Հա

Օրակարգ

02/09/2019 - 14:10

Արցախեան կամքի արգասիքը...

Մեր ժամանակակից պատմութեան համազգային յաղթանակի արգասիք՝ Արցախի Անկախութեան 28-րդ տարեդարձն է այսօր:

Դ. Մ.

 

Մեր ժամանակակից պատմութեան համազգային յաղթանակի արգասիք՝ Արցախի Անկախութեան 28-րդ տարեդարձն է այսօր:

Իւրաքանչիւր հայի եւ մասնաւորաբար արցախցու համար ամենաանփոխարինելին համարւող նւաճւած Անկախութիւնը փայփայւել ու պահպանւել է արդէն մօտ 3 տասնամեակ, ի հեճուկս թուրք-ադրբեջանական եւ ինչու ոչ՝ արտաքին շահախնդիր միւս գործօնների նիւթւող տարատեսակ քաղաքականութիւնների…

Համազգային յաղթանակի յարատեւման գրաւականն, անշուշտ, նախեւառաջ արցախցու կամարտայայտութիւնն է եղել, ապա եւ՝ Հայաստանի ու Սփիւռքի հետ ԵՌԱՄԻԱՍՆՈՒԹԻՒՆ բանաձեւի առարկայացումը: Եւ սա լոկ սեփական ինքնագովութեան արտայայտութիւնն չէ…

Ահաւասիկ, վերջին տարիներին մի քանի տասնեակ արեւմտա-եւրոպական կազմակերպութիւնների ներկայացուցիչներ ինչպէսեւ՝ համաեւրոպական ինստիտուտների, յանձինս Եւրոխորհրդի ու դրա պառլամենտական ու իրաւա-քաղաքական միաւորների պատւիրակներ եւ ԱՄՆ կոնգրեսականներ, վկայակոչելով հէնց իրենց իսկ այդքան փայփայած ժողովրդավարութեան արժեհամակարգը, պատկառանքով են բարձրաձայնել ու զեկուցել Արցախում նոյնինքն Անկախութիւնն ամրապնդող՝ ժողովրդավարական բազմապիսի ընտրութիւնների օրինակելիութեան ու կայացւածութեան մասին:

…Այսպէս ասած՝ կիսապատերազմական համարւող Արցախի 28-ամեայ անկախութեան ամրապնդման ճամբին կամքի արտայայտութիւնն ոչ միայն ռազմա-քաղաքական, նպատակ է հետապնդել, այլեւ դրսեւորւել է ժողովրդավար հասարակարգ ձեւաւորել-կայացնելու սկզբունքային գործունէութիւն, որոնցով էլ աւելիով է ամրագրւել Արցախի համազգային արժէքի ու նշանակութեան միտք-գաղափարը՝ թէ՛ Հայ իրականութեան, եւ թէ՛ համաշխարհային ընտանիքի մտապատկերում…:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։