Հա

Օրակարգ

18/10/2016

Դաւիթ Բաբայեան.- «ԼՂ-ի հակամարտութեան կարգաւորման գործընթացն ինքը կարգաւորման կարիք ունի»

Ղարաբաղա-ադրբեջանական հակամարտութեան կարգաւորման գործընթացն ինքը կարգաւորման կարիք ունի: Հէնց դրան է ուղղւած Ռուսաստանի արտգործնախարար Սերգէյ Լաւրովի յայտարարութիւնը: Այս մասին «news.am»-ի հետ զրոյցում ասել է ԼՂՀ-ի նախագահի մամուլի խօսնակ Դաւիթ Բաբայեանը՝ մեկնաբանելով ղարաբաղեան հակամարտութեան կարգաւորման գործում Թուրքիայի ունեցած հնարաւոր դերակատարման մասին Լաւրովի յայտարարութիւնը:

Ղարաբաղա-ադրբեջանական հակամարտութեան կարգաւորման գործընթացն ինքը կարգաւորման կարիք ունի: Հէնց դրան է ուղղւած Ռուսաստանի արտգործնախարար Սերգէյ Լաւրովի յայտարարութիւնը: Այս մասին «news.am»-ի հետ զրոյցում ասել է ԼՂՀ-ի նախագահի մամուլի խօսնակ Դաւիթ Բաբայեանը՝ մեկնաբանելով ղարաբաղեան հակամարտութեան կարգաւորման գործում Թուրքիայի ունեցած հնարաւոր դերակատարման մասին Լաւրովի յայտարարութիւնը:
«Մենք միշտ ասել ենք, որ Թուրքիան չի կարող միջնորդ դառնալ հակամարտութեան կարգաւորման գործում, քանի որ այդ երկիրը կողմնակալ վերաբերմունք ունի, աւելին՝ ակնյայտ ադրբեջանամէտ եւ հակահայկական դիրքորոշում ունի»,- յիշեցրել է Դաւիթ Բաբայեանը:
ԼՂՀ-ի նախագահի մամուլի խօսնակի գնահատմամբ՝ Սերգէյ Լաւրովի յայտարարութիւնը շատ կարեւոր է, այն նշագծում է Թուրքիայի մասնակցութեան հնարաւորութիւնները: Այսինքն՝ Թուրքիային հասկացնել են տւել, որ նա չի կարող միջնորդ լինել, սակայն եթէ իրօք շահագրգռւած է տարածաշրջանում խաղաղութեան եւ կայունութեան հարցում, թող գործով, այլ ոչ թէ բառերով քայլեր կատարի եւ բացի սահմանը:
Դաւիթ Բաբայեանի ասութեամբ՝ Հայաստանի եւ ԼՂՀ-ի հետ սահմանի բացմանը յաջորդող քայլը պէտք է լինի բանակցութիւնների լիամասշտաբ վերականգնման եւ ԼՂՀ-ին բանակցային սեղանի շուրջ վերադարձնելու հարցը:
«Եթէ Թուրքիան ինքը բացի Հայաստանի հետ սահմանը եւ ազդի Ադրբեջանի վրայ ԼՂՀ-ի սահմանների բացման հարցում, ապա դա հիանալի օրինակ կը լինի»,- ասել է Դաւիթ Բաբայեանը՝ յաւելելով, որ, սակայն, 100 տոկոս վստահութեամբ կարելի է ակնկալել, որ դա տեղի չի ունենայ: Մասնաւորապէս դա է վկայում Թուրքիայի վերջին յայտարարութիւնը:

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։