Հա

Օրակարգ

06/05/2019 - 14:20

Դաշինքով, թէ առանց դաշինքի...

Հակաիրան «Եռեակ դաշինքը» ԱՄՆ-ի, Իսրայէլի եւ Ս. Արաբիայի համահեղինակութեամբ անթաքոյց՝ պատերազմական իրավիճակի հեռանկարներ է ուրւագծում, որն յղի է ինչպէս տարածաշրջանային, այնպէս էլ միջազգային մակարդակով պայթիւնավտանգ հանգամանքներով…

Դ. Մ.

 

Հակաիրան «Եռեակ դաշինքը» ԱՄՆ-ի, Իսրայէլի եւ Ս. Արաբիայի համահեղինակութեամբ անթաքոյց՝ պատերազմական իրավիճակի հեռանկարներ է ուրւագծում, որն յղի է ինչպէս տարածաշրջանային, այնպէս էլ միջազգային մակարդակով պայթիւնավտանգ հանգամանքներով...

Մօտաւորապէս նման միտք է արծարծել ԱՄՆ 2020 թւականի նախագահական ընտրութիւնների թեկնածու (այն էլ՝ հանրապետական) Տուլսի Գաբբարդը, որն ահազանգելով վերոգրեալը, Թրամփին, Նաթանիահուին եւ սաուդցիներին համարել է «մեզ դէպի աղէտ ու քաոս առաջնորդողներ»...

Անկախ նրանից, թէ նախագահի թեկնածու տիկին Գաբբարդի խօսքերի ընդմիջից կարելի է «նախընտրական» երանգներ էլ նկատել, բայց փաստը մնում է փաստ, որ հակաիրան դաշինքի օղակը գնալով աւելի է սեղմւում, ընդգրկելով ոչ միայն տնտեսական պատժամիջոցներ, այլեւ՝ քաղաքական, քարոզչական եւ այս վերջինների ֆոնին՝ նաեւ ռազմական ներուժ ու ներգործօն սպառնալիքներ:

Ահաւասիկ, Թրամփի հակաիրան կրքոտ խորհրդական Բոլտոնն ժամեր առաջ յայտարարել է տարածաշրջան ուղեւորւած ամերիկեան աւիակիր ռազմանաւի մասին, որն ըստ նոյն Բոլտոնի՝ «նախազգուշական նպատակ է հետապնդում, ե՛ւ ոչ թէ պատերազմական քայլ Իրանի հասցէին...»:

Ու թէեւ հէնց երէկ եւրոպական եռեակը՝ Գերմանիան, Ֆրանսիան, Անգլիան, ինչպէսեւ Եւրոմիութեան ներկայացուցիչ Մոգերինին խիստ մտահոգութիւն են յայտնել առհասարակ հակաիրան տարատեսակ ճնշումների հարցով, բայցեւայնպէս՝ ԱԳ նախարար Զարիֆը խիստ դժգոհել է Եւրոպայից, վերջնիս կողմից միջուկային համաձայնագրի խնդրով ստանձնած պարտաւորութիւնների նւազագոյն կատարման համար...:

...Ինչեւէ, պարզորոշ փաստը մնում է այն, որ Իրանը ոչ Սիրիա է եւ ոչ էլ Իրաք, իսկ ամէն կարգի սպառնալիք (դաշինքով, թէ առանց դաշինքի) իրանական պետութեանն ու ժողովրդին կրկնակիօրէն միասնական ու ամուր է դարձնելու:‎‎

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։