Հա

Օրակարգ

13/11/2016 - 12:50

12 օր է մնացել...

Թեհրանի հայոց թեմի 16-րդ շրջանի Պատգամաւորական ժողովի ընտրութիւններին ընդառաջ, Կենտրոնական ընտրական յանձնախմբի կողմից ճշտորոշւած եւ մի քանի անգամ երկարաձգւած՝ թեկնածուների գրանցման ժամկէտի աւարտմամբ, շուտով սկսելու է ընտրական յաջորդ փուլը՝ ընտրական քարոզարշաւը:

Դ. Մ.


Թեհրանի հայոց թեմի 16-րդ շրջանի Պատգամաւորական ժողովի ընտրութիւններին ընդառաջ, Կենտրոնական ընտրական յանձնախմբի կողմից ճշտորոշւած եւ մի քանի անգամ երկարաձգւած՝ թեկնածուների գրանցման ժամկէտի աւարտմամբ, շուտով սկսելու է ընտրական յաջորդ փուլը՝ ընտրական քարոզարշաւը:
Մինչ այդ, սակայն, ընտրական Կենտրոնական յանձնախմբի կողմից մամուլի ճամբով հանրութեանն է ներկայացւելու սոյն ընտրութիւններին մասնակցութեան յայտ ներկայացրած ու գրանցւած բոլոր թեկնածուների անւանացանկը: Այլ խօսքով՝ դա հէնց մեկնարկն է լինելու ընդհանուր ընտրարշաւի, իր նախնական տեսքով:
Այնուհետեւ բուն քարոզարշաւը, շուրջ 10-օրեայ տեւողութեամբ, ընթանալու է մինչեւ ս. թ. նոյեմբերի 23-ը ներառեալ, իսկ բուն ընտրութիւնը, ինչպէս ժամանակին յայտարարւել է Կենտրոնական ընտրական յանձնախմբի կողմից, կայանալու է ուրբաթ, նոյեմբերի 25-ին:
Չնայած երկրի մակարդակով՝ համապետական ընտրութիւնների համեմատ, համայնքային մասշտաբի ՊԺ-ի ընտրութիւնները եթէ ոչ շատ ծաւալուն ու տարողունակ, բայց ներկայացուցչական բնոյթ են կրել ու հանդիսացել այլապէս՝ համայնքի հայելին, անկախ փոքրամասնական, մեծամասնական պատկերից, կամ՝ տւեալ դէպքում այնքան էլ ոչ էական՝ ընդդիմութիւն-իշխանութիւն յարաբերակցութիւնից:
Կարեւորը, որ իրանահայ համայնքը առհասարակ եւ Թեհրանի հայոց թեմը իր յարակից շրջաններով մասնաւորաբար նոր իրողութիւնների լոյսի տակ առաջնահերթաբար իր օրէնսդիր (Պատգ. ժողով) ու գործադիր (Թեմ. եւ միւս յարակից խորհուրդ-մարմիններ) ատեաններով համայնքային համընդհանուր շահերը կենսագործելու առաքելութիւն է հետապնդել մշտապէս, նոյն համայնքի բարօրութեան ի խնդիր:
Անշուշտ, այդ ճամբին բազմակարծութիւնը եւ մեծամասնական թէ՛ փոքրամասնական, ֆրակցիական թէ՛ անհատական կեցւածքների առողջ ու նպատակամէտ քննարկումները աւելիով են կայացնելու նոյնինքն Պատգամաւորական ժողովին ու այդ ճամբով էլ՝ նպաստելու համայնքի համընդհանուր շահերին:
Իսկ մենք համոզւած ենք, որ գալիք ընտրութիւններում մեր խելացի ու զգօն ընտրազանգւածները հէնց այդ բարձր գիտակցութեամբ է, որ մասնակցելու են ընտրութիւններին ու պատգամաւորի պատասխանատու եւ յանձնառու մանդատով օժտելու են իրենց ընտրեալներին:

Յարակից լուրեր

  • Հանդիպումները կայացան. այժմ խօսքերը գործնականացնելու ժամանակն է...
    Հանդիպումները կայացան. այժմ խօսքերը գործնականացնելու ժամանակն է...

    Յարգելի ընթերցող, ինչպէս անցնող շաբաթւայ ընթացքում մեր թղթակցութիւնների ընդմիջից ներկայացրինք, կայացան թեհրանահայ համայնքի եռեակ հայաշատ քաղաքամասերի քաղաքացիների հետ Թեհրանի հայոց թեմի Պատգամաւորական ժողովի եւ Թեմական խորհրդի միջեւ անմիջական հանդիպում-քննարկումները:

  • Հայ Մշակոյթին նւիրւած՝ միջոցառումներ Թեհրանի հայոց թեմում
    Հայ Մշակոյթին նւիրւած՝ միջոցառումներ Թեհրանի հայոց թեմում

    Իւրաքանչիւր տարի հոկտեմբեր ամսի երկրորդ շաբաթը նշանաւորւում է մշակոյթի շաբաթւան նւիրւած միջոցառումներով:

  • Հասարակական կարծիքի դերը առկայ տնտեսա-քաղաքական գործընթացներում
    Հասարակական կարծիքի դերը առկայ տնտեսա-քաղաքական գործընթացներում

    Հասարակական կարծիքի դրսեւորումը առողջ հասարակական կեանքի ցուցանիշ է եւ սա փաստ է, որը գործնականօրէն ապացուցւած է: Այս մասին բազմիցս խօսել ենք մեր էջերում: Այսօր այդ խօսքի շեշտադրումը օրւայ հրամայական է ու ընթերցողը այսուհետեւ աւելի շատ կը մասնակցի քննարկումների եւ կը զգայ համայնքային- հասարակական հարցերի աւելի լայն անդրադարձների արծարծումը:

  • Տնտեսական ճգնաժամը եւ առանց այդ էլ «բաց»-ով փակւող մեր բիւջէն
    Տնտեսական ճգնաժամը եւ առանց այդ էլ «բաց»-ով փակւող մեր բիւջէն

    Հանդիպումների երկրորդ օրը, երէկ, երեքշաբթի, տեղի ունեցաւ «Սիփան» միութեան «Նայիրի» սրահում, որտեղ Սասուն քաղաքամասի բնակիչներն առիթ ունեցան դէմ առ դէմ, կամ ինչպէս դահլիճից հնչեց՝ եռակողմ հանդիպմանը լսելու Պատգամաւորական ժողովի եւ Թեմական խորհրդի ներկայացուցիչների ծաւալած գործունէութեան մասին:

  • Ազգային իշխանութիւն-ժողովուրդ հանդիպում՝ Զէյթուն քաղաքամասում
    Ազգային իշխանութիւն-ժողովուրդ հանդիպում՝ Զէյթուն քաղաքամասում

    Թեհրանի հայոց թեմի ազգային իշխանութեան օրէնսդիր եւ գործադիր մարմիններ՝ Թ. Հ. Թ. Պատգամաւորական ժողովը եւ Թեմական խորհուրդը համայնքին լսելու եւ իրենց տարած աշխատանքները համայնքի սեփականութիւնը դարձնելու նպատակով նախաձեռնել են հանդիպումների շարան Թեհրանի երեք քաղաքամասերում: 

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։