Հա

Օրակարգ

06/12/2018 - 14:40

Մենք իրաւունք չունենք յապաղելու

…Եւ այսպէս…

1-Օրերս «G-20» գագաթաժողովի շրջանակներում արգենտինացի լրագրողի կողմից Հայոց  Ցեղասպանութեանը առնչւող հարցադրմանը՝ ուղղւած Էրդողանին, վերջինս պատասխանեց ընկալեալ՝ ժխտողականութեամբ…

«Հ1»-ի «պլիւս»-ն ու «մինուս»-ը

Դ. Մ.

 

…Եւ այսպէս…

1-Օրերս «G-20» գագաթաժողովի շրջանակներում արգենտինացի լրագրողի կողմից Հայոց  Ցեղասպանութեանը առնչւող հարցադրմանը՝ ուղղւած Էրդողանին, վերջինս պատասխանեց ընկալեալ՝ ժխտողականութեամբ…

2-Նախօրէին, սակայն, թուրքական անճարակ ժխտողականութեան միջազգային հերթական պատասխանը հնչեցւեց՝ այս անգամ Աւստրալիայի խորհրդարանում, որն էլ այդ հարցով նոր նախագիծ էր քննութեան դրել…

3-Դարձեալ նախօրեակներին, ԱՄՆ սենատոր Մենենդէզը, որպէս «Հայ Դատի» սկզբունքային պաշտպան, նախ վիճարկեց Ադրբեջանում ԱՄՆ նոր դեսպանի թեկնածուի հաւանական սայթաքումները՝ հայ-ադրբեջանական, ինչպէս էլ՝ Ացրախեան խնդրի գծով, որի արդիւնքում էլ կրկին յետաձգւեց այդ դեսպանի գործուղումը՝ Բաքու… եւ ապա՝ ՀՀ-ում ԱՄՆ նոր դեսպանի թեկնածուին յիշեցրեց ու յորդորեց, որ մօտակայում, երբ Երեւան գործուղւի, Ծիծեռնակաբերդ այցելելու օրը «Ցեղասպանութիւն» բառը չօգտագործելը կը լինի խիստ անյարիր…

***

…Երէկ, սակայն, Հայաստանի Հանրային հեռուստակայան «Հ1»-ը ողջունելի մտայղացմամբ ու աննախադէպ նախաձեռնութեամբ ի մի էր հաւաքել դեկտ. 9-ի խորհրդարանական ընտրութիւնների թւով 11 կուսակցութիւն-դաշինքների կողմից առաջադրւած թեկնածուների առաջատարներին, բանավիճելու ամենատարբեր՝ ներքին թէ՛ արտաքին խնդիրների ու մարտահրաւէրների մասին:

Թէեւ  Աշխարհասփիւռ միլիոնաւոր հեռուստադիտողների ակնդէտ հայեացքները աւելիով էր կարող փայլատակել, ի տես ծրագրային-սկզբունքային բանավէճի, բայցեւայնպէս՝ բուն բանավէճի ձեւաչափը, որպէս նորոյթ, թէ՛ հետաքրքիր, եւ թէ՛ օգտակար էր հայաստանեան ընտրողի ու քւէարկողի համար: Դա հիմք է տալիս մեզ, որ թէկուզ այդ պատճառով՝ արձանագրել այսպէս ասած՝ «պլիւս»-ը՝«Հ1»-ի մտայղացման հաշւին…

Միւս կողմից նոյն միլիոնաւոր հեռուստադիտողների (որոնց գերակշիռ մասը գտնւում ու բնակւում է արտերկրում ու Սփիւռքոմ) արդար ակնկալիքն էր, որ «Հ1»-ը բանավէճի հիմնահարցերի առաջադրման գործում չվրիպէր մեր համազգային թիւ 1 մարտահրաւէրի՝ Հայոց պահանջատիրութեան, Հայոց Ցեղասպանութեան (յատկապէս որպէս անվտանգութեան կոնցեպցիա) եւ մէկ խօսքով՝ Հայ Դատի վերաբերեալ բանավիճողների ծրագրային-ռազմավարական մօտեցումների քննարկումը:

…Չէ՞ որ հէնց Հայ Դատի ամբողջական հասկացութեան մէջ են ներառւած մէկ կողմից՝ հայի, Հայրենիքի, Սփիւռքի, Արցախի, Ջաւախքի, Նախիջեւանի..., իսկ միւս կողմից էլ այդ ամենի՝ պատմա-քաղաքական, աշխարհագրական, ազգագրական, ներկայիս ՀՀ-ի սոցիալ-տնտեսական, ներքաղաքական, եւ կարեւորներից՝ մշակութային ու հոգեւոր, կրթա-գիտական եւ… բոլոր-բոլոր լուծման ու կայացման կարօտ հանգամանքները…:

Ի դէպ՝ Աւստրալիայի խորհրդարանականը յայտարարել էր թէ՝ «Աշխարհը չափազանց շատ է յապաղում Հայոց Ցեղասպանութեան արդար գնահատման ու փոխհատուցման հարցում»...

Մենք,  սակայն, իրաւունք չունենք յապաղելու ու տւեալ դէպքում «Հ1»-ին «մինուս» գրանցելը կարելի է գնահատել տեղին…:

Յարակից լուրեր

  • «G7»-ից՝ «Ռոստոմ» դպրոց...
    «G7»-ից՝ «Ռոստոմ» դպրոց...

    Համաշխարհային խլացուցիչ լրահոսը ողողւած է «G7»-ի, Լիբանանի, Սիրիայի եւ Իրաքի դէմ իսրայէլական նոր արկածախնդրութիւնների, նոյն Սիրիայի դէմ թուրքական բանակայինների նոր ոտնձգութիւնների… եւ իհարկէ՝ իրանական միջուկային թղթածրարի ու դրանից բխող հակադարձ դիւանագիտական աճպարարութիւնների մասին գերքաղաքականացւած հաղորդումներով…

  • Մովսիսեան. «Կարեւորւել է Իրան-Հայաստան յարաբերութիւնների գծով երկու երկրների ԶԼՄ-ների դերը»
    Մովսիսեան. «Կարեւորւել է Իրան-Հայաստան յարաբերութիւնների գծով երկու երկրների ԶԼՄ-ների դերը»

    Երէկ, յունիսի 19-ի երեկոյեան, «Ալիք» օրաթերթ այցելեցին Հայաստանի Հանրապետութեան վարչապետի աշխատակազմի հանրային կապերի եւ տեղեկատւութեան կենտրոն ՊՈԱԿ-ի (Պետական ոչ-առեւտրային կազմակերպութիւնների) ղեկավար Յովհաննէս Մովսիսեանը եւ Երեւանի Պետական համալսարանի իրանագիտութեան ամբիոնի դասախօս Արմէն Իսրայէլեանը, գլխաւորութեամբ Իրանում ՀՀ արտակարգ եւ լիազօր դեսպան Արտաշէս Թումանեանի եւ դեսպանատան դիւանագիտական կազմի:

  • Թրամփի ժողովրդային «իմփիչմենտը»...
    Թրամփի ժողովրդային «իմփիչմենտը»...

    Օմանի ծովում երկու լցանաւերի պայթիւնները, ինչ խօսք, աշխատում են հակաիրան հռետորաբանութեան օգտին, որին լծւած են ինչպէս ԱՄՆ-ի թրամփեան վարչակազմը, նոյնպէսեւ՝ տարածաշրջանային ռազմական թէ՛ նաւթային խամաճիկները: Այս վերջինները նոյնիսկ պատերազմական իրավիճակների արդարացման կոչերով են շարունակում հանդէս գալ, յար եւ նման անցեալ ամիս Ս. Արաբիայում կայացած արաբական լիգայի հապճեպ ու անարդիւնաւէտ համաժողովի կոչերի...

  • Կրկնակի պարտաւորութիւն...
    Կրկնակի պարտաւորութիւն...

    Յարգելի ընթերցող, պատմութիւնը եւ առհասարակ պատմական նշանակալի իրադարձութիւնները գնահատւում-արժեւորւում են նրանով նաեւ, երբ դրանք սերտելու եւ առաւել եւս՝ դրանցից դասեր առնելու ունակ է տւեալ պատմութեան կրող ժողովուրդը, ազգն ու պետութիւնը...:

  • Ուրմիայի գոյամարտի վճռորոշ դերը՝ 1918 թ. Մայիսեան յաղթանակներում
    Ուրմիայի գոյամարտի վճռորոշ դերը՝ 1918 թ. Մայիսեան յաղթանակներում

    Թուրքական բանակը մինչ 1918 թ. Մայիսեան ջախջախիչ պարտութիւնները, արդէն բազմիցս ճաշակել էր հայի անկոտրում կամքի ու բազկի զօրութիւնը...

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։