Հա

Օրակարգ

09/10/2016 - 12:20

«Հայաստան Էքսպօ 2016»-ի արդիւնքներին սպասելիս...

Իրան-Հայաստան երկկողմ բարեկամական յարաբերութիւններում առկայ արտաքին ուժագծերը (վեկտոր) խօսուն են յատկապէս քաղաքական եւ մշակութային ոլորտներում:
Տնտեսական ոլորտում առկայ ցուցանիշերը, որքան էլ զարմանալի է, դեռեւս մեզ համար ցանկալի արդիւնքներ չեն գրանցել, որովհետեւ դրանք մինչ այժմ մնում են յուշագրերի եւ պայմանագրերի ամրագրման տեսքով եւ չեն գործնականացւում, մի խօսքի ձեւակերպմամբ՝ սայլը տեղից չի շարժւում:

Ա. Է.


Իրան-Հայաստան երկկողմ բարեկամական յարաբերութիւններում առկայ արտաքին ուժագծերը (վեկտոր) խօսուն են յատկապէս քաղաքական եւ մշակութային ոլորտներում:
Տնտեսական ոլորտում առկայ ցուցանիշերը, որքան էլ զարմանալի է, դեռեւս մեզ համար ցանկալի արդիւնքներ չեն գրանցել, որովհետեւ դրանք մինչ այժմ մնում են յուշագրերի եւ պայմանագրերի ամրագրման տեսքով եւ չեն գործնականացւում, մի խօսքի ձեւակերպմամբ՝ սայլը տեղից չի շարժւում: Իհարկէ, այստեղ մեղաւորներ փնտրելու երկկողմանի գործօնը քննարկելու միտումներ չունենք, քանզի ինքնին հասկանալի է, որ բացի «ցանկութիւններից» առկայ են նաեւ օրէնսդրական եւ սահմանադրական դաշտում մի շարք գործող օրէնքներ, որոնցում անհրաժեշտ են լուրջ՝ այսպէս ասած՝ զիջումնային փոփոխութիւններ, որպէսզի յատկապէս հայկական ապրանքների շրջանառութիւնը իրանական շուկայում ակտիւանայ, աւելի ճիշտ սկսի գործել:
Հոկտեմբերի 4-ին Իրանի Միջազգային ցուցահանդէսների կենտրոնում «Հայաստան Էքսպօ 2016» ցուցահանդէսը առաջին լուրջ ներկայութիւնն էր իր տարողութեամբ՝ ներկայութիւն, որն ինքնին խոստմնալից էր բազմակողմանի առումներով: Դրանցից կարելի է մատնանշել հայաստանեան արտադրութեան եւ միջին բիզնեսի մատուցմամբ ներկայացւած լայն ապրանքատեսականին, որը իրանական շուկայում կարող է իր լուրջ խօսքը ունենալ: Խոստմնալից է այն՝ նաեւ Իրանի հետ տնտեսական կապերի եւ խորացման ուժագծում: Հայաստանեան ապրանքատեսականին որքան էլ Իրանի հասարակական շերտերին ծանօթ է, այդուամենայնիւ տարեկան շրջանառութեան կտրւածքով գրեթէ անհասանելի է:
Փոխգործակցութեան եւ օրէնսդրական դաշտում փոփոխութիւնների ցանկալի նախանշաններ կարելի էր արդէն շօշափել աւելի բարձր մակարդակներում հէնց ցուցահանդէսի բացման եւ դրան յաջորդող օրերում:
Ամէն ինչից բացի, մի առանձին ուժագծում ակնառու եւ շատ խրախուսիչ ներկայութիւն էր հայաստանեան կողմի համար սիրիահայ գործարարների եւ առանձին ձեռներէցների ներկայութիւնը, որը Հայաստանի տնտեսական դաշտում նրանց համար ներդրումների եւ միջին ու մանր բիզնեսի զարգացման խոստմնալի ապագայ է, յատկապէս այստեղ՝ նրանց բացառիկ ձեռքի աշխատանքների եւ առանց քիմիկատների արտադրութեան ցուցադրութիւնը:
Երկու բարեկամական երկրների տնտեսական կապերի զարգացմանը զարկ տալու եւ այն իրական հարթակում գործնականի վերածելու մտասեւեռմանն է ուղղւած Իրանում ՀՀ արտակարգ եւ լիազօր դեսպան Արտաշէս Թումանեանի բացառիկ ջանքերը, ում շնորհիւ էլ համագործակցութեան հզօր լծակ ի գործ դրւեց՝ իրականացնելու իր տեսակի մէջ իսկապէս բացառիկ այս ցուցահանդէսը:
Երէկ աւարտւեց «Հայաստան Էքսպօ 2016»-ը, որի շօշափելի արդիւնքները անկասկած ակնառու կը լինեն շատ մօտ ապագայում եւ վստահ ենք, որ տարիներ սեղանին առկայ պայմանագրերը եւ համատեղ յուշագրերը վերջապէս գործնականի կը վերածւեն ու տնտեսական ոլորտը եւս հզօր խթան կը հանդիսանայ երկու երկրների ապրանքաշրջանառութեան տարրապատկերում (սպեկտոր):

Յարակից լուրեր

  • «Որեւէ երկրի հետ պատերազմելու նպատակ չունենք, սակայն պաշտպանելու ենք մեզ». Զարիֆ
    «Որեւէ երկրի հետ պատերազմելու նպատակ չունենք, սակայն պաշտպանելու ենք մեզ». Զարիֆ

    ԱԳ նախարար Մոհամմադ Ջաւադ Զարիֆն Իրանի նախկին ԱԳ նախարարների եւ Իրանում հաւատարմագրւած դեսպանների ու օտարերկրեայի դիւանագիտական ներկայացուցիչների մասնակցութեամբ կազմակերպւած հանդիպման ժամանակ անդարադարձել է յետյեղափոխութեան շրջանում Իրանի արատաքին քաղաքականութեանը. տեղեկացնում է ԻՌՆԱ-ն:

  • Հայաստան սփիւռք յարաբերութիւնների հոլովոյթը
    Հայաստան սփիւռք յարաբերութիւնների հոլովոյթը

    Մեր մանկա-պատանեկան տարիներին, Հայաստանը Սովետական երկաթեայ վարագոյրից ներս գտնւելու բերումով, մեզ համար մանկական հեքիաթների նման, համարւում էր եօթն սարերի հետևում անգտանելի մի աշխարհի որի կարօտը միշտ զգում էինք և ճար ու դարման էլ չունէինք մեր կարօտին յագուրդ տալու: Առաւել մեզ խեղճ էինք զգում, ի տես մեր բնակարաններում պատերից կախւած և կամ արծաթեայ մի քանի սպասների վրայ քանդակւած, Մայր Հայաստանի պատկերը, տխուր ու տրտում դէմքով, ձեռքը ծնօտին՝ Հայաստանի աւերակների վրայ նստած:

  • Հայաստան-Սփիւռք յարաբերութիւնների հոլովութը
    Հայաստան-Սփիւռք յարաբերութիւնների հոլովութը

    Մեր մանկա-պատանեկան տարիներին, Հայաստանը Սովետական երկաթեայ վարագոյրից ներս գտնւելու բերումով, մեզ համար մանկական հեքիաթների նման, համարւում էր եօթն սարերի հետեւում անգտանելի մի աշխարհի, որի կարօտը միշտ զգում էինք եւ ճար ու դարման էլ չունէինք մեր կարօտին յագուրդ տալու: Առաւել մեզ խեղճ էինք զգում, ի տես մեր բնակարաններում պատերից կախւած եւ կամ արծաթեայ մի քանի սպասների վրայ քանդակւած, Մայր Հայաստանի պատկերը, տխուր ու տրտում դէմքով, ձեռքը ծնօտին՝ Հայաստանի աւերակների վրայ նստած:

  • Արցախը Հայաստանի անվտանգութեան թիկունքն է
    Արցախը Հայաստանի անվտանգութեան թիկունքն է

    Ինչպէս Սօս Սարգսեան ըսած է, «Ձեզի համար Ղարաբաղը հողատարածք է, մեզի համար հայրենիք է»: Պատմական ճշմարտութիւն եւ քաղաքական տրամաբանութիւն կայ այս հաստատումին մէջ։

    Եւ կայ աւելին։ Արցախի պահպանումը աշխարհաքաղաքական պարտադրանք է ու հայրենիքի անվտանգութեան ճիշդ ռազմավարութեան հրամայականն է։ 

  • «Ալ Ջազիրա»-ն անդրադարձել է Երեւանում բնակւող սիրիահայ փախստական ոսկերչի կեանքի պատմութեանը
    «Ալ Ջազիրա»-ն անդրադարձել է Երեւանում բնակւող սիրիահայ փախստական ոսկերչի կեանքի պատմութեանը

    Հեղինակաւոր «Ալ Ջազիրա» լրատւամիջոցն անդրադարձել է Սիրիայում ընթացող քաղաքացիական պատերազմի սկզբում Հալէպից Երեւան տեղափոխւած 31-ամեայ ոսկերիչ Վահէ Յովհաննիսեանի կեանքի պատմութեանը:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։