Հա

Օրակարգ

Կիրակի, 25 Դեկտեմբերի 2016 13:30

Արմէն Ռուստամեան.- «Եթէ Տէր-Պետրոսեանի հայեցակարգը գործէր, մենք այսօր ոչ Ղարաբաղ կունենայինք, ոչ էլ Հայաստան»

Այն ինչ առաջարկում է Լեւոն Տէր-Պետրոսեանը, ՀՅԴ-ի համար նորութիւն չէ, եթէ այդ հայեցակարգը գործէր, մենք այսօր ոչ Ղարաբաղ կունենայինք, ոչ էլ՝ Հայաստան: Ինչպէս տեղեկանում ենք «1in.am»-ից, այս մասին դեկտեմբերի 22-ին, ՀՀ Ազգային ժողովում լրագրողների հետ զրոյցում ասել է ՀՅԴ Բիւրոյի քաղաքական ներկայացուցիչ, ՀՅԴ խմբակցութեան ղեկավար Արմէն Ռուստամեանն՝ անդրադառնալով ՀԱԿ համագումարում Լեւոն Տէր-Պետրոսեանի ելոյթին:

Այն ինչ առաջարկում է Լեւոն Տէր-Պետրոսեանը, ՀՅԴ-ի համար նորութիւն չէ, եթէ այդ հայեցակարգը գործէր, մենք այսօր ոչ Ղարաբաղ կունենայինք, ոչ էլ՝ Հայաստան: Ինչպէս տեղեկանում ենք «1in.am»-ից, այս մասին դեկտեմբերի 22-ին, ՀՀ Ազգային ժողովում լրագրողների հետ զրոյցում ասել է ՀՅԴ Բիւրոյի քաղաքական ներկայացուցիչ, ՀՅԴ խմբակցութեան ղեկավար Արմէն Ռուստամեանն՝ անդրադառնալով ՀԱԿ համագումարում Լեւոն Տէր-Պետրոսեանի ելոյթին:
«Այդ պլատֆորմը եթէ կարճ ձեւակերպենք, դա խաղաղութիւն մուրալու պլատֆորմ է, իսկ մենք բոլորս՝ նկատի ունենալով մեր երկու հարեւանների նկրտումներն ու ռազմավարական շահերը, նրանցից խաղաղութիւն չենք մուրում: Խաղաղութիւնը նւաճում են եւ պարտադրում են, այն ինչ-որ կատարել է հայ ժողովուրդը: Այս պարզ ճշմարտութիւնը պարոն Տէր-Պետրոսեանը շարունակում է չընդունել, եւ իրեն թւում է՝ 18 տարին բաւարար էր, որ վերահաստատէր իր նախկին թէզերը: Լաւ է, որ ինքն ամփոփ նշել է, որ մենք ոչինչ չենք ստանում սկուտեղի վրայ, մեր արեան գնով ձեռք բերւած բոլոր տարածքները յետ ենք վերադարձնում եւ կարգավիճակի հարցը թողնում ենք ապագային»,- ասաց Արմէն Ռուստամեանը:
«Տէր-Պետրոսեանը շատ է խօսում փոխզիջումների մասին: Ո՞րն է Ադրբեջանի զիջումը… Ո՞րն է 97 թւականի փուլային տարբերակում Ադրբեջանի զիջումը:
Միջանկեալ ճանաչումը ոչ մի պարտաւորութիւն չի նշանակում, որ Ադրբեջանը ճանաչելու է Ղարաբաղի անկախութիւնը: Իսկ խաղաղապահների տեղադրումը միշտ էլ պիտի լինի, կապ չունի դրա հետ մեր պայքարն այն էր, որ խաղաղապահնե՞ր տեղադրւէին այստեղ: Ակնյայտ է, որ բոլորովին այլ հայեցակարգերի վրայ ենք գտնւում: Զարմանալի է, որ Տէր-Պետրոսեանը չի էլ հետեւում, թէ մինչեւ հիմա ժողովուրդը, հէնց Ղարաբաղի ժողովուրդը ինչպէս է պատկերացնում հարցի լուծումը: Ղարաբաղի ժողովուրդը 2006 թւականին յստակ արտայայտել է, թէ ինչպէս է պատկերացնում հարցի լուծումը, որի վրայ էլ յենւած է Դաշնակցութեան մօտեցումը… Թող վերցնեն կարդան գործող Սահմանադրութեան 142-րդ յօդւածը»,- նշեց Արմէն Ռուստամեանը:

«yerkir.am»

Յարակից Հրապարակումներ

Ամենաշատ ընթերցւած

Քւէարկութիւն

Սարգսեան-Ալիեւ վերջին հանդիպման արդիւնքում կը գրանցւի՞ արդեօք առաջընթաց ԼՂ հակամարտութեան կարգաւորման գործում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։