Հա

Օրակարգ

Կիրակի, 11 Դեկտեմբերի 2016 11:50

Դաւիթ Բաբայեան.- «Ժամանակն է, որ հասցէական նշւեն յայտարարութիւնները»

Համանախագահների յայտարարութիւնն, ըստ էութեան եւ հետաքրքիր էր, եւ դրական, իսկ ինչ վերաբերում է դրականին, ապա շատ կարեւոր է, որ նրանք դատապարտել են ապրիլեան պատերազմը:
Այս մասին, «panorama.am»-ի թղթակցի հետ զրոյցում, ասել է Արցախի Հանրապետութեան նախագահի մամլոյ խօսնակ Դաւիթ Բաբայեանը:

Համանախագահների յայտարարութիւնն, ըստ էութեան եւ հետաքրքիր էր, եւ դրական, իսկ ինչ վերաբերում է դրականին, ապա շատ կարեւոր է, որ նրանք դատապարտել են ապրիլեան պատերազմը:
Այս մասին, «panorama.am»-ի թղթակցի հետ զրոյցում, ասել է Արցախի Հանրապետութեան նախագահի մամլոյ խօսնակ Դաւիթ Բաբայեանը:
«Սա նշանակում է, որ կարեւորւում է խաղաղ կարգաւորումը եւ անընդունելի են համարում ցանկացած ուժային տարբերակ: Կարեւոր է նաեւ, որ կոշտ ձեւակերպումով են դատապարտել վայրագութիւնները, բարբարոսութիւնները, եւ այլն»,- նշեց նա:
Բաբայեանի համոզմամբ, իհարկէ, ակնյայտ է, որ դրանք վերաբերում են ադրբեջանական կողմին, սակայն միւս կողմից, արդէն պահն է, որ հասցէական նշւեն յայտարարութիւնները:
«Եթէ հասցէական չեն, ապա նշանակում է, որ յանցագործը, տւեալ դէպքում՝ Ադրբեջանը, առիթից օգտւում է: Ուստի կոչ ենք անում, որ աւելի հասցէական հնչեն յայտարարութիւնները, մանաւանդ, որ բոլոր փաստերը մեր կողմից ներկայացւել են ՄԱԿ-ին, ԵԱՀԿ-ի նախագահի անձնական ներկայացուցչի գրասենեակին եւ տարբեր միջազգային ատեաններին տեսագրութիւնների, լուսանկարների ու փաստական այլ տւեալների ձեւով»,- մանրամասնեց Բաբայեանը:
Համբուրգում կայացած 3+2 ձեւաչափով կայացած հանդիպումները Բաբայեանը կարեւորեց, քանզի հանդիպումները խաղաղ գործընթացի մաս են կազմում:
«Ցանկացած հանդիպում կարեւոր է, դրական է, քանզի խաղաղ գործընթացի մի մաս է: Ընդհանրապէս ԼՂ-ի հակամարտութեան կարգաւորումը պէտք է դիտարկենք երկու հարթութիւնում: Առաջինը խաղաղութեան եւ կայունութեան պահպանումն է տարածաշրջանում, իսկ միւսը՝ բուն կարգաւորումն է: Քանի որ կողմերն ունեն բոլորովին իրարամերժ մօտեցումներ, աւելին՝ Ադրբեջանը շարունակում է սաստկացնել իր ֆաշիստական հռետորաբանութիւնը եւ քաղաքականութիւնը, ապա այդ հանդիպումներից ակնկալել տեղաշարժեր բուն կարգաւորման գործընթացում, դեռեւս վաղաժամ է, հետեւաբար նման հանդիպումների կարեւորութիւնը տարածաշրջանում խաղաղութեան եւ կայունութեան պահպանման տեսանկիւնից են արժեւորւում»,- ասաց Բաբայեանը:

«artsakhpress.am»

Յարակից Հրապարակումներ

Ամենաշատ ընթերցւած

Քւէարկութիւն

Խորհրդարանը կը վստահի՞ արդեօք 12-րդ կառավարութեան կազմին:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։