Հա

Օրակարգ

16/08/2018

«Նոր Հայաստանի» ուղին՝ «Սիրոյ եւ համերաշխութեան» արահետով...

Վաղը, օգոստոսի 17-ին, Երեւանի Հանրապետութեան հրապարակում վարչապետ Նիկոլ Փաշինեանի հրաւիրած համաժողովրդական համախմբումը, անշուշտ, վերածնելու է այն զօրեղ ու խրախուսիչ ապրումները, որոնք ճաշակեց ինչպէս ՀՀ ողջ ժողովուրդը, նոյնպէս էլ Սփիւռքի եւ արտերկրի հայութիւնը, սրանից հարիւր օր առաջ… Համախմբում, որն, ինչպէս վարչապետն է յայտարարել, նպատակ ունի ժողովրդի սեփականութիւնը դարձնել «Թաւշեայ յեղափոխութեան» անցած 100 օրերն ու դրա հիմքում ընկած՝ գալիք նպատակային քայլերը:

Դ. Մ.

 

Վաղը, օգոստոսի 17-ին, Երեւանի Հանրապետութեան հրապարակում վարչապետ Նիկոլ Փաշինեանի հրաւիրած համաժողովրդական համախմբումը, անշուշտ, վերածնելու է այն զօրեղ ու խրախուսիչ ապրումները, որոնք ճաշակեց ինչպէս ՀՀ ողջ ժողովուրդը, նոյնպէս էլ Սփիւռքի եւ արտերկրի հայութիւնը, սրանից հարիւր օր առաջ… Համախմբում, որն, ինչպէս վարչապետն է յայտարարել, նպատակ ունի ժողովրդի սեփականութիւնը դարձնել «Թաւշեայ յեղափոխութեան» անցած 100 օրերն ու դրա հիմքում ընկած՝ գալիք նպատակային քայլերը:

Այդ նպատակների իրականացման ճամբին, անտարակոյս մեծ ներուժ ու հզօր խթան է հանդիսանում, օրինաչափօրէն, ժողովրդական նեցուկը, որն յաչս աշխարհի որոշել է ի ցոյց դնել ՀՀ վարչապետ Նիկոլ Փաշինեանը:

Յեղափոխական ազնիւ ու համակարգային իրաւ փոփոխութիւնների ձգտած ու կառավարական-իշխանական նոր ղեկավարութիւն ձեւաւորած ժողովրդի ի մի գալն իրապէս վերաիմաստաւորելու է «Նոր Հայաստան»-ով նախանշւած ժողովրդի արդարացի իղձը, պահանջն ու համընդհանուր կամքի արտայայտութիւնը, որի հետ պարտաւոր է հաշւի նստել պետական, կառավարական-իշխանական իւրաքանչիւր պաշտօնեայ եւ քաղաքական-հասարակական որեւէ գործիչ-միաւոր:

Վաղը, հաստատապէս, յար եւ նման ապրիլ-մայիսեան բազմահազար ժողովրդական ցոյցերի, Հանրապետութեան հրապարակում կրկին անգամ տիրական է դառնալու նոյն ժողովրդի մէկ այլ ձեռքբերում-արժէքը՝ «սիրոյ եւ համերաշխութեան» համընդհանուր զգացումը, որպէսզի անցնող 100 օրերում տեղ-տեղ պատահած  եւ ինչ  որ առումով անխուսափելի սայթաքումներն աջի թէ՛ ահեակի կամ ներքին թէ յատկապէս արտաքին ուժի չարաշահման առարկայ չդառնան…

Չէ՞, որ ի վերջոյ, «Թաւշեայ յեղափոխութեամբ»՝ «Նոր Հայաստան» կերտել-ամրակայելու ուղին պէտք է, որ անցնի «սիրոյ ու համերաշխութեան» յուսալի արահետներով:

Այս մտասեւեռումով, ահա, հայաստանամերձ իրանահայը եւս ի տես վաղւայ՝ օգոստ. 17-ի համաժողովրդական համախմբման, փայփայելու եւ ակնկալելու է ժողովուրդ-պետութիւն միակամութեան ամրապնդման գաղափարը, յանուն՝ հայակենտրոն, ինքնուրոյն, հզօր, անվտանգ, բարօր ու կայացած Հայաստանի…:

Յարակից լուրեր

  • Գործնական քայլերին ընդառաջ...
    Գործնական քայլերին ընդառաջ...

    Անցեալ շաբաթւայ ընթացքում, նոյն այս սիւնակում եռեակ շարանով փորձել էինք լուսաբանել առգոյ համընդհանուր մտահոգութիւնը՝ կապւած երկրի ընդհանուր սոցիալ եւ մասնաւորապէս տնտեսական ծանրակշիռ կացութեանը եւ դրանից անխուսափելիօրէն բխող ու մեր համայնքային կացութեանը, իրավիճակին ու առհասարակ կեանքի վրայ համապատասխան ու տւեալ դէպքում՝ բացասական ազդեցութեան մասին…

  • Ակնարկ. Սահմանահատումներ եւ տեղեկատուական խաղեր
    Ակնարկ. Սահմանահատումներ եւ տեղեկատուական խաղեր

    Թրքական «Հիւրրիեթ» թերթը 15 սեպտեմբերին տեղեկութիւն տարածած էր, թէ Թուրքիոյ նախագահը հեռաձայնած է Հայաստանի Հանրապետութեան վարչապետին եւ խնդրած վերադարձնել հայ-թրքական սահմանը հատած եւ ձերբակալուած 16-ամեայ հովիւը:

  • Սամուէլ Ֆարմանեան. «Հայաստանը Թուրքիան չէ, պարո՛ն Փաշինեան, ու Դուք էլ Էրդողանը չէք»
    Սամուէլ Ֆարմանեան. «Հայաստանը Թուրքիան չէ, պարո՛ն Փաշինեան, ու Դուք էլ Էրդողանը չէք»

    Պետութեան կառավարումը, պետականաշինութիւնը բազմակողմանի, համակարգւած ու նուրբ գործընթաց է, առաւել եւս, երբ խօսքը գնում է անցումային քաղաքական իրավիճակների մասին: Քաղաքական իշխանափոխութիւնը մեր երկրում եւս հետեւանք էր խօսքի ու մամուլի, այլ ազատութիւնների անխախտ առկայութեան:

  • Թուրքագէտ. «Էրդողանի յայտարարութիւնները շոյում են ադրբեջանցիների ինքնասիրութիւնը»
    Թուրքագէտ. «Էրդողանի յայտարարութիւնները շոյում են ադրբեջանցիների ինքնասիրութիւնը»

    Թուրքիայի նախագահ Ռեջեբ Թայիբ Էրդողանը «Բաքւի ազատագրման 100-րդ տարեդարձին» նւիրւած միջոցառման իր ելոյթում կրկին շեշտել է, որ Հայաստանի հետ յարաբերութիւնների կարգաւորման պարտադիր պայմանը Լեռնային Ղարաբաղի խնդրի լուծումն է:

  • Հարւարդում կը քննարկեն Հայաստանի թաւշեայ յեղափոխութիւնը
    Հարւարդում կը քննարկեն Հայաստանի թաւշեայ յեղափոխութիւնը

    ԱՄՆ Հարւարդի համալսարանում սեպտեմբերի 27-ին քննարկում կը կազմակերպւի՝ «Հայաստանի թաւշեայ յեղափոխութիւնը 6 ամիս անց. Լուրերից այն կողմ» թեմայով:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։