Հա

Օրակարգ

04/09/2018 - 08:20

Հայաստան պաշտօնական քառօրեայ այցի ամփոփումը՝ ընդհանուր կէտերով

«Հայ-իրանական բարեկամութիւնը վեր է քաղաքական յարաբերութիւնների հարթութիւնից, այն բարեկամական ամուր հիմքերի վրայ կառուցւած դարաւոր անցեալ ունեցող բարեկամութիւն է». նման կերպ են բնութագրել հայ-իրանական յարաբերութիւնները օգոստոսի 30-ին քառօրեայ այցով Հայաստան այցելած ԻԻՀ խորհրդարանի Իրան-Հայաստան պատգամաւորական բարեկամական խմբի անդամները:

«Ալիք» - «Հայ-իրանական բարեկամութիւնը վեր է քաղաքական յարաբերութիւնների հարթութիւնից, այն բարեկամական ամուր հիմքերի վրայ կառուցւած դարաւոր անցեալ ունեցող բարեկամութիւն է». նման կերպ են բնութագրել հայ-իրանական յարաբերութիւնները օգոստոսի 30-ին քառօրեայ այցով Հայաստան այցելած ԻԻՀ խորհրդարանի Իրան-Հայաստան պատգամաւորական բարեկամական խմբի անդամները:

Քառօրեայ այցը յագեցած է եղել հայաստանեան գործընկերների հետ հանդիպումներով, ինչպէս նաեւ հանդիպումներ են եղել Իրանի հետ գործակցային համատեղ ծրագրեր եւ նախնական պայմանաւորւածութիւններ ձեռք բերած գերատեսչութիւնների ղեկավարների հետ:

Սեպտեմբերի 1-ի մեր առաջին էջում արդէն անդրադարձել ենք դրանցից երկուսին՝ ՀՀ տնտեսական զարգացման եւ ներդրումների նախարար Արծւիկ Մինասեանի եւ Ազգային ժողովի նախագահ Արա Բաբլոյեանի հետ հանդիպումներին:

Մեզ հետ զրոյցում Իրանի Իսլ. խորհրդարանում հիւսիսային իրանահայութեան պատգամաւոր դոկտ. Կարէն Խանլարեանը նաեւ կարեւորեց ՀՀ էներգետիկ ենթակառուցւածքների եւ բնական պաշարների նախարարի հետ հանդիպումը: Պատգամաւորը նշեց, որ քննարկւել են փոխադարձ հետաքրքրութիւն ներկայացնող ենթակառուցւածքային ծրագրերի ընթացքն ու ներդրումային նախագծերի հնարաւորութիւնները: Այստեղ կողմերը կարեւորել են Արաքս գետի ափին՝ Հայաստան-Իրան սահմանին երկու ՀԷԿ կառուցելու նախագծի աշխատանքները, որոնք էլեկտրաէներգիա են մատակարարելու երկու կողմերին: Անդրադարձ է եղել նաեւ բարձրավոլտ երրորդ էլեկտրահաղորդման օդային գծի կառուցման ընթացքին:

Հանդիպումները նմանատիպ ենթատեքստով շարունակւել են նաեւ հայաստանեան գործընկերների եւ միջկառավարական յանձնախմբի անդամների հետ: Հայ- իրանական միջկառավարական յանձնաժողովը եւ խորհրդարանական բարեկամական խումբը, առանձնայատուկ առաքելութիւն ունեն երկու երկրների առեւտրա-տնտեսական յարաբերութիւնների խորացման եւ ընդլայնման գործում ու այս հանդիպումները մէկ անգամ եւս ամրագրեցին այդ իրողութիւնը, որը այս պահին ուղղւած է ստորագրւած համաձայնագրերի եւ ծրագրերի գործնականացմանը:

Դոկտ. Կարէն Խանլարեանը, ով միաժամանակ ԻԻՀ խորհրդարանում Կրթութեան եւ գիտութեան յանձնաժողովի անդամ է, անդրադարձաւ կրթութեան ոլորտում քննարկումներին, որտեղ պայմանաւորւածութիւն է ձեռք բերւել կրթական ոլորտում հետաքրքրութիւններ ներկայացնող հարցերի փոխգործակցութեան ծաւալման առումներով:

Բարեկամական խմբի անդամներ դոկտ. Կարէն Խանլարեանը եւ Ժորժիկ Աբրահամեանը նշել են, որ բարեկամական խմբի իւրաքանչիւր անդամ իր ոլորտում կանի ամէն ինչ, երկուստեք ծրագրերը եւ նախագծերը արդիւնաւէտ իրականացնելու համար:

Վերջում յաւելենք նաեւ, որ իրանական կողմը կարեւորութեամբ շեշտադրել է այն հանգամանքը, որ Հայաստանում տեղի ունեցած Թաւշեայ յեղափոխութիւնից յետոյ երկկողմ յարաբերութիւնները որակական նոր շունչ են ստացել եւ այդ համատեքստում մատնանշել են, որ այսուհետեւ գործակցութիւնների ակտիւացումը եւ համատեղ ծրագրերի իրականացումը լինելու է որակական նոր հարթութիւններում:

Յարակից լուրեր

  • Իրանը եւ ԵՄ-ն կարեւորել են Եմէնի խաղաղութեան համաձայնագրի իրագործումը
    Իրանը եւ ԵՄ-ն կարեւորել են Եմէնի խաղաղութեան համաձայնագրի իրագործումը

    Եմէնի ճկնաժամի կապակցութեամբ, Իրանի եւ Եւրոմիթեան միջեւ կայացած բանակցութիւնների 5-րդ փուլի աւարտին, ԵՄ-ն հանդէս է եկել հաղորդագրութեամբ, որում կողմերի անունից, կարեւորւել է Եմէնի ճգնաժամաի կարգաւրման կապակցութեամբ, Ստոկհոլմի համաձայնագրի, մասնաւորապէս Ալ Հոդայդէ նաւահանգստում կրակի դադերացման մասին պայմանաւորւածութեան ամբողջական իրագործումը:

  • «Ապառաժ»-ի խմբագրական. Կրկին ռազմավարական համաձայնագրի անհրաժեշտութեան մասին
    «Ապառաժ»-ի խմբագրական. Կրկին ռազմավարական համաձայնագրի անհրաժեշտութեան մասին

    Թէեւ ՀՀ վարչապետի վկայութեամբ բանակցութիւններ չեն ընթանում Ադրբեջանի եւ ՀՀ իշխանութիւնների միջեւ, սակայն հանդիպումների, ծանօթութիւնների եւ անցեալի պատմութեան յուշերի փոխանակման արդիւնքում պէտք է խոստովանել, որ ղարաբաղա-ադրբեջանական սահմանային գօտում փոխհրաձգութիւնները նւազել են:

  • «Դամասկոսի, Թեհրանի եւ Բաղդադի յարաբերութիւնները չափազանց ամուր են». Ասադ
    «Դամասկոսի, Թեհրանի եւ Բաղդադի յարաբերութիւնները չափազանց ամուր են». Ասադ

    Մարտի 18-ին, Սիրիայի նախագահ Բաշշար Ասադը հանդիպել է Իրանի եւ Իրաքի զինւորական պատւիրակութիւնների հետ, որոնք Դամասկոսում էին, մասնակցելու տարածաշրջանում ահաբեկչութեան դէմ պայքարի կապակցութեամբ Սիրիայի, Իրանի եւ Իրաքի եռակողմ խորհրդակցութեանը:

  • ՀՀ վարչապետի Իրան այցի յատկանշելին…
    ՀՀ վարչապետի Իրան այցի յատկանշելին…

    Իրան-Հայաստան յարաբերութիւններում, 2019 թւականի փետրւարի 27-ին ՀՀ վարչապետ Ն. Փաշինեանի եւ նրան ընկերակցող պատւիրակութեան այցը յատկանշական պէտք է համարել, քանի որ. Հայաստանում իշխանափոխութիւնից յետոյ, մտահոգութիւն էր առաջացել այն մասին, թէ հնարաւոր է պաշտօնական Երեւանի քաղաքական արեւելման փոփոխութիւնը՝ հիւսիս-հարաւից դէպի Արեւմուտք: Այլ խօսքով, արեւելեան օրիենտացիան պէտք է, որ զիջէր արեւմտեանին:

  • «Հայրենիք»-ի խմբագրական. Համերաշխութի՞ւն, թէ՞ հայատեացութիւն
    «Հայրենիք»-ի խմբագրական. Համերաշխութի՞ւն, թէ՞ հայատեացութիւն

    Բեղուն գործունէութեան մէջ է ԵԱՀԿ-ի Մինսքի խումբը, որ դրական վերլուծումով հաղորդագրութիւն մը լոյս ընծայած էր, տեղեկացնելով, թէ պատշաճ միջավայրի պահպանման անհրաժեշտութեան դիմաց, կ՛ողջունէ Հայաստանի վարչապետ Նիկոլ Փաշինեանի եւ Ատրպէյճանի նախագահ Իլհամ Ալիեւի միջեւ յառաջիկային սպասուող՝ առաջին ուղղակի շփումներու պատրաստակամութիւնը։

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։