Հա

Օրակարգ

Երկուշաբթի, 27 Օգոստոսի 2018 14:40

«Իմ բերանս վարժ չի սրբապղծութեան»...

Քաղաքական հակառակորդի (աւելի ճիշտ՝ մրցակցի) հանդէպ ընդդիմադիր կեցւածքի շեշտակիութիւնը ապացուցելու համար՝ լուտանքների ու հայհոյանքների «տեխնիկան» թէպէտ վաղուց է սպառել իրեն ու ըստ ամենայնի դարձել ապարդիւն, բայցեւայնպէս տեղ-տեղ նկատելի են վերոգրեալ «տեխնոլոգիան» կիրառող շրջանակներ, որոնք, ցաւօք, գիտակցաբար թէ՛ անգիտակից, տրւում են տւեալ գայթակղութեանը…

Դ. Մ.

 

Քաղաքական հակառակորդի (աւելի ճիշտ՝ մրցակցի) հանդէպ ընդդիմադիր կեցւածքի շեշտակիութիւնը ապացուցելու համար՝ լուտանքների ու հայհոյանքների «տեխնիկան» թէպէտ վաղուց է սպառել իրեն ու ըստ ամենայնի դարձել ապարդիւն, բայցեւայնպէս տեղ-տեղ նկատելի են վերոգրեալ «տեխնոլոգիան» կիրառող շրջանակներ, որոնք, ցաւօք, գիտակցաբար թէ՛ անգիտակից, տրւում են տւեալ գայթակղութեանը…

Հայաստանեան ներքաղաքական խմորումների առնչութեամբ ՀՅԴ-ին «Քոչարեանամէտ» եւ ինչքան էլ զաւեշտալի՝ «հակայեղափոխական» ներկայացնելու սոցցանցային գրոհողների կողմից անպակաս էին միեւնոյն՝ հայհոյախառն ու լուտանքային «հիմնաւորումները…»:

… կարաւանը, սակայն, շարունակում է իր ճամբան…

Օրերս նման մտահոգութիւն էր յայտնել նաեւ մեր պաշտօնակից օրաթերթ, ԱՄՆ-ում հրատարակւող արդէն 110-ամեայ «Ասպարէզ» օրաթերթը՝ «Ի՞նչ նպատակ կը հետապնդուի» վերտառութեամբ, որտեղ մասնաւորապէս ասւած է. «Կանդրադառնանք Սփիւռքի մէջ վաղուց մոռացւած, բայց վերջին շրջանին իր տգեղ գլուխը դարձեալ դուրս ցցած երեւոյթի մը: Կարելի էր այս հարցին ընդհանրապէս չանդրադառնալ, հաւատալով, որ փոքրաթիւ է այս ցաւագին վարքագիծը կրողներու խումբը, սակայն թէ՛ հասարակական ցանցերու ընձեռած հնարաւորութիւնները եւ թէ, որոշ չափով, հայաստանեան քաղաքական, նոյնիսկ իշխանական շրջանակներու անուղղակի քաջալերանքը կամ հովանաւորութիւնը, թոյլ չեն տար, որ անպատասխան մնան Հայ Յեղափոխական Դաշնակցութեան դէմ արձակւած թունաւոր արտայայտութիւնները»:

Ահաւասիկ, գործ ունենք մի երեւոյթի հետ, որն աստիճանաբար ու անհրաժեշտաբար պէտք է առողջացման հունաւորում գտնի թէ՛ նոյնինքն սոցցանցերում եւ թէ՛ յատկապէս՝ հայկական յանձնառու մամուլի ու զանգւածային լրատւամիջոցների հարթութիւններում:

Ի վերջոյ առողջ ու ճշմարիտ գնահատականը վերապահւած է գիտակից ժողովրդին, որի հարազատ ներկայացուցիչներից մէկի գնահատականն էլ դարձրինք մեր «Օրւայ պատգամ»-ի բնաբանը…:

Related items

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։

Joomla-ի վրիպազերծման կառավարակետ

Աշխատաշրջան

Հարցումների հսկման արդյունքները

Հիշողության օգտագործում

ՏԲ-ի հարցումներ