Հա

Օրակարգ

30/05/2019 - 13:20

Կրկնակի պարտաւորութիւն...

Յարգելի ընթերցող, պատմութիւնը եւ առհասարակ պատմական նշանակալի իրադարձութիւնները գնահատւում-արժեւորւում են նրանով նաեւ, երբ դրանք սերտելու եւ առաւել եւս՝ դրանցից դասեր առնելու ունակ է տւեալ պատմութեան կրող ժողովուրդը, ազգն ու պետութիւնը...:

Դ. Մ.

 

Յարգելի ընթերցող, պատմութիւնը եւ առհասարակ պատմական նշանակալի իրադարձութիւնները գնահատւում-արժեւորւում են նրանով նաեւ, երբ դրանք սերտելու եւ առաւել եւս՝ դրանցից դասեր առնելու ունակ է տւեալ պատմութեան կրող ժողովուրդը, ազգն ու պետութիւնը...:

Ահաւասիկ.-

20-րդ դարասկզբի հայ ազատագրական պայքարի առաջատար քաղաքական ուժերը՝ Հայ Յեղափոխական Դաշնակցութիւն եւ Սոցիալ Դեմոկրատ Հնչակեան կուսակցութիւնները 1906 թ. դեկտ. 15-ին, նոյն պայքարի միջնաբերդ հանդիսացող Ատրպատականում ստորագրում են մի համաձայնագիր, որով ՀԱՄԵՐԱՇԽ մթնոլորտում աշխատելու կոչով են հանդէս գալիս, որն աւարտւում էր հետեւեալ տողերով.-

«… Թող համերաշխութեան կոչը արձագանգ տայ ամենուրեք, ուր հայ սիրտ կայ՝ հայ ցաւի համար բաբախող եւ իւրաքանչիւրը աշխատի համերաշխութեան հիմքի առաջին քարը դնել… Մենք գնում ենք այդ ճանապարհով… Կեցցէ՛ Հայ Յեղափոխութիւն, կեցցէ՛ համերաշխութիւն»:

…. Գաղափարա-քաղաքական, ռազմավարական, թէ՛ մարտավարական ու ծրագրային դրոյթներով միմեանց հակոտնեայ, մրցակից երկու ազգային կուսակցութիւնները ՅԱՆՈՒՆ ԸՆԴՀԱՆՈՒՐ ՆՊԱՏԱԿԻ, դեռեւս աւելի քան մէկ դար առաջ, գերադասում են համերաշխ գործակցութիւնը: Իսկ դրա արդիւնքում՝

1- Անառիկ ու պաշտպանւած են մնում Ատրպատականի հայկական գիւղերն ու գաւառները՝ թուրքական ներխուժած բանակի ելուզակների յաճախակի յարձակումներից,

2- Յաղթական ընթացք է ունենում Պարսկաստանի սահմանադրական շարժումը, որին վճռորոշ դեր էր վերապահւած նոյն Ս.Դ.Հ.Կ.-ին ու ՀՅԴ-ին,

3- Զարգանում ու թռիչքային առաջընթաց է ապրում Ատրպատականի կրթա-մշակութային կեանքը՝ «Արամեան» կրթօջախի ծաղկումով, որտեղ էլ մինչ այդ միմեանց ՉՀԱՆԴՈՒՐԺՈՂ Դաշնակցական ու Հնչակեան մտաւորական-ուսուցչական կազմերը համերաշխօրէն գործակցում էին, ի խնդիր հայրենասէր ու զարգացող սերունդների դաստիարակման…

* * *

Սիրելի ընթերցող, այս օրերին, եւ ինչու ոչ անցնող մէկ տարւայ ընթացքում, Հայաստանի Հանրապետութիւնում օրախնդիր ու մշտարծած են եղել համերաշխութիւն, հանդուրժողականութիւն եւ նոյնիմաստ կարգախօսերը, մինչ այն աստիճան, որ անխտիր բոլոր ԶԼՄ-ներում ու յատկապէս հեռուստակայաններում բանավէճերի շարունակական թեմաների են վերածւել…:

Ճիշտ է, նոյն ՀՀ-ում սրանից մէկ տարի առաջ «Թաւշեայ յեղափոխութիւնը» եւ իշխանափոխութիւնը արդարացուցիչ հանգամանք են վերոնշեալ «համերաշխ» ու «հանդուրժողական» հասարակա-քաղաքական մթնոլորտի ձեւաւորման համար: Բայցեւայնպէս՝ այսօր եւեթ, ազգովի ու պետականօրէն առաջնակարգը՝ դա ընդհանուր նպատակի շուրջ (ազգային ու պետական անվտանգութիւն, Արցախեան հիմնահարց եւ սոցիալ-տնտեսական առաջընթաց) համախմբւելն ու իրական համերաշխութեան կեանքի կոչումն է:

Անկեղծ ասած, վերջերս նոյնինքն ՀՀ վարչապետի «Հայոց պատմութիւն» վերընթերցելու մասին յայտարարութիւնը մեծ խրախոյս է կարող լինել՝ պատմութիւնից դասեր առնողների համար...

Եւ եթէ հայ քաղաքական մտքի առաջատարները սրանից դեռ մէկ դար առաջ համերաշխութիւնը կենսագործելու ունակութիւն դրսեւորեցին, այսօր, սակայն, 21-րդ դար թեւակոխած հայն ու Հայաստանը կրկնակիօրէն պարտաւորութիւն ունեն կիրառել ու կենսագործել դա՝ վերարժեւորելով ու դասեր առնելով սեփական պատմութիւնից իսկ…:

Յարակից լուրեր

  • Գերագոյն նպատակի նոր փորձաքարը...
    Գերագոյն նպատակի նոր փորձաքարը...

    Ժողովուրդների ինքնաճանաչման ու ինքնահաստատման մնայուն երաշխիքը, յատկապէս որպէս ազգ-միաւոր, պետական անկախութիւնն է… հայութիւնն ու Հայաստան աշխարհը դա ճաշակում են արդէն 28 տարի՝ օրինաչափ վերիվայրումներով հանդերձ, որոնց մեկնակէտը, եւ ամենանշանակալին, նոյնինքն Անկախութեան վերանւաճումն էր՝ եօթ տասնամեակ անց:

  • Արցախեան կամքի արգասիքը...
    Արցախեան կամքի արգասիքը...

    Մեր ժամանակակից պատմութեան համազգային յաղթանակի արգասիք՝ Արցախի Անկախութեան 28-րդ տարեդարձն է այսօր:

  • «G7»-ից՝ «Ռոստոմ» դպրոց...
    «G7»-ից՝ «Ռոստոմ» դպրոց...

    Համաշխարհային խլացուցիչ լրահոսը ողողւած է «G7»-ի, Լիբանանի, Սիրիայի եւ Իրաքի դէմ իսրայէլական նոր արկածախնդրութիւնների, նոյն Սիրիայի դէմ թուրքական բանակայինների նոր ոտնձգութիւնների… եւ իհարկէ՝ իրանական միջուկային թղթածրարի ու դրանից բխող հակադարձ դիւանագիտական աճպարարութիւնների մասին գերքաղաքականացւած հաղորդումներով…

  • Մովսիսեան. «Կարեւորւել է Իրան-Հայաստան յարաբերութիւնների գծով երկու երկրների ԶԼՄ-ների դերը»
    Մովսիսեան. «Կարեւորւել է Իրան-Հայաստան յարաբերութիւնների գծով երկու երկրների ԶԼՄ-ների դերը»

    Երէկ, յունիսի 19-ի երեկոյեան, «Ալիք» օրաթերթ այցելեցին Հայաստանի Հանրապետութեան վարչապետի աշխատակազմի հանրային կապերի եւ տեղեկատւութեան կենտրոն ՊՈԱԿ-ի (Պետական ոչ-առեւտրային կազմակերպութիւնների) ղեկավար Յովհաննէս Մովսիսեանը եւ Երեւանի Պետական համալսարանի իրանագիտութեան ամբիոնի դասախօս Արմէն Իսրայէլեանը, գլխաւորութեամբ Իրանում ՀՀ արտակարգ եւ լիազօր դեսպան Արտաշէս Թումանեանի եւ դեսպանատան դիւանագիտական կազմի:

  • Թրամփի ժողովրդային «իմփիչմենտը»...
    Թրամփի ժողովրդային «իմփիչմենտը»...

    Օմանի ծովում երկու լցանաւերի պայթիւնները, ինչ խօսք, աշխատում են հակաիրան հռետորաբանութեան օգտին, որին լծւած են ինչպէս ԱՄՆ-ի թրամփեան վարչակազմը, նոյնպէսեւ՝ տարածաշրջանային ռազմական թէ՛ նաւթային խամաճիկները: Այս վերջինները նոյնիսկ պատերազմական իրավիճակների արդարացման կոչերով են շարունակում հանդէս գալ, յար եւ նման անցեալ ամիս Ս. Արաբիայում կայացած արաբական լիգայի հապճեպ ու անարդիւնաւէտ համաժողովի կոչերի...

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։