Հա

Օրակարգ

27/12/2018 - 13:30

Սփիւռքի նախարարութիւնը՝ «Դէ ֆակտօ» անգործութիւնից՝ «Դէ իւրէ» լուծարում…

Հայաստանի ժամանակաւոր կառավարութիւնը նախագծելով պետական կառավարման գործառոյթների օպտիմալացման իր «Ճանապարհային քարտէզը», նպատակադրել է 17 նախարարութիւնները 12-ի իջեցնել: Կրճատւող 5 նախարարութիւններից, ըստ երեւոյթի, միայն Սփիւռքի նախարարութիւնն է, որ պէտք է լուծարւի, իսկ միւս 4-ը պահպանելու են իրենց նախարարական մակարդակի գործառոյթը՝ տարբեր նախարարութիւնների մէջ ընդգրկւելով: Սփիւռքի նախարարութիւնը, սակայն, ըստ էութեան իջնելու է՝ մարմին, կոմիտէ կամ ինչ-որ գերատեսչութեան բաժնի մակարդակի:

Առաջարկ.- Սփիւռքի ոլորտը վստահել նախագահական ինստիտուտին

Դ. Մ.

 

Հայաստանի ժամանակաւոր կառավարութիւնը նախագծելով պետական կառավարման գործառոյթների օպտիմալացման իր «Ճանապարհային քարտէզը», նպատակադրել է 17 նախարարութիւնները 12-ի իջեցնել: Կրճատւող 5 նախարարութիւններից, ըստ երեւոյթի, միայն Սփիւռքի նախարարութիւնն է, որ պէտք է լուծարւի, իսկ միւս 4-ը պահպանելու են իրենց նախարարական մակարդակի գործառոյթը՝ տարբեր նախարարութիւնների մէջ ընդգրկւելով: Սփիւռքի նախարարութիւնը, սակայն, ըստ էութեան իջնելու է՝ մարմին, կոմիտէ կամ ինչ-որ գերատեսչութեան բաժնի մակարդակի:

… Արդէն մի քան օր է, ինչ համապատասխան արձագանգներ են դրսեւորւում ՀՀ-ում եւ միաժամանակ Սփիւռքեան գաղթօջախ-համայնքներում: Նախարարութեան լուծարման առաջին բողոքարկողները հանդիսացան նոյնինքն տւեալ նախարարութեան շուրջ 100 աշխատող պաշտօնեաները:

Միաժամանակ «Յայտարարութիւն»-ներով հանդէս եկան ՀՅԴ, Ռամկավար կուսակցութիւնները եւ ՀՕՄ-ը՝ նախարարութեան լուծարման որոշման դէմ, ապաեւ՝ ՀՀ-ում բնակւող սիրիահայերը, իրաքահայերը եւ միւս սփիւռքահայերը նախարարութեան առջեւ բողոքի ցոյցեր են անցկացնում…:

… «Թաւշեայ յեղափոխութիւնից» յետոյ անփորձառու եւ ոլորտին անտեղեակ նորանշանակ նախարարը գլխաւորելով գերատեսչութիւնը, Սփիւռքի նախարարութեան որպէս նոր տեսլական հռչակեց «Հայրենադարձութիւնը», անցնող 10-ամեայ գործունէութիւնը ապարդիւն եւ «Արի տուն»-ային «շոու»-եր բնութագրելով…

Այնուհետեւ նոր նախարարը արտերկրային երկու այց կատարելով ԱՄՆ-Եւրոպա, կրկին կարեւորեց աշխարհափսիւռ հայութեան հայրենադարձութեան ռազմավարական-նպատակային տեսլականը…:

Ու դրանից յետոյ, ամբողջ 7-8 ամիս նախարարութիւնը ամլութեան մատնւեց ու նոյնիսկ «շոուերի» տեսքով ականատես չդարձանք ոչ մի ծրագրի կամ նախաձեռնութեան՝ Հայաստան-Սփիւռք կապերը գէթ բարձրաձայնելու առումով:

Ահաւասիկ՝ Սփիւռքի նախարարութեան օպտիմալացմանը տանող «Ճանապարհային քարտէզը» ուրւագծւեց «Դէ Ֆակտօ» անգործութեամբ՝ դէպի «Դէ Իւրէ» յանգուցալուծում, դրանից բխող բոլոր մտահոգիչ հետեւանքներով…

 

Յ. Գ. - Որպէս առաջադրանք, կարծում ենք ՀՀ սահմանադրական խախտում չի գրանցւի, եթէ լուծարւելիք Սփիւռքի նախարարութիւնը (այլ անւամբ, սակայն միեւնոյն գործառոյթների մակարդակը պահպանելով), փոխադրել նախագահական համակարգ: Յատկապէս հաշւի առնելով նախագահ Արմէն Սարգսեանի բարձր հեղինակութիւնը սփիւռքահայութեան լայն շրջանակներում, տրամաբանական է թւում Հայաստան-Սփիւռք կապերի ամրակայման գերզգայուն ոլորտը վստահել նախագահական ինստիտուտին:

Յարակից լուրեր

  • Դաշինքով, թէ առանց դաշինքի...
    Դաշինքով, թէ առանց դաշինքի...

    Հակաիրան «Եռեակ դաշինքը» ԱՄՆ-ի, Իսրայէլի եւ Ս. Արաբիայի համահեղինակութեամբ անթաքոյց՝ պատերազմական իրավիճակի հեռանկարներ է ուրւագծում, որն յղի է ինչպէս տարածաշրջանային, այնպէս էլ միջազգային մակարդակով պայթիւնավտանգ հանգամանքներով…

  • «Մայիս-1»-ով ընդառաջ՝ յաղթանակների ամսին...
    «Մայիս-1»-ով ընդառաջ՝ յաղթանակների ամսին...

    Խորհրդանշօրէն «Յաղթանակների Ամիս» համարւող մայիսի հէնց առաջին օրը՝ «ՄԱՅԻՍ-1»-ը ազդարարում է համաշխարհային հասարակայնութեան չարքաշ ու ազնիւ խաւի՝ աշխատաւորութեան տօնը:

  • Կրկնակի վնասներից խուսափելու ելքը… (2)
    Կրկնակի վնասներից խուսափելու ելքը… (2)

    Մեր երէկւայ համարի նոյն այս սիւնակում ընդհանուր ակնարկ նետեցինք երկրի տնտեսական համընդհանուր ճգնաժամին ու դրանից բխող հետեւանքներին, որոնցից, ինչ խօսք՝ անմասն չի կարող լինել մեր համայնքը նաեւ: Ներկայումս, տնտեսական ճգնաժամի վատթարացող հեռանկարը պայմանաւորւած է՝ Իրանին նաւթային բլոկադայի օղակի առաւել ամուր սեղմմամբ ԱՄՆ-ի, Իսրայէլի եւ տարածաշրջանային արբանեակ երկրների համընթաց դերակատարմամբ:

  • Կրկնակի վնասներից խուսափելու ելքը... (1)
    Կրկնակի վնասներից խուսափելու ելքը... (1)

    Ապրիլեան վերջին տասնօրեակի կրօնա-աւանդական տօներին, ինչպէսեւ համազգային պահանջատիրութեանը նւիրւած ժողովրդական համախմբումներին իրանահայ երեք թեմերի աւանդապաշտ ու գիտակից հասարակայնութեան բոլոր խաւերի մասնակցութիւնն, ինչ խօսք, դրւատանքի է արժանի: Չէ՞, որ առհասարակ հասարակայնութիւններում (համայնք լինի դա, թէ՝ պետութիւն), միասնականութեան որեւիցէ երեւոյթ կամ դրսեւորում տւեալ հաւաքականութեան կենսունակութեան չափանիշն ու ապացոյցն է հանդիսանում…:

  • Շինծու պետութեան ու պատմութեան գերին...
    Շինծու պետութեան ու պատմութեան գերին...

    Ի հեճուկս Թուրքիայի նախագահի, արտգործնախարարի եւ միւս պաշտօնական թէ՛ անպաշտօն շրջանակների ժխտողական (իսկ այս տարի նաեւ՝ սպառնական) կեցւածքների, աշխարհասփիւռ հայութիւնը ոգեկոչեց Հայոց Ցեղասպանութեան Սրբադասւած Նահատակների 104-րդ տարելիցը…

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։