Հա

Օրակարգ

11/10/2017 - 14:30

Հասարակութեանը խուճապի մատնողները...

Սպահանի Թեմական խորհրդի ատենապետ՝ Վարուժ Մինասեանի դէմ մարմնական ծանր վնասւածքների ելքով յարձակման լուրից անցնում են աւելի քան երկու շաբաթ:
Կատարւածի առնչութեամբ յարուցւեց գործ, որի հետաքննութիւնների նախնական արդիւնքների մասին առաջինը արձագանգեց «Ալիք» օրաթերթը, յղում անելով՝ սեպտ. 25-ին հրապարակւած դիւան ազգային առաջնորդարանի Սպահանի հայոց թեմի հաղորդագրութեանը:

ՀԱՏԻՍ


Սպահանի Թեմական խորհրդի ատենապետ՝ Վարուժ Մինասեանի դէմ մարմնական ծանր վնասւածքների ելքով յարձակման լուրից անցնում են աւելի քան երկու շաբաթ:

Կատարւածի առնչութեամբ յարուցւեց գործ, որի հետաքննութիւնների նախնական արդիւնքների մասին առաջինը արձագանգեց «Ալիք» օրաթերթը, յղում անելով՝ սեպտ. 25-ին հրապարակւած դիւան ազգային առաջնորդարանի Սպահանի հայոց թեմի հաղորդագրութեանը:

Կառչած մնալով նոյն՝ պաշտօնական հրապարակւած լուրերի ու տեղեկութիւնների փոխանցման հիմնարար սկզբունքներին, «Ալիք»-ը շարունակելու է զերծ մնալ ենթադրութիւնների ու ասէկոսէների վրայ հիմնւած ապատեղեկատւական դրսեւորումներից: Չնայած նոյն հողի վրայ շարժւող իբր լրատւական ոմն արաքսնիւզ կայքի միջոցով շարունակւում է այսպէս թէ այնպէս ինքնադրսեւորման իւրայատուկ աշխուժութիւն: Եւ յաւելենք, որ սա եթէ առանց այդ էլ սկզբունք չունեցող լրահոսի համար արդիւնքներ քաղելու առիթ է, ապա այն իրանահայութեան համար ոչ աւել, ոչ-պակաս ողբերգութեան է նման:

Նոյն առիթով պրն. Վարուժ Մինասեանից տեղեկացանք, որ տեղեկատւական դաշտում շրջանառւած լուրերի համար իրանահայ յայտնի գործարար՝ պրն. Լեւոն Ահարոնեանը հեռախօսային զրոյցի ընթացքում ափսոսանք է յայտնել «Յոյս»-ով հրապարակւած տեղեկութեան համար, եւ յայտնել՝ հրապարակւածը սրբագրելուն ուղղւած որոշման մասին:

Կատարւածի դէմ յարուցւած գործի առնչութեամբ հետաքննութիւն իրականացնող մարմիններից առաջ անցնելը, յատկապէս համայնքային նշանակութիւն ունեցող անձի դէպքում, ինչպիսին պրն. Մինասեանն է, ոչ միայն ԶԼՄ-ների էթիկայի հարցն է, այլ նաեւ տուժած կողմի անմիջական հարազատների հոգեվիճակի խնդիր կարող է լինել: Պարոնայք չակերտեալ լրագրողներ (կամ հէնց ձեր ձեւակերպմամբ՝ գրչակներ) ենթադրութիւնների հողի վրայ ձեր ֆանտազիաներին թռիչք պարգեւելով՝ անձնական հանգստութիւն էք պարգեւում ձեր առանց այդ էլ աչքի չընկնող հոգեվիճակին, եւ իհարկէ համայնքը խուճապի մատնելու կողքին տուժածի անմիջական հարազատների վէրքին աղ ցանելու հաշւին:

Հասարակութեանը «դեղնոտ» տեղեկատւութեամբ խուճապի մատնելը «Ալիք»-ի ոճը չէ: Այնուամենայնիւ, կատարւածը կարծես թէ միայն ու միայն աշխուժացրել է այսպէս կոչւած «արաքսականներին», եւ սա այն դէպքում, երբ նշւած կայքէջականների միջոցով նախ փորձ է արւում խնդիրը կապել տուժածի անմիջական հարազատներին, ապա այն հասարակութեան թեմա դարձնել: Ձեռագիրը պարզ է եւ այլեւս չի զարմացնում: Չնայած նոյնպէս պարզ է, որ ով՝ ո՛վ է, կամ ի՛նչ դերում: Միայն լրագրութեան էտիկայի հարցը չէ, այլ արժանապատւութիւն ունեցող մարդու խնդիր է սա, մարդկանց հետ կատարւած դժբախտութիւնը չի կարելի դարձնել սեփական «բոնուսների» առիթ: Որ նոյն այդ գրչակների ակնոցից դիտելու կամ դատելու լինենք, ապա պիտի արձանագրել, որ տեղի ունեցածի արդիւնքները քաղում է նա, ում ձեռ էր տալիս այս ամէնը:

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։