Հա

Օրակարգ

Երկուշաբթի, 12 Դեկտեմբերի 2016 12:20

Դոկտ. Լարիջանի.- «Իրանը չի ցանկանում տարածաշրջանին պարտադրել սեփական հեգեմոնիան»

Երէկ՝ դեկտեմբերի 11-ին մեկնարկել է «Երկխօսութիւն, վստահութիւն, փոխգործակցութիւն՝ յանուն անվտանգութեան եւ համատեղ զարգացման» թեմայով «Թեհրանի անվտանգութեան խորհրդաժողով»-ը:
Խորհրդաժողովի բացման արարողութեանը ելոյթով հանդէս է եկել Իսլ. խորհրդարանի նախագահ դոկտ. Ալի Լարիջանին՝ ներկայացնելով Իրանի արտաքին քաղաքականութեան միջազգային եւ տարածաշրջանային ռազմավարական սկզբունքները:

«ԱԼԻՔ» - Երէկ՝ դեկտեմբերի 11-ին մեկնարկել է «Երկխօսութիւն, վստահութիւն, փոխգործակցութիւն՝ յանուն անվտանգութեան եւ համատեղ զարգացման» թեմայով «Թեհրանի անվտանգութեան խորհրդաժողով»-ը:
Խորհրդաժողովի բացման արարողութեանը ելոյթով հանդէս է եկել Իսլ. խորհրդարանի նախագահ դոկտ. Ալի Լարիջանին՝ ներկայացնելով Իրանի արտաքին քաղաքականութեան միջազգային եւ տարածաշրջանային ռազմավարական սկզբունքները:
Խօսելով Արեւմտեան Ասիայի աշխարհաքաղաքական կարեւորութեան եւ նշանակութեան մասին՝ դոկտ. Լարիջանին ծանրացել է կարդինալ այն մարտահրաւէրների վրայ, որոնք այսօր սպառնում են կարեւորագոյն այս տարածաշրջանի խաղաղութիւնը, կայունութիւնն ու անվտանգութիւնը: Նա յատուկ ընդգծել է, որ տարածաշրջանի երկրներն ունեն քաղաքական անհրաժեշտ տարողութիւնը՝ լուծելու առկայ մարտահրաւէրները. «Անառողջ մրցակցութիւնը, սեփական հեգեմոնիան հաստատելու մասին ցնորքները եւ կայսրութիւնների հետ կապւած անցեալի յուշերը, սակայն, խոչընդոտում են տրամաբանւած քաղաքական գործընթացները»,- նշել է նա:
Դոկտ. Լարիջանին յատուկ ընդգծել է, որ Իրանը երբեւէ չի ցանկանում տարածաշրջանում հաստատել իր հեգեմոնիան. «Այլ, ընդհակառակը, Իրանի Իսլամական Հանրապետութեան ռազմավարութեան տրամաբանութիւնը հիմնւած է իսլամական երկրների համախմբման սկզբունքի եւ Իսրայէլի դէմ պայքարի հիման վրայ»,- յայտնել է Իսլ. խորհրդարանի խօսնակը:
Նա նշել է, որ աւարտւել է կայսրութիւնների դարաշրջանը եւ անհնար է սեփական հեգեմոնիան կառուցել այդ տրամաբանութեան հիման վրայ. «Իրանը ոչ միայն չի ձգտում վերականգնելու սեփական կայսրութիւնը, այլ, ընդհակառակը, դէմ է կայսերական մտածողութեանը եւ պատմական հեգեմոնիայի վերականգնման փորձերին: Հեգեմոնիան, եթէ կառուցւի գաղափարախօսութեան եւ հաւատամքի հիման վրայ, ապա կարող է դիմակայել քաղաքական եւ անվտանգութեան փորձութիւններին: Սեփական շահերի վրայ կառուցւած հեգեմոնիան, սակայն, տարածաշրջանային հիմնախնդիրների նկատմամբ քաղաքական տհաս մօտեցման ապացոյցն է»,- եզրակացրել է դոկտ. Լարիջանին:

Յարակից Հրապարակումներ

  • Թրամփը հանդէս է եկել հակաիրանական հերթական անհեթեթ յայտարարութեամբ
    Թրամփը հանդէս է եկել հակաիրանական հերթական անհեթեթ յայտարարութեամբ

    ԱՄՆ-ի նախագահ Դոնալդ Թրամփը հանդէս է եկել հակաիրանական հերթական չհիմնաւորւած յայտարարութեամբ:

  • Իրանը խստօրէն դատապարտել է ԱՄՆ-ի թշնամական եւ լարւածութիւն առաջացնող դիրքորոշումները
    Իրանը խստօրէն դատապարտել է ԱՄՆ-ի թշնամական եւ լարւածութիւն առաջացնող դիրքորոշումները

    «ԱՄՆ-ը եւ նրա տարածաշրջանային դաշնակիցները պէտք է գիտակցեն , որ այսօր, Իրանի Իսլամական Հանրապետութիւնը, որպէս ժողովրդավար, հզօր ու կայուն մի համակարգ, որը վայելում է սեփական ժողովրդի հովանաւորութիւնը, տարածաշրջանում եւ աշխարհում համարւում է խաղաղութեան, կայունութեան, բարի դրացիական յարաբերութիւնների եւ բռնութեան ու ծայրայեղականութեան դէմ պայքարի ճատագովը, եւ նման յայտարարութիւնները չեն կարող ստիպել նրան շեղւելու ընտրած ուղուց»,- ասել է Բահրամ Ղասեմին:

  • Հայաստանի եւ Իրանի մաքսային մարմինների միջեւ էլեկտրոնային տւեալների փոխանակում կիրականացւի
    Հայաստանի եւ Իրանի մաքսային մարմինների միջեւ էլեկտրոնային տւեալների փոխանակում կիրականացւի

    Մաքսային ոլորտում Հայաստան-Իրան համագործակցութեան սերտացմանն ուղղւած քայլերը շարունակւում են. բարեփոխումների առանցքում այս անգամ մաքսային տեղեկատւութեան փոխանակում ապահովելու միջոցառումների իրականացումն է: «Յստակ յանձնարարական է տրւել էականօրէն ակտիւացնել Հայաստան-Իրան համագործակցութիւնը՝ նպաստելով ինչպէս ուղեւորների, այնպէս էլ բեռների փոխադրման ծաւալների աճին»,- նշել է ՀՀ պետական եկամուտների կոմիտէի միջազգային համագործակցութեան վարչութեան պետ Սուրէն Մելիք-Իսրայէլեանը:

  • Իրանը դիմել է պատասխան քայլի՝ ԱՄՆ-ի իրական եւ իրաւաբանական անձանց դէմ
    Իրանը դիմել է պատասխան քայլի՝ ԱՄՆ-ի իրական եւ իրաւաբանական անձանց դէմ

    Իրանի ԱԳ նախարարութեան պաշտօնական ներկայացուցիչ Բահրամ Ղասեմին «Telegram»-ի իր էջում հրապարակել է ԱՄՆ-ի իրական եւ իրաւաբանական անձանց դէմ պատասխան գործողութիւնների կապակցութեամբ ԱԳ նախարարութեան պաշտօնական յայտարարութիւնը:

  • Թրամփն ասել է, որ ԱՄՆ-ն մտադիր չէ խանգարել Իրանին նաւթի արտահանման հարցում
    Թրամփն ասել է, որ ԱՄՆ-ն մտադիր չէ խանգարել Իրանին նաւթի արտահանման հարցում

    Թրամփը պաշտօնական ծանուցագիր է ուղարկել պետքարտուղարին, ինչպէս նաեւ՝ ֆինանսների ու էներգետիկայի նախարարներին, որում նշել է, որ  ԱՄՆ-ն առաջւայ պէս կարիք չի զգում սեփական շուկայի համար նաւթ ներկրել Իրանից: Այդուհանդերձ՝ Թրամփն ընդգծել է, որ ներկայում Միացեալ Նահանգները որեւէ ջանք չի գործադրում Իրանի կողմից վաճառւող նաւթի ծաւալները կրճատելու համար:

Ամենաշատ ընթերցւած

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։