Print this page
Հինգշաբթի, 10 Մայիսի 2018 13:20

Բացառելով հին ստանդարտները …

Հայաստանի Հանրապետութիւնում, համաժողովրդային կամքի արտայայտման արդիւնքում, ի վերջոյ մայիսի 8-ին ընտրւեց նոր վարչապետ:

Դ. Մ. 

 

Հայաստանի Հանրապետութիւնում, համաժողովրդային կամքի արտայայտման արդիւնքում, ի վերջոյ մայիսի 8-ին ընտրւեց նոր վարչապետ:

Հայաստանի սահմանադրական նորմերով ամրագրւած պառլամենտական հանրապետութիւնում, ահա, քաղաքական անկիւնադարձային նոր հանգրւան է ձեւաւորւել, որտեղ պէտք է հիմքը դրւի նոյն պառլամենտական մեխանիզմների օգտագործմամբ՝ նոր կառավարութիւն կազմելու լրջագոյն մի գործընթացի: ՀՀ-ի անցնող աւելի քան քառորդդարեայ ներքաղաքական մեխանիզմները, յատկապէս նախագահական գերիշխան համակարգի առկայութեամբ, աշխա- տում էին համարժէք ստանդարտներով, որոնց համապատասխան էլ ձեւաւորւում-ընտրւում էին կառավարական-իշխանական ինստիտուտները: Այժմ, սակայն, համաժողովրդական նոյն կամքի արտայայտիչ՝ քաղաքացիները եւ մասնաւորապէս երիտասարդ սերունդը լիարժէքօրէն հետամուտ են, որպէսզի բացառւեն օլիգարխիկ ստանդարտներով կառավարութիւն-իշխանութիւն ձեւաւորելու այլեւս մերժւած մեխանիզմներին տուրք տալը…

Հայաստանի Ազգային ժողովում ներկայիս խումբ-խմբակցութիւնների քանակական թէ՛ որակական յարաբերակցութիւնը, ճիշտ է, լինելով նախկին ստանդարտների արդիւնք, բայցեւայնպէս՝ նոր իրողութիւնների լոյսի ներքոյ, երբ մեծամասնութիւն կազմող ՀՀԿ-ն իսկ պարտաւորւում է ենթարկւել ժողովրդային կամքին, ի զօրու է ստեղծւած քաղաքական նոր մշակոյթին համահունչ՝ ձեւաւորել-կազմել այնպիսի ժամանակաւոր կառավարութիւն, որն էլ հիմքն է դնելու ապագայի հաշւին ու այլեւս նոր Հայաստանի ստանդարտներին համարժէք պառլամենտական ժողովրդավարական իշխանակարգ:

Ահաւասիկ, նման օրինաչափութիւններով՝ ժամանակաւոր եւ ապա՝ մնայուն կառավարութեան կազմութեան, ինչպէս եւ՝ արտահերթ խորհրդարանական ընտրութիւնների տեսանելի գործընթացները անտարակուսօրէն կարդիւնաւորւեն, ու հաստատապէս կարդարացնեն համաժողովրդային դրսեւորած կամքն ու արդար պահանջատիրութիւնը:

 

Related items

Joomla-ի վրիպազերծման կառավարակետ

Աշխատաշրջան

Հարցումների հսկման արդյունքները

Հիշողության օգտագործում

ՏԲ-ի հարցումներ