Հա

Օրակարգ

Շաբաթ, 07 Յունւարի 2017 13:30

ՄԱԿ-ի գլխաւոր քարտուղար.- «Հրաշքներ չեն լինում, եւ ես կախարդ չեմ»

ՄԱԿ-ի նոր գլխաւոր քարտուղար Անտոնիօ Գուտերեշը կոչ է արել ՄԱԿ-ի առջեւ ծառացած խնդիրները լուծելիս իրենից հրաշքներ չակնկալել: Նիւ Եօրքում կազմակերպութեան կենտրոնակայանում իր առաջին ելոյթի ժամանակ նա նախազգուշացրել է, որ առջեւում դժւար ժամանակաշրջան է, եւ ընդգծել է գլոբալ խնդիրների հաւաքական լուծման անհրաժեշտութիւնը: Այս մասին յայտնում է «ՏԱՍՍ»-ը: 

ՄԱԿ-ի նոր գլխաւոր քարտուղար Անտոնիօ Գուտերեշը կոչ է արել ՄԱԿ-ի առջեւ ծառացած խնդիրները լուծելիս իրենից հրաշքներ չակնկալել: Նիւ Եօրքում կազմակերպութեան կենտրոնակայանում իր առաջին ելոյթի ժամանակ նա նախազգուշացրել է, որ առջեւում դժւար ժամանակաշրջան է, եւ ընդգծել է գլոբալ խնդիրների հաւաքական լուծման անհրաժեշտութիւնը: Այս մասին յայտնում է «ՏԱՍՍ»-ը: 
«Կարծում եմ՝ պատրանքներ չպէտք է ունենանք»,- ՄԱԿ-ի աշխատակիցների հետ հանդիպմանն ասել է Գուտերեշը: Նրա ասութեամբ՝ աշխարհում աճում է փոխկապւած հակամարտութիւնների թիւը, որոնք սնուցում են գլոբալ ահաբեկչութեանը, շարունակւում է փախստականների ճգնաժամը: «Այսօր աշխարհում խնդիրները գլոբալ են դարձել, որոնք երկրները չեն կարող միայնակ լուծել»,- ասել է նա:
Իններորդ գլխաւոր քարտուղարի ասութեամբ՝ ՄԱԿ-ն իր ներկայ տեսքով ի վիճակի չէ գլոբալ մարտահրաւէրներին արդիւնաւէտօրէն արձագանգել: Նրա կարծիքով՝ համաշխարհային կազմակերպութիւնում բարեփոխումներ են անհրաժեշտ, որոնք, ի թիւս այլ հարցերի, թոյլ կը տան ազատւել աւելորդ բիւրոկրատիայից:
Գուտերեշը յայտարարել է, որ իրենից մեծ ակնկալիքներ ունեն, սակայն յաւելել է. «Հրաշքներ չեն լինում, եւ ես կախարդ չեմ: Դրւած խնդիրներին հասնելու միակ ուղին միասին աշխատելն է»: Նա յայտնել է, որ յունւարի 9-ին ՄԱԿ-ի աշխատակիցների ընդհանուր ժողով է անցկացնելու, որի ընթացքում կը լսի նրանց առաջարկները եւ կազմակերպութեան աշխատանքին վերաբերող դժգոհութիւնները:
Յունւարի 10-ին գլխաւոր քարտուղարը ելոյթ կունենայ ՄԱԿ-ի Անվտանգութեան խորհրդի նախարարների բանավէճում: ԱԽ-ը ներկայացնող շւեդ դիւանագէտ Ալաֆ Սկուգը լրագրողներին ասել է, որ Գուտերեշին կառաջարկւի ներկայացնել միջազգային խաղաղութեանը եւ անվտանգութեանն աջակցելու իր հայեցակարգը:

«yerkir.am»

Յարակից Հրապարակումներ

Ամենաշատ ընթերցւած

Քւէարկութիւն

Ինչպէ՞ս էք վերաբերւում Երուսաղէմը որպէս Իսրայէլի մայրաքաղաք ճանաչելու Թրամփի որոշմանը:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։