Հա

Օրակարգ

Երկուշաբթի, 19 Դեկտեմբերի 2016 13:30

Ծառայութեան արգասաբեր տարին...

Մեծի Տանն Կիլիկիոյ կաթողիկոս Արամ Առաջնի «Ալիք» հաստատութիւն եւ խմբագրութիւն այցելութիւնը մշտապէս եղել է յիշարժան եւ օգտաշատ:
Այսօր եւս «Ալիք»-ի ողջ ընտանիքը բացառիկ առիթն ունեցան վայելելու Վեհափառ Հայրապետի մտերմիկ ու անմիջական ներկայութիւնը, որն այս անգամ զուգադիպում էր Վեհափառ Հօր գահակալութեան 20-րդ տարեդարձին:

Դ. Մ.


Մեծի Տանն Կիլիկիոյ կաթողիկոս Արամ Առաջնի «Ալիք» հաստատութիւն եւ խմբագրութիւն այցելութիւնը մշտապէս եղել է յիշարժան եւ օգտաշատ:
Այսօր եւս «Ալիք»-ի ողջ ընտանիքը բացառիկ առիթն ունեցան վայելելու Վեհափառ Հայրապետի մտերմիկ ու անմիջական ներկայութիւնը, որն այս անգամ զուգադիպում էր Վեհափառ Հօր գահակալութեան 20-րդ տարեդարձին:
Արդէն սիրելի ընթերցողը տեղեակ է Արամ Առաջնի Իրանի Իսլ. Հանրապետութիւն այցելութեան հանգամանքներին, որոնք բաւականին խտացւած ու յագեցւած ձեռնարկներով էին պայմանաւորւած՝ պետական ու միջկրօնական առնչութիւնների ամրապնդումից մինչեւ համայնքիս բարեպաշտ զաւակների հետ հոգեւոր շփում-յարաբերութիւններն ու մշակութային-եկեղեցական միաւորների խրախուսում-քաջալերումը...: Ահա, այն արգասիքները, որոնք վայելում է հինաւուրց իրանահայ համայնքը՝ հովւապետի իւրաքանչիւր այցի արդիւնքում:
«Ալիք»-ի յարկի ներքոյ եւս օգտաշատ երկխօսութիւն ծաւալւեց առհասարակ հայութեան մերօրեայ մարտահրաւէրները դիմագրաւել-յաղթահարելու կապակցութեամբ, որում եւս իր ամբողջական ու կարելի բոլոր միջոցներն է ներդնում Կիլիկիոյ կաթողիկոսութիւնը՝ թէ՛ արտերկրում հայապահպանման, թէ՛ հայոց համազգային պահանջատիրութեան եւ թէ՛ եղբայրակից Մայր Աթոռ Ս. Էջմիածնի միաբանութեան հետ կողք-կողքի՝ յանուն քառորդդարեայ պետական անկախութեան ամրապնդման ու զօրակցութեան:
Իսկ մեզ, որպէս հայկական մամուլի ընտանիքի աւագ անդամներից մէկը, մնում է ողջունել թէ՛ Վեհափառ Հայրապետի արգասաբեր այցը՝ «Ալիք», եւ թէ՛ մեր զօրակցութիւնը՝ Հայոց ազգային եկեղեցու նւիրապետական ու պատմական միաբանութեանը՝ իր ազգօգուտ ու ժողովրդանւէր ծառայութիւնների սիրոյն:

Յարակից Հրապարակումներ

Ամենաշատ ընթերցւած

Քւէարկութիւն

Ո՞ր թիմը կը յաղթի Կոնֆեդերացիաների գաւաթի մրցաշարում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։