Հա

Օրակարգ

23/09/2017

Յանուն մեր «Սուրբ տաճարների ու վառ կանթեղների»...

Մեր «Սուրբ տաճարների ու վառ կանթեղների» տարեմուտն է այսօր...

Հայ աշակերտի ու յատկապէս հայ ծնողի կողմից փառաբանւած երեւոյթ, որը համարւում է մեկնակէտ՝ սերունդների հայեցի, կիրթ ու յանձնառու կենսակերպը ձեւաւորել-կայացնելու բախտորոշ հոլովոյթում:

ԴԵՐԵՆԻԿ ՄԵԼԻՔԵԱՆ

 

Մեր «Սուրբ տաճարների ու վառ կանթեղների» տարեմուտն է այսօր...

Հայ աշակերտի ու յատկապէս հայ ծնողի կողմից փառաբանւած երեւոյթ, որը համարւում է մեկնակէտ՝ սերունդների հայեցի, կիրթ ու յանձնառու կենսակերպը ձեւաւորել-կայացնելու բախտորոշ հոլովոյթում:

Հայոց դպրոցի ու հայկական կրթօջախի պահպանումն ու առաւել ծաղկեցումը մանաւանդ իրանահայ համայնքում հանդիսացել է գերկարեւոր հիմնախնդիր ու հետեւաբար ոլորտին առնչւող որեւիցէ երեւոյթ գնահատւել-ընկալւել է ամենայն զգայնութեամբ:

Երեւի չափազանցրած չենք լինի, ասելու, որ իրանահայ համայնքի հայոց կրթօջախները ի համեմատ սփիւռքեան միւս համայնքների ու գաղթօջախների, դիմագրաւել են իւրայատուկ ու եզակի տարատեսակ պայմաններ, յատկապէս վերջին չորս տասնամեակներում, երբ երկրի կրթական համընդհանուր համակարգը փոխարինւեց իսլամական ուսումնակրթական համակարգով...:

Անշուշտ, ընդհանուր համակարգին հայոց կրթօջախները պատշաճեցնելու, կրօնականն ու հայեցին այդ համատեքստում հարազատ պահելու բարդ ու խրթին հանգամանքը տեւաբար եղել է իրանահայ ազգային, կրօնական, թէ կրթական ղեկավար մարմինների ուշադրութեան կենտրոնում: Հանգամանք, որից զերծ են եղել, ասենք, իրանահայի կենցաղի հետ քիչ-շատ աղերս ունեցող միջինարեւելեան գաղթօջախները...:

Միւս կողմից, երկրի ընդհանուր՝ հասարակական, տնտեսական, մշակութային ու մասնաւորապէս կրթադաստիարակչական այլեւայլ պայմանները, որոնք հէնց ներգործօն ազդեցութիւն են ունեցել երկրի մասշտաբով կրթական համակարգի վրայ, տւեալ դէպքում մեր կրթական ու դպրոցական համակարգի ուղղութեամբ թողել են կրկնակի ազդեցութիւն, որպէս ազգային ու կրօնական փոքրամասնութիւն...:

Համընդհանուր այդ ազդեցութեան որպէս կրող, յատկապէս վերջին տարիներին հայոց դպրոցներում ականատեսն ենք քանակական, հետեւաբար եւ որակական նահանջի, որն արտայայտւում է առաջին հերթին ոչ-հայկական դպրոցներ տեղափոխւող հայ աշակերտներով, որոնք նօսրացնում են յատկապէս միջնակարգ օղակի մեր դպրոցները:

....բարեբախտաբար մեր համայնքի ազգային, կրօնական օրէնսդիր թէ՛ գործադիր համապատասխան մարմինները անսալով նոյնինքն մեր գերզգայուն հայ ծնողների, հայ ազնիւ ու զոհաբեր ուսուցիչների, ծնողական ջանասէր խորհուրդների եւ շնորհալի ու ընդունակ հայ աշակերտի մտահոգութեանց եւ սպասելիքներին, վերջին ժամանակաշրջանում իրենց ուշադրութեան սեւեռակէտը դարձրին հայ կրթօջախների ու հայոց դպրոցների վերոգրեալ նահանջը կանխելու համար: Այս շրջագծում պաշտօնապէս յայտարարութիւններ ու հաղորդագրութիւններ հրապարակեցին նոյն պատասխանատու մարմինները եւ տեղ-տեղ էլ թեմի առաջնորդն ու Թեմական խորհրդի ատենապետը, կապւած՝ թէ՛ հայոց տարրական դպրոցներին երկսեռ կարգավիճակով օժտելու, եւ թէ՛ յատկապէս դէպի ոչ-հայկական դպրոցներ հայ աշակերտների «գաղթը» կասեցնելու ինչպէսեւ՝ հայոց լեզւի ու կրօնի դասաժամերը անփոփոխ պահելու ողջունելի մտադրութեամբ:

Դէ ինչ, մեզ մնում է յուսալ, որ համայնքի մեր ընդհանուր եւ միասնական կարողութիւնները ի սպաս դնել բոլորիս փայփայած՝ հայոց դպրոց-կրթօջախների՝ մեր «սուրբ տաճարների» օրաւուր զարկ տալուն ու դրանից բխող՝ արժանավայել առաջընթացին...:

Յարակից լուրեր

  • Գործնական քայլերին ընդառաջ...
    Գործնական քայլերին ընդառաջ...

    Անցեալ շաբաթւայ ընթացքում, նոյն այս սիւնակում եռեակ շարանով փորձել էինք լուսաբանել առգոյ համընդհանուր մտահոգութիւնը՝ կապւած երկրի ընդհանուր սոցիալ եւ մասնաւորապէս տնտեսական ծանրակշիռ կացութեանը եւ դրանից անխուսափելիօրէն բխող ու մեր համայնքային կացութեանը, իրավիճակին ու առհասարակ կեանքի վրայ համապատասխան ու տւեալ դէպքում՝ բացասական ազդեցութեան մասին…

  • Անկախութեան պահպանման ու յարատեւման սիրոյն ...
    Անկախութեան պահպանման ու յարատեւման սիրոյն ...

    Եւս չորս օր եւ ահա՝ համալրւելու է 1991 թ. սեպտեմբերի 21-ով նշանաւորւած Հայաստանի Հանրապետութեան անկախութեան վերականգնման 27-րդ ամեակը…

  • Համաիրանեան տնտեսական տագնապը եւ իրանահայ համայնքը...
    Համաիրանեան տնտեսական տագնապը եւ իրանահայ համայնքը...

    Ինչպէս ողջ Իրանի քաղաքացիներ, իրանահայ համայնքն էլ ենթակայ է այնպիսի դժւարութիւնների եւ սպառնալիքների, որոնք հնարաւոր է իր մօտ եւս խորացնեն միեւնոյն անորոշութեան եւ անհեռանկարայնութեան հանգամանքները, որոնց էլ համայնքով մէկ՝ պարտաւորութիւն ունենք դիմագրաւել, վնասները նւազագոյնի իջեցնելու նպատակով:

  • Համաիրանեան տնտեսական տագնապը եւ իրանահայ համայնքը…
    Համաիրանեան տնտեսական տագնապը եւ իրանահայ համայնքը…

    Իրանահայ եռեակ թեմերը, ինչպէսեւ հայկական կրօնական յարանւանութիւնները, որպէս համայնքի ղեկավար ներկայացուցչութիւններ, գրեթէ միաժամանակեայ կեցւածքով դատապարտանքի կոչերով ու յայտարարութիւններով հանդէս եկան, ի տես ԱՄՆ-ի նախագահ Թրամփի հակաիրան տնտեսական պատժամիջոցների. պատժամիջոցներ, որոնք աւելի շեշտակի ծաւալ են կրելու՝ առաջիկայ նոյեմբերին՝ 2-րդ փուլի նոր սանկցիաների կիրառմամբ:

  • Համաիրանեան տնտեսական տագնապը եւ իրանահայ համայնքը...
    Համաիրանեան տնտեսական տագնապը եւ իրանահայ համայնքը...

    Սիրելի ընթերցող, եկէք ընդունենք ու որպէս փաստ արձանագրենք բազմիցս բարձրաձայնւած այն օրինաչափ ու այսպէս ասած՝ չգրւած օրէնքի մասին, որն, ինչ խօսք՝ վերջին ժամանակներում, գրեթէ հասարակական բոլոր ոլորտներում զգացնել է տալիս իրեն, որպէս համընդհանուր մտահոգութիւն…

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։