Հա

Օրակարգ

18/02/2018 - 14:20

Պատմութեան անբեկանելի դասերը...

Եւ ահա, այսօր համալրւում է 1921 թւականի փետրւարի 18-ի հայկական ապստամբութեան 97-րդ տարին: Ապստամբութիւն՝ թուրք-բոլշեւիկեան հակահայ ու հակահայաստանեան դաշինքի արդիւնքում՝ Հայաստանի անկախութիւնն խախտած եւ իշխանութեան եկած՝ հայանուն բոլշեւիկների հակազգային ու հակամարդկային բռնարարքների դէմ:

Դ. Մ.

 

Եթէ Մայիսը հայութեան համար մշտապէս ընկալւել է որպէս յաղթանակների ամիս (Մայիսի 1-ը՝ Աշխատաւորութեան յաղթանակի օր, 1918-ի Մայիսի 28-ը՝ Հայաստանի անկախութեան վերանւաճման ու հերոսամարտերի յաղթանակի օր, Մայիսի 9-ը, 1992 թւականին՝ Շուշիի ազատագրման եւ Արցախեան յաղթանակների խորհրդանիշ), ապա՝ փետրւարը խորհրդանշելի է կարող բնութագրւել որպէս հայութեան ազատախոհութեան ու բռնութեան դէմ ապստամբ ոգու դրսեւորում (փետրւար ամսուն է առկայծել հայի վերոգրեալ ոգին՝ 451 թ.-ի Վարդանանքով, 1921 թ. փետրւարի 18-ի ապստամբութեամբ, իսկ ժամանակակից օրերում՝ Արցախեան պահանջատիրութեամբ, նախ՝ 1988 թ. փետրւ. 13-ին եւ ապա՝ նոյն թւականի փետրւ. 20-ի ազատագրական պայքարի սկսմամբ, որի 30-ամեակն է նշանաւորւելու մօտակայ օրերին):

Եւ ահա, այսօր համալրւում է 1921 թւականի փետրւարի 18-ի հայկական ապստամբութեան 97-րդ տարին: Ապստամբութիւն՝ թուրք-բոլշեւիկեան հակահայ ու հակահայաստանեան դաշինքի արդիւնքում՝ Հայաստանի անկախութիւնն խախտած եւ իշխանութեան եկած՝ հայանուն բոլշեւիկների հակազգային ու հակամարդկային բռնարարքների դէմ:

….Այդ թւականից յետոյ, 70 տարի շարունակ ապստամբութեան դրօշակիրները, արտերկրեան-սփիւռքեան պայմաններում ու սովետական պատմաշինական նենգափոխումներով հանդերձ, պարզած ու կանգուն պահեցին թէ' Եռագոյնը, եւ թէ' դրա արժեհամակարգը կրող՝ փետրւարեան ապստամբութեան խորհուրդ-գաղափարը, մինչեւ 1990-ականների սկզբնական օրերը, երբ հայութիւնն ու Հայաստան աշխարհը վերանւաճեց իր խախտւած Անկախութիւնը…:

Ահաւասիկ, Վարդանանքից՝ Սարդարապատ եւ Երեւան ու Գառնիից՝ մինչ Արցախ ու Շուշի, պատմութեան անբեկանելի դասերն ու փաստերը առաւել քան երբեւէ ամրագրում են հայութեան թէ' ազատախոհութեան եւ թէ' այդ նպատակին տանող ապստամբութիւնների ու ազատագրական պայքարների արդարացիութիւնը, որոնք էլ թւական առ թւական յիշւելու, յիշատակւելու եւ որ կարեւոր է՝ փոխանցւելու են յաջորդական սերունդներին:

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։