Հա

Օրակարգ

26/11/2016 - 13:00

Ընտրութիւնները՝ հասարակական պատգամ...

Յայտարարւած նախնական տւեալները վկայում են, որ աւելի քան չորս հազար քւէարկող է մասնակցել Թ. Հ. Թ.-ի 16-րդ Պատգամաւորական ժողովի ընտրութեանը: Համեմատելով նախորդ ընտրութեանը, որին շուրջ 5500 հոգի մասնակցութիւն էր ունեցել, պարզւում է՝ աւելի քան 20 տոկոսանոց նւազում՝ ընտրազանգւածների առումով, որի համար պէտք է անհրաժեշտ հետեւութիւններն անել:

Դ. Մ.


Յայտարարւած նախնական տւեալները վկայում են, որ աւելի քան չորս հազար քւէարկող է մասնակցել Թ. Հ. Թ.-ի 16-րդ Պատգամաւորական ժողովի ընտրութեանը: Համեմատելով նախորդ ընտրութեանը, որին շուրջ 5500 հոգի մասնակցութիւն էր ունեցել, պարզւում է՝ աւելի քան 20 տոկոսանոց նւազում՝ ընտրազանգւածների առումով, որի համար պէտք է անհրաժեշտ հետեւութիւններն անել: Յատկապէս՝ եթէ պատճառներից մէկը լինի համարել «անտարբերութիւնը»..., այն իմաստով, որ ասենք, օրինակ տւեալ դէպքում ընտրողը այլեւս չի կարեւորում ներհամայնքային մասշտաբի նման ընտրութիւնները:
Մասնակի պատճառներից եւս կարելի է թւարկել արտագաղթի բերումով քւէարկողների նւազումը, որն, սակայն, չի թւում թէ այս ընտրութիւններում էական հիմք է եղել, որովհետեւ երբ դարձեալ համեմատենք 2008-ից 2012 թթ. ընկած ժամանակահատւածը, նկատում ենք, որ 2012 թ.-ին շուրջ 500-ով գերազանցում էին քւէարկողները՝ 2008-ի համեմատ: Չէ՞ որ արտագաղթի երեւոյթը այդ ժամանակահատւածներում էլ է առկայ եղել...:
Այսպէս թէ՛ այնպէս, նոյնիսկ «անտարբերութիւն»-ն է հասարակական ցուցանիշ, կեցւածք՝ նոյնինքն մեր համայնքի քաղաքացու կողմից, որին պէտք է արժանին մատուցել եւ կարեւորը՝ ըստ վերոգրեալի, պէտք է պատշաճ հետեւութիւններ անել, ունկնդրելով այդ «հասարակական պատգամը...»:
Ահաւասիկ.- կայացա՛ն ու աւարտւեցին ընտրութիւնները: Աւարտւեցին, սակայն, նոր սկզբի համար: Շուտով օժտւելու ենք նոր Պատգամաւորական ժողովով, որն յանուն մեր համայնքի շահերի, պէտք է խելամտօրէն դիմագրաւողը լինի մերօրեայ մարտահրաւէրների. լինեն դրանք հասարակական-քաղաքական, կրթամշակութային թէ՛ տնտեսական..., ընդհուպ մինչեւ կալւածային եւ այլն եւ այլն...:
Մինչ այդ, սակայն, վարձքը ի կատար լինի բոլոր նրանց, ովքեր նոյեմբերի 25-ի եւ լոյս 26-ի աննախադէպ ցրտին ամենայն յանձնառութեամբ վերահսկեցին բոլոր ընտրատեղամասերում մեր սիրելի քւէարկողների մասնակցութիւնը՝ հերթական այս ընտրութիւններում:
Ընտրութիւններ, որոնք պէտք է ուսանելի դասեր ու փորձառութիւններ կուտակեն՝ գալիք նւաճումների համար...:

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։