Հա

Օրակարգ

22/04/2018 - 14:30

23000-րդ «Ալիք»-ը...

Թանկագին ընթերցող-բարեկամ. այսօրւայ թւագրւած համարով «Ալիք»-ը 23000-րդ անգամը լինելով այցելում է Ձեզ…

Այլ խօսքով՝ իրանահայ հինաւուրց գաղթօջախի ամենաերկարակեաց ու անընդմէջ հրատարակւող թերթն, ահա, թեւակոխել է իր կենսագրութեան 88-րդ հանգրւան:

Դ. Մ.

 

Թանկագին ընթերցող-բարեկամ. այսօրւայ թւագրւած համարով «Ալիք»-ը 23000-րդ անգամը լինելով այցելում է Ձեզ…

Այլ խօսքով՝ իրանահայ հինաւուրց գաղթօջախի ամենաերկարակեաց ու անընդմէջ հրատարակւող թերթն, ահա, թեւակոխել է իր կենսագրութեան 88-րդ հանգրւան:

Կենսագրութիւն, որի ակունքներում իրենց ամենանւիրական գաղափարների դրոշմն են դրել նոյնինքն առաջնեկ խմբագրապետ, նոյն գաղափարների ռահվիրայ Քրիստափոր Միքայէլեանի դստերորդի՝ Յովսէփ Թադէոսեանները, որոնց անվարան հետնորդներն են եղել Եփրեմեան ոդիսականով կոփւած Էլմարները (Յովսէփ Յովհաննիսեան), Սովետի Սիբիրեան աքսորավայրեր ճաշակած Բաղդիկ Մինասեանները, ու դեռ սրանց արժանի յաջորդներ՝ խոնարհ, բայցեւ խիզախ մտքի ու գրչի առկայծող անհատականութիւնների մի հուժկու փաղանգ, յանձինս՝ Անդրէ Ամուրեանների, Հրայր Խալաթեանների ու Խաժակ Տէր-Գրիգորեանների…

23000-ների գերակշիռ տոկոսը, սակայն, հրապարակ է իջել Հայաստանի այսպէս ասած՝ 2-րդ հանրապետութեան՝ Սովետական կարգերին ժամանակակից, երբ «Ալիք»-ը վեց տասնամեակ ամբողջ ալեկոծւել է հնարաւոր ու անհնար տեղատւութիւններով ու մակընթացումներով՝ հետագայում խաղաղ ափերի հորիզոններին մշտապէս ուրւագծելով փայփայած Հայաստանի անկախութեան վերականգնումը, որն բռնադատւած էր մնացել ամբողջ 70 տարիներ:

Ահաւասիկ, շուրջ 28 տարի է, ինչ նոյն «Ալիք»-ը բովանդակ հայութեան համազգային ու համահայկական տեսլականին կառչելով՝ ինչպէս դրան նախորդող 68 տարիներում, գուրգուրում ու նեցուկ է կանգնում անկախ Հայաստանի, թէկուզ տատասկոտ, բայցեւ՝ կայուն զարգացման ճանապարհին…, որի երկայնքում քիչ չեն եղել ծանրակշիռ գիներ վճարելու ըստ ամենայնի բնականոն իրողութիւնները:

Գին՝ Արցախեան ազատագրական պայքարի ու մինչ օրս շարունակւող պատերազմական իրավիճակներում,

գին՝ Հայաստանի սոցիալ-տնտեսական անարդարութեան ու դրանից բխող ձախորդ պայմաններում,

գին՝ ՀՀ սահմանադրական բարեփոխումների հիմքում ընկած համակարգային-անցումային փոփոխութիւնների ճամբին, որոնք երբեւէ հարթ եւ հեշտ ձեռք բերելը իրատեսական չի կարող լինել, որովհետեւ կայ օրինաչափ այն հասկացութիւնը, որի համաձայն՝ անկախութեան նւաճումից առաւել դժւարն ու առաւել գին պահանջողը դա՝ նոյն անկախութեան պահպանումն է…:

Ու վերջապէս, մեր այս 23000-րդ խորհուրդ-գաղափարով գալիս ենք վերահաստատելու ազատ ու անկախ Հայաստանի եւ մէկ խօսքով՝ Հայոց պետականութեան պահպանման ու ամրապնդման ճամբին նորանոր գիներ վճարելու մեր անխախտ հաւատամքը, որի 100-ամեայ դարակերտ հանգրւանին ենք հասել ազգովի:

Յարակից լուրեր

  • Դաշինքով, թէ առանց դաշինքի...
    Դաշինքով, թէ առանց դաշինքի...

    Հակաիրան «Եռեակ դաշինքը» ԱՄՆ-ի, Իսրայէլի եւ Ս. Արաբիայի համահեղինակութեամբ անթաքոյց՝ պատերազմական իրավիճակի հեռանկարներ է ուրւագծում, որն յղի է ինչպէս տարածաշրջանային, այնպէս էլ միջազգային մակարդակով պայթիւնավտանգ հանգամանքներով…

  • «Մայիս-1»-ով ընդառաջ՝ յաղթանակների ամսին...
    «Մայիս-1»-ով ընդառաջ՝ յաղթանակների ամսին...

    Խորհրդանշօրէն «Յաղթանակների Ամիս» համարւող մայիսի հէնց առաջին օրը՝ «ՄԱՅԻՍ-1»-ը ազդարարում է համաշխարհային հասարակայնութեան չարքաշ ու ազնիւ խաւի՝ աշխատաւորութեան տօնը:

  • Կրկնակի վնասներից խուսափելու ելքը… (2)
    Կրկնակի վնասներից խուսափելու ելքը… (2)

    Մեր երէկւայ համարի նոյն այս սիւնակում ընդհանուր ակնարկ նետեցինք երկրի տնտեսական համընդհանուր ճգնաժամին ու դրանից բխող հետեւանքներին, որոնցից, ինչ խօսք՝ անմասն չի կարող լինել մեր համայնքը նաեւ: Ներկայումս, տնտեսական ճգնաժամի վատթարացող հեռանկարը պայմանաւորւած է՝ Իրանին նաւթային բլոկադայի օղակի առաւել ամուր սեղմմամբ ԱՄՆ-ի, Իսրայէլի եւ տարածաշրջանային արբանեակ երկրների համընթաց դերակատարմամբ:

  • Կրկնակի վնասներից խուսափելու ելքը... (1)
    Կրկնակի վնասներից խուսափելու ելքը... (1)

    Ապրիլեան վերջին տասնօրեակի կրօնա-աւանդական տօներին, ինչպէսեւ համազգային պահանջատիրութեանը նւիրւած ժողովրդական համախմբումներին իրանահայ երեք թեմերի աւանդապաշտ ու գիտակից հասարակայնութեան բոլոր խաւերի մասնակցութիւնն, ինչ խօսք, դրւատանքի է արժանի: Չէ՞, որ առհասարակ հասարակայնութիւններում (համայնք լինի դա, թէ՝ պետութիւն), միասնականութեան որեւիցէ երեւոյթ կամ դրսեւորում տւեալ հաւաքականութեան կենսունակութեան չափանիշն ու ապացոյցն է հանդիսանում…:

  • Շինծու պետութեան ու պատմութեան գերին...
    Շինծու պետութեան ու պատմութեան գերին...

    Ի հեճուկս Թուրքիայի նախագահի, արտգործնախարարի եւ միւս պաշտօնական թէ՛ անպաշտօն շրջանակների ժխտողական (իսկ այս տարի նաեւ՝ սպառնական) կեցւածքների, աշխարհասփիւռ հայութիւնը ոգեկոչեց Հայոց Ցեղասպանութեան Սրբադասւած Նահատակների 104-րդ տարելիցը…

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։