Հա

Օրակարգ

04/09/2016 - 13:10

Արմէն Ռուստամեանը՝ «Սասնայ ծռեր»-ի՝ յեղափոխութեան փորձի մասին.- «Չի կարելի ունքը սարքելու տեղն աչքը հանել»

Չի կարելի ունքը սարքելու տեղն աչքը հանել. սեպտեմբերի 2-ին՝ Արցախի անկախութեան 25-ամեակին նւիրւած հաւաքից յետոյ լրագրողների հետ զրոյցում ասաց ՀՅԴ Բիւրոյի քաղաքական ներկայացուցիչ Արմէն Ռուստամեանը՝ անդրադառնալով դիտարկմանը, թէ ՀՅԴ-ի անւան հիմքում «յեղափոխութիւն» բառն է, մինչդեռ՝ այն քաղաքական ուժերի շարքն է դասւում, որոնք դատապարտում են «Սասնայ ծռեր» խմբաւորման գործողութիւնները:

Չի կարելի ունքը սարքելու տեղն աչքը հանել. սեպտեմբերի 2-ին՝ Արցախի անկախութեան 25-ամեակին նւիրւած հաւաքից յետոյ լրագրողների հետ զրոյցում ասաց ՀՅԴ Բիւրոյի քաղաքական ներկայացուցիչ Արմէն Ռուստամեանը՝ անդրադառնալով դիտարկմանը, թէ ՀՅԴ-ի անւան հիմքում «յեղափոխութիւն» բառն է, մինչդեռ՝ այն քաղաքական ուժերի շարքն է դասւում, որոնք դատապարտում են «Սասնայ ծռեր» խմբաւորման գործողութիւնները:
«Մեր յեղափոխութիւնն ազգային-ազատագրական նպատակով յեղափոխութիւն է: Ի՞նչ է նշանակում Դաշնակցութիւն: Այն ժամանակ, երբ ուրիշ ճար չէր մնում պայքարելու ռեժիմների դէմ՝ սկսած սուլթան Համիդից մինչեւ երիտթուրքեր եւ այլն, այդ գործը կատարեցին հայ յեղափոխականները, որոնք միաւորւեցին: Դրա համար էլ կուսակցութեան անունը Դաշնակցութիւն է, այսինքն՝ յեղափոխականների միաւորում, բայց դրա նպատակը շատ յստակ է՝ հասնել ազատ, անկախ, միացեալ Հայաստանի կերտմանը: Մենք երբեք այդ յեղափոխականութիւնը որպէս զինւած պայքար չենք դիտել՝ ներսում քաղաքացիական բախումներ, քաղաքացիական պատերազմ առաջացնելու համար»,- ասաց Արմէն Ռուստամեանը՝ յաւելելով, որ պէտք է զերծ մնալ երկրի ներսում բախումներ առաջացնելու գործողութիւններից:
«Կասկած չունենք, որ հէնց պառակտւեցինք, քաղաքացիական բախումներ սկսւեցին, դրանից անմիջապէս օգտւելու է Ադրբեջանը: Մենք պարտաւոր ենք այդ ամէնը նկատի ունենալ»,- ասաց ՀՅԴ Բիւրոյի անդամը՝ միեւնոյն ժամանակ ընդգծելով, որ տեղեր կան, որտեղ թռիչքաձեւ զարգացումն անհրաժեշտութիւն է. «Տեղ կայ, որ միայն թռիչքաձեւ զարգացմամբ պէտք է հնարաւոր լինի երկիրը դուրս բերել ծանր, լճացած վիճակից»:
Անդրադառնալով դիտարկմանը, թէ «Սասնայ ծռեր» խմբաւորման անդամները եւս յեղափոխութիւն էին պահանջում, Ռուստամեանն ասաց. «Իշխանափոխութիւն էին պահանջում, բայց ոչ մի բանի չհասան: Ունենք երեք զոհ: Այն նպատակը, որ դրւած էր, տեղի չունեցաւ: Այս ամէնը եւս մէկ անգամ եկաւ փաստելու, որ չի կարելի ունքը սարքելու փոխարէն աչքը հանել: Երեք ընտանիք՝ առնւազն, եթէ չասեմ՝ մնացածները, դժբախտացել են: Անմեղ մարդիկ ինչո՞ւ պիտի այդ գինը վճարէին: Ամէն միջոց չէ, որ արդարացնում է նպատակները, եւ այդ նպատակներին հասնելու համար համապատասխան միջոցներ է պէտք գտնել»:

«yerkir.am»

Յարակից լուրեր

  • ՀՀ ՊՆ-ն պաշտօնապէս հաստատեց հայկական զինուժի առաջխաղացման մասին լուրը
    ՀՀ ՊՆ-ն պաշտօնապէս հաստատեց հայկական զինուժի առաջխաղացման մասին լուրը

    ՀՀ պաշտպանութեան նախարարի մամուլի խոսնակ Արծրուն Յովհաննիսեանը հաստատել է տեղեկութիւնն այն մասին, որ հայկական զինուժը բարելաւել է իր դիրքերը Տաւուշի մարզում` Ադրբեջանի հետ սահմանագծում, բայց թւային տւեալներ յայտնելուց ՊՆ խօսնակը ձեռնպահ է մնացել։

  • Մեր հիմնական առաջնահերթութիւներից է, որ Արցախը զերծ մնայ որեւէ ցնցումներից
    Մեր հիմնական առաջնահերթութիւներից է, որ Արցախը զերծ մնայ որեւէ ցնցումներից

    Վերջերս «Երկիր Մեդիա» հեռուստատեսութեանը տւած հարցազրոյցում ՀՅԴ Բիւրոյի ներկայացուցիչ Յակոբ Տէր-Խաչատուրեանն անդրադարձել է նաեւ Արցախում կայանալիք նախագահական եւ ԱԺ ընտրութիւններին:

    Ստորեւ ներկայացնում ենք այդ հարցազրոյցից մի հատւած.

  • Ո՞վ է կորցրել Համահայկական օրակարգը
    Ո՞վ է կորցրել Համահայկական օրակարգը

    Դաշնակցական մտաւորական, հրապարակագիր եւ հրապարակախօս Սեդօ Պոյաճեանն իր ֆէյսբուքեան էջում գրում է. «Ձախէն եւ աջէն խօսում են Համահայկական օրակարգի մասին։ Ըստ հայկական սովորութեան, այս հարցը եւս վերածուել է լոզունգի։ Այսօր մենք չունենք այն ղեկավար սերունդը, որ ատակ է պատկերացնել, տեսլականացնել, ծրագրել եւ պահանջուած աշխատանքի միջոցներն ու ճանապարհը ներկայացնել ժողովրդին։

  • Խմբագրական. Համահայկական օրակարգի փոխլրացուցիչ ենթակէտերը
    Խմբագրական. Համահայկական օրակարգի փոխլրացուցիչ ենթակէտերը

    Համահայկական օրակարգի ձեւաւորման հրամայականին շուրջ ակնկալելի է, որ ծաւալին հրապարակային քննարկումներ: Օրակարգի կէտերը բնականաբար կ՛ըլլան գերակայ ուղղութիւններ եւ օրինաչափօրէն հետզհետէ Հայաստանի եւ Արցախի հանրապետութեանց կարեւորագոյն խնդիրներուն կը միացնեն համասփիւռքեան-համահայկական հիմնահարցեր: Թէ՛ օրակարգի ձեւաւորման եւ թէ՛ օրակարգի կէտերու կատարողականութեան գործիքակազմերու կամ կառուցակարգային խնդիրներու մասին վստահաբար թափ կը հաւաքեն կազմակերպելի խորհրդակցութիւնները:

  • «Պատճառը բանակցային գործընթացի, հանդիպումների ոչ արդիւնաւէտ լինելն է». փորձագէտը՝ վերջին օրերին ՀՀ-Ադրբեջան սահմանին հակառակորդի կրակոցի արդիւնքում ՀՀ ԶՈւ-ի կորստի եւ 3 վիրաւորի մասին
    «Պատճառը բանակցային գործընթացի, հանդիպումների ոչ արդիւնաւէտ լինելն է». փորձագէտը՝ վերջին օրերին ՀՀ-Ադրբեջան սահմանին հակառակորդի կրակոցի արդիւնքում ՀՀ ԶՈւ-ի կորստի եւ 3 վիրաւորի մասին

    Օգոստոսի 13-ին, Հայաստանի սահմանին հակառակորդի կողմից արձակւած կրակոցի հետեւանքով պայմանագրային զինծառայող է վիրաւորւել. վերջին 20 օրերի ընթացքում Հայաստան-Ադրբեջան սահմանին հակառակորդի կրակի հետեւանքով ՀՀ ԶՈւ-ն ունեցել է մէկ կորուստ, եւ գրանցւել է վիրաւորման երկու դէպք: Հայաստանի սահմանին հակառակորդի կողմից լարւածութեան մեծացման պատճառների, դրա հետեւանքների մասին Tert.am-ը զրուցել է ռազմական փորձագէտ, ՀՅԴ անդամ Արթուր Եղիազարեանի հետ։

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։