբեջանի արտգործնախարարների հանդիպումից յետոյ: 

  • Դաւիթ Բաբայեան. «Պարտադրանք չի կարող լինել»
    Դաւիթ Բաբայեան. «Պարտադրանք չի կարող լինել»

    ՀՀ արտգործնախարարի պաշտօնակատար Զոհրաբ Մնացականեանի եւ Ադրբեջանի ԱԳ նախարար Էլմար Մամեդեարովի՝ յունւարի 16-ին Փարիզում կայացած հանդիպումը դարձել է քաղաքացիների, քաղաքագետների, սոցցանցերի քննարկման առարկան։

    Ինչի՞ մասին է խօսւել, ի՞նչ է քննարկւել, ինչի՞ց յետոյ են եկել համաձայնութեան՝ հարցականներ են։ «Panorama.am»-ի թղթակիցը այս ամէնի շուրջ խօսեց Արցախի Հանրապետութեան նախագահի աշխատակազմի տեղեկատւութեան գլխաւոր վարչութեան պետ Դաւիթ Բաբայեանի հետ։

  • Պաշտօնական խօսքի «հիգիենան» հրապարակային քննարկումներում
    Պաշտօնական խօսքի «հիգիենան» հրապարակային քննարկումներում

    Արդէն մի քանի օր է աշխատանքներն է սկսել Հայաստանի 7-րդ գումարման Ազգային ժողովը, եւ ականատես ենք լինում նախկինում արմատական ընդդիմութեան դիրքերից հանդէս եկող քաղաքական ուժի՝ իշխանական գործառոյթներին ադապտացման գործընթացին, ինչը զերծ չմնաց սկանդալներից ու քննադատութիւնից։

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։