Հա

Օրակարգ

18/12/2018 - 14:40

Կայացած եւ արդիւնաւէտ քննարկում, բայց...

Երէկ Հայ Արհեստաւորների միութեան «Արամ Մանուկեան» սրահում «Իրան-Հայաստան» փոխյարաբերութիւնների ընդգրկուն թեմայով բանավէճ- քննարկումները կարելի է բնութագրել որպէս արդիւնաւէտ ու կայացած…

Դ. Մ.

 

Երէկ Հայ Արհեստաւորների միութեան «Արամ Մանուկեան» սրահում «Իրան-Հայաստան» փոխյարաբերութիւնների ընդգրկուն թեմայով բանավէճ-քննարկումները կարելի է բնութագրել որպէս արդիւնաւէտ ու կայացած…

Բնականաբար, երկկողմ բանավէճի առանցքային կողմերից մէկն էր հանդիսանում Հայաստանի Հանրապետութեան դիւանագիտական կորպուսի ներկայացուցչութիւնը ի դէմս՝ Իրանում ՀՀ դեսպան Արտաշէս Թումանեանի: Վերջինս երկու երկրների քաղաքական-տնտեսական փոխյարաբերութիւնների վերաբերեալ ըստ ամենայնի ճշգրիտ եւ իրաւացի դատողութիններ ու դիտողութիններ անելով հանդերձ, որոշակի հատւածներում խիստ ու կշտամբանքի տոնայնութիւն հաղորդելով իր ելոյթներին (այն էլ թարգմանւող), պատճառ դարձաւ, զորօրինակ, Իրանի պետական պաշտօնական լրատւացանց՝ ԻՌՆԱ-ի ներկայացուցչի՝ լսարանի եւ ունկնդիրների մօտ աւելի համոզիչ պատասխանի հնչեցմանը (այն էլ իրանցուն իւրայատուկ՝ մեղմ տոնայնութեամբ):

Կամ՝ ի՞նչ անհրաժեշտութիւնից մղւած՝ յարգարժան դեսպանը ոչ թէ մէկ, այլեւ 3 անգամ կրկնում էր տւեալ միջոցառման մասին «Ինձ ընդամենը երէկ են տեղեկացրել» իր վրդովմունքը, մինչդեռ թերթս կազմակերպիչներից տեղում ստուգելով՝ պարզեց, որ ոչ թէ մէկ օր, այլ մէկ շաբաթ առաջ է հրաւէրն յղւել յարգոյ դեսպանին…

Եւ վերջապէս պրն. դեսպանը երիցս դժգոհելով կազմակերպիչներին, յուշում էր թէ՝ «Լաւ կը լինէր այս բանավէճին Հայաստանից էլ փորձագէտներ հրաւիրւէին…», մինչդեռ, երկրորդելով հանդերձ դեսպանի նկատառումը, հարկ ենք համարում յիշեցնել, որ ամենամեայ պարբերականութեամբ նոյնինքն «ՀՈՒՍԿ» հաստատութեան կողմից, «Հայ Դատն այսօր» խորհրդաժողովի շրջանակներում, թէ՛ հայ եւ թէ՛ առաւել եւս պարսկական լսարանի առջեւ հէնց պրն. դեսպանի նշած Հայաստանի տնտեսա-քաղաքական փորձագէտ վերլուծաբաններն են ելոյթներով հանդէս գալիս, որտեղ եւ ներկայ է լինում ինքը՝ պրն. Թումանեանը:

Ինչեւէ, երեւի հարկաւոր չլինէր երէկւայ միջոցառմանը պատահած միջադէպերին նման կերպ արձագանգէինք, եթէ համոզւած չլինէինք նրանում, որ լսարանը, միջավայրը եւ դրանց համարժէք՝ խօսակցական-բանավիճային ոճն ու տոնայնութիւնը եւս ուղղակիօրէն ազդում է՝ բուն միջոցառմանը դրական թէ՛ բացասական գնահատութեան խնդրում…:

Յ. Գ. - Երէկւայ բանավէճ-քննարկման բովանդակային միւս թեմային կանդրադառնանք յաջորդիւ:

Յարակից լուրեր

  • Դաշինքով, թէ առանց դաշինքի...
    Դաշինքով, թէ առանց դաշինքի...

    Հակաիրան «Եռեակ դաշինքը» ԱՄՆ-ի, Իսրայէլի եւ Ս. Արաբիայի համահեղինակութեամբ անթաքոյց՝ պատերազմական իրավիճակի հեռանկարներ է ուրւագծում, որն յղի է ինչպէս տարածաշրջանային, այնպէս էլ միջազգային մակարդակով պայթիւնավտանգ հանգամանքներով…

  • «Մայիս-1»-ով ընդառաջ՝ յաղթանակների ամսին...
    «Մայիս-1»-ով ընդառաջ՝ յաղթանակների ամսին...

    Խորհրդանշօրէն «Յաղթանակների Ամիս» համարւող մայիսի հէնց առաջին օրը՝ «ՄԱՅԻՍ-1»-ը ազդարարում է համաշխարհային հասարակայնութեան չարքաշ ու ազնիւ խաւի՝ աշխատաւորութեան տօնը:

  • Կրկնակի վնասներից խուսափելու ելքը… (2)
    Կրկնակի վնասներից խուսափելու ելքը… (2)

    Մեր երէկւայ համարի նոյն այս սիւնակում ընդհանուր ակնարկ նետեցինք երկրի տնտեսական համընդհանուր ճգնաժամին ու դրանից բխող հետեւանքներին, որոնցից, ինչ խօսք՝ անմասն չի կարող լինել մեր համայնքը նաեւ: Ներկայումս, տնտեսական ճգնաժամի վատթարացող հեռանկարը պայմանաւորւած է՝ Իրանին նաւթային բլոկադայի օղակի առաւել ամուր սեղմմամբ ԱՄՆ-ի, Իսրայէլի եւ տարածաշրջանային արբանեակ երկրների համընթաց դերակատարմամբ:

  • Կրկնակի վնասներից խուսափելու ելքը... (1)
    Կրկնակի վնասներից խուսափելու ելքը... (1)

    Ապրիլեան վերջին տասնօրեակի կրօնա-աւանդական տօներին, ինչպէսեւ համազգային պահանջատիրութեանը նւիրւած ժողովրդական համախմբումներին իրանահայ երեք թեմերի աւանդապաշտ ու գիտակից հասարակայնութեան բոլոր խաւերի մասնակցութիւնն, ինչ խօսք, դրւատանքի է արժանի: Չէ՞, որ առհասարակ հասարակայնութիւններում (համայնք լինի դա, թէ՝ պետութիւն), միասնականութեան որեւիցէ երեւոյթ կամ դրսեւորում տւեալ հաւաքականութեան կենսունակութեան չափանիշն ու ապացոյցն է հանդիսանում…:

  • Շինծու պետութեան ու պատմութեան գերին...
    Շինծու պետութեան ու պատմութեան գերին...

    Ի հեճուկս Թուրքիայի նախագահի, արտգործնախարարի եւ միւս պաշտօնական թէ՛ անպաշտօն շրջանակների ժխտողական (իսկ այս տարի նաեւ՝ սպառնական) կեցւածքների, աշխարհասփիւռ հայութիւնը ոգեկոչեց Հայոց Ցեղասպանութեան Սրբադասւած Նահատակների 104-րդ տարելիցը…

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։