Հա

Օրակարգ

21/08/2016 - 12:40

Հերոսացած ախոյեանը

Արթուր Ալեքսանեանը նւաճեց մեր սիրտը իր շահած օլիմպիական ոսկի մեդալով, բայց աւելի՛ն՝ մեր նահատակ հերոսներուն հանդէպ իր ցուցաբերած յարգալիր վերաբերմունքով:
Արթուրը իր ոսկի մեդալը ստանալու պահը մեզի համար առանձնապէս նշանաւորեց՝ նահատակ Ռոբեր Ապաճեանի նկարը կրող շապիկով ներկայանալուն փաստով: Յուզւեցանք ու գնահատեցինք:

ԱԲՕ ՊՕՂԻԿԵԱՆ


Արթուր Ալեքսանեանը նւաճեց մեր սիրտը իր շահած օլիմպիական ոսկի մեդալով, բայց աւելի՛ն՝ մեր նահատակ հերոսներուն հանդէպ իր ցուցաբերած յարգալիր վերաբերմունքով:
Արթուրը իր ոսկի մեդալը ստանալու պահը մեզի համար առանձնապէս նշանաւորեց՝ նահատակ Ռոբեր Ապաճեանի նկարը կրող շապիկով ներկայանալուն փաստով: Յուզւեցանք ու գնահատեցինք: Այսպիսի երեւոյթներու՝ հայրենասիրութիւն խթանող հզօր ազդակներ ըլլալու իրողութիւնը կարելի չէ թերագնահատել:
«Իմ յաղթանակս կը նւիրեմ սահմանը պաշտպանող բոլոր զինւորներուն ու պաշտպանութեան ընթացքին ինկած մեր բոլոր զոհերուն»,- յայտարարեց Արթուր: Պատերազմէն նոր դուրս եկած ժողովուրդի մը զաւակը, բնականաբար, պէտք է այդպէս ընէ՝ կը մտածենք: Բայց հաւատացէ՛ք, որ եթէ Արթուրը մեզ չյիշեցնէր մեր պարտքն ու պարտաւորութիւնը՝ մեր իրագործումներու, յաղթանակներու ու ձեռքբերումներու պահերուն հայրենիքի պաշտպաններուն հանդէպ, ապա մենք պիտի բաւարարւէինք ծափահարելով ախոյեանը, իբրեւ մեր հայրենիքին պատիւը բարձր պահող մարզիկի, իսկ հայրենիքին հանդէպ յաւելեալ յանձնառութեան, յաւելեալ պարտքի գիտակցումը կրնար կորսւիլ ընդհանուր խանդավառութեան մէջ:
160821a03aԱրթուրին պատգամին էութիւնը ա՛յդ էր. յիշենք մեր նահատակները, պանծացնենք անոնց յիշատակը ու գնահատենք այսօր սահմանին կանգնած զինւորներուն խիզախութիւնը, անոնց նւիրումը, եւ մեր շահածին, մեր ձեռք բերած յաջողութիւններուն ու մեր փառքին բաժնեկից դարձնենք զանոնք:
Ինչպէ՞ս:
Բոլորիս, անշուշտ, օլիմպիական բարձունքներէն փառքի պսակներ խլելու բախտ չի վիճակւիր, սակայն, իւրաքանչիւրս, մեր առօրեայ կռիւներուն, պայքարներուն ընթացքին, մեծ ու փոքր նւաճումներ կարձանագրէ կամ կը փորձէ արձանագրել: Երբ յաջողինք՝ չմոռնա՛նք մեր շահէն բաժին հանել ազգային ձգտումներու իրականացման նւիրւած ծրագիրներուն ու կազմակերպութիւններուն:
Շնորհակա՛լ ենք, Արթուր, քու հզօր բազուկով նւաճած ախոյեանութեան եւ հզօր սրտով մեզի փոխանցած պատգամիդ համար:

«Ասպարէզ»

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։