Հա

Օրակարգ

15/12/2016

Վարդան Ոսկանեան.- «Իսրայէլական սպառազինութիւնն օգտագործւում է ոչ միայն հայկական կողմի դէմ, այլ նաեւ՝ Իրանի»

Իրանագէտ Վարդան Ոսկանեանը, վերլուծելով Իսրայէլի վարչապետ Բենիամին Նաթանիահուի այցը Բաքու, նկատեց, որ իրանական կողմից դրա հետ կապւած կը լինեն լուրջ արձագանգներ: Միաժամանակ, «tert.am»-ի հետ զրոյցում նա նշեց, որ արդէն իսկ իրանական կողմից կան չափազանց խիստ արձագանգներ, որոնք ընդգրկում են թէ՛ այդ երկրի հոգեւորական շերտը, թէ՛ քաղաքական վերնախաւի ներկայացուցիչներին, թէ՛ Իրանի հասարակական հատւածը:

Իրանագէտ Վարդան Ոսկանեանը, վերլուծելով Իսրայէլի վարչապետ Բենիամին Նաթանիահուի այցը Բաքու, նկատեց, որ իրանական կողմից դրա հետ կապւած կը լինեն լուրջ արձագանգներ: Միաժամանակ, «tert.am»-ի հետ զրոյցում նա նշեց, որ արդէն իսկ իրանական կողմից կան չափազանց խիստ արձագանգներ, որոնք ընդգրկում են թէ՛ այդ երկրի հոգեւորական շերտը, թէ՛ քաղաքական վերնախաւի ներկայացուցիչներին, թէ՛ Իրանի հասարակական հատւածը:
«Բայց, հաշւի առնելով իրանական գործելաոճը, քայլերը շատ կարճաժամկէտ կտրւածքով չեն ծրագրաւորւի, այլ կունենան հեռագնայ բնոյթ»,- նշեց իրանագէտը:
Վարդան Ոսկանեանը մատնանշեց, որ իրանցի շատ գործիչներ սպառնացել են Ադրբեջանի ղեկավարութեանը՝ վերանայել տարածաշրջանային ծրագրերում Ադրբեջանի հետ համագործակցութեան հեռանկարները: «Կարծում եմ՝ դա բաւական վտանգաւոր կարող է դիտարկւել ադրբեջանական կողմից, քանի որ Ադրբեջանը բաւականին մեծ յոյսեր էր կապում Իրանի հետ՝ համագործակցութեան իմիտացիայի միջոցով ստեղծելու այնպիսի պայմաններ, որ Հայաստանը յայտնւի մեկուսացման մէջ: Փաստացի, իրանական կողմն արդէն իսկ յստակ գիտակցել է, որ Ադրբեջանի հետ երկարաժամկէտ որեւէ համագործակցութիւն դատապարտւած է անյաջողութեան»,- ասաց Վարդան Ոսկանեանը:
Նա նորից մատնանշեց Իսրայէլի հետ Ադրբեջանի յարաբերութիւնները եւ դրա հետ կապւած Իրանի անհանգստութիւնները: Նրա ասութեամբ՝ վերջին հանդիպման ընթացքում անպայմանօրէն շօշափւել է հակաիրանական գործողութիւնների ծրագիրը: «Որեւէ իմաստութիւն պէտք չէ հասկանալու համար, որ Իսրայէլի վարչապետի՝ Բաքու այցի օրակարգում պէտք է ներառւէին հակաիրանական գործողութիւններ»,- նշեց Վարդան Ոսկանեանը:
Նա նաեւ յիշատակեց, որ Ադրբեջանի եւ Իսրայէլի միջեւ եղած յարաբերութիւնները մշտապէս շատ սերտ են եղել եւ տարածւել են բոլոր ոլորտների վրայ՝ այդ թւում ռազմական եւ անվտանգութեան: «Կէս-կէս յարաբերակցութեամբ, դա մի կողմից կապւած է մեզ հետ, չմոռանանք իսրայէլական անօդաչու թռչող սարքերը, որն Ադրբեջանը կիրառեց Արցախում, միւս կողմից Իրանի հետ: Իսրայէլական սպառազինութիւնն օգտագործւում է ոչ միայն հայկական կողմի դէմ, այլ նաեւ՝ Իրանի, եւ գրեթէ հաւասարապէս է այդ վտանգն անհանգստացնում թէ՛ մեզ, թէ՛ իրանցիներին»,- ասաց Վարդան Ոսկանեանը:
Ըստ այդմ՝ նա նկատեց, որ վերջին զարգացումների ֆոնին հայ-իրանական յարաբերութիւնները կարիք ունեն աւելի սերտացման: «Որոշ ոլորտներում, որոնցում մինչ այժմ, միգուցէ երկու կողմերը՝ Հայաստանը եւ Իրանը, չէին դիտարկում համագործակցութեան հնարաւորութիւններ, օրինակ՝ անվտանգութեան դէպքում, պէտք է մօտեցումներ վերանայւեն: Կարծում եմ՝ երկու երկրների օրակարգում պէտք է ներառւի դա, որովհետեւ սպառնալիքները, որոնք բխում են Ադրբեջանից, որքան Հայաստանի, նոյնքան էլ իրանական կողմի համար են վտանգաւոր»,- ասաց նա՝ յաւելելով, որ հայկական կողմն Իրանին պէտք է ինչ-որ ձեւով զգացնել տայ, որ Հայաստանն ու Արցախը Հարաւային Կովկասում զսպելով Ադրբեջանին՝ նպաստում են նաեւ Իրանի հիւսիսի անվտանգութեանը:

Յարակից լուրեր

  • Ակնարկ. Ներքին արդարութիւն-արտաքին անվտանգութիւն բանաձեւը
    Ակնարկ. Ներքին արդարութիւն-արտաքին անվտանգութիւն բանաձեւը

    Մեր երկրին մէջ տիրող յետյեղափոխական իրավիճակը բեկումնային պահեր ստեղծելու նախադրեալներ կը պարզէ: Արտաքին առումով եթէ յատկապէս նկատի ունենանք կառավարութեան ծրագիրը, վարչապետի ուղերձն ու տարբեր առիթներով կատարած յայտարարութիւնները, արտաքին գործոց նախարարի պատասխանները արտաքին քաղաքականութեան վերաբերող հարցումներուն, հիմնականին մէջ շրջադարձեր չեն նկատուիր. երանգային տարբերութեամբ մը Ստեփանակերտի բանակցային սեղան վերադարձի անմիջականութեան մասին առաջադրանքներ կը բարձրաձայնուին:

  • Արցախում հակառակորդը խոցել է ՊԲ անօդաչու թռչող սարք
    Արցախում հակառակորդը խոցել է ՊԲ անօդաչու թռչող սարք

    Յունիսի 19-ի ժամը 11.20-ի սահմանում արցախա-ադրբեջանական հակամարտ զօրքերի շփման գծի հարաւարեւելեան ուղղութեամբ սահմանային դիտարկում իրականացնելու ժամանակ հակառակորդի կողմից խոցւել է ՊԲ անօդաչու թռչող սարք:

  • «Ապառաժ»-ի խմբագրական. Սթափւե՛նք
    «Ապառաժ»-ի խմբագրական. Սթափւե՛նք

    Վերջին 15 օրերին Արցախի ներքաղաքական դաշտն ապրեց վայրիվերումներով լի օրեր: Թերեւս, ապրիլից սկսած՝ Հայաստանի Հանրապետութիւնում տեղի ունեցած իրադարձութիւններից յետոյ ակնյայտ էր, որ հասարակական պահանջի իրավիճակի ալիքը կը հասնի նաեւ Արցախ: Սակայն, ըստ ամենայնի, ակնկալիքը իրականութիւն դառնալու ճանապարհին բախւեց անսպասելի արձագանգի:

  • ԱՄՆ-ի 25 կոնգրեսական պետքարտուղար Պոմպէոյին կոչ են արել զգալի աջակցել Հայաստանին
    ԱՄՆ-ի 25 կոնգրեսական պետքարտուղար Պոմպէոյին կոչ են արել զգալի աջակցել Հայաստանին

    «Կոչ ենք անում ձեզ աջակցել Հայաստանում դրական քաղաքական զարգացումներին»,- այսպէս են սկսել ԱՄՆ-ի պետքարտուղար Մայք Պոմպէոյին ուղղւած իրենց նամակը Միացեալ Նահանգների կոնգրեսականները: 

  • Իրանում ասել են` ինչքան գազ է նախատեսւում մատակարարել Հայաստան
    Իրանում ասել են` ինչքան գազ է նախատեսւում մատակարարել Հայաստան

    Թեհրանը կաւելացնի Հայաստան մատակարարւող գազի ծաւալներն ու փոխարէնը հայկական կողմից աւելի շատ էլեկտրաէներգիա կը ստանայ։

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։