Հա

Օրակարգ

Չորեքշաբթի, 31 Դեկտեմբերի 2014 11:50

ԽՄԲԱԳՐԱԿԱՆ - Բարի մաղթանքներին զուգահեռ...

Երբ ուղիղ մէկ տարի առաջ, նոյն այս օրւան, 2014-ի նախօրեակին ողջ աշխարհը բարեաց մաղթանքների ընկալեալ տրամադրութիւններով էր դիմաւորման պատրաստւում այդ նոյն տարին ընդառաջելու, երեւի չէր էլ պատկերացնում, որ երրորդ հազարամեակի 14-րդ տարին ուղեկցւելու է չարեաց մեծագոյն եւ իրարայաջորդ արհաւիրքներով...

Երբ ուղիղ մէկ տարի առաջ, նոյն այս օրւան, 2014-ի նախօրեակին ողջ աշխարհը բարեաց մաղթանքների ընկալեալ տրամադրութիւններով էր դիմաւորման պատրաստւում այդ նոյն տարին ընդառաջելու, երեւի չէր էլ պատկերացնում, որ երրորդ հազարամեակի 14-րդ տարին ուղեկցւելու է չարեաց մեծագոյն եւ իրարայաջորդ արհաւիրքներով...
Միեւնոյն՝ 2014 թւականի ողջ ընթացքում 21-րդ դար թեւակոխած մարդկութիւնը վկան ու ականատեսը եղաւ երեւոյթ-իրադարձութիւնների, որոնք իրենց ձեւով ու էութեամբ անհամեմատ աւելի ցնցիչ ու անակնկալ էին, ի վնաս հէնց նոյն մարդկութեան:
Թւարկենք դրանցից գլխաւորները, որոնք օրաւուր զանգւածային լրատւացանցերի ամենատարբեր միջոցներով բզկտում-քայքայում էին մարդկային միտքը, ուղեղը, բթացնում՝ զգայարաններն ու զգացմունքները...
...Ահաւասիկ.-
- Ուկրայնական թէ՛ սիրիական ճգնաժամերը,
- Իսրայէլական վայրագութիւնները՝ Գազայում,
- Այսպէս ասած՝ նորայայտ «էբոլա» համաճարակը,
- Եւ այս ամենին զուգընթաց՝ քստմնելի ու դարձեալ նորայայտ «ԴԱԷՇ» երեւոյթը...
Ու դեռ բազմաթիւ չթւարկւած ձախորդ իրադարձութիւնները, համաշխարհային ընտանիքին ու մասնաւորապէս հասարակական-քաղաքական վերլուծաբան-փորձագէտներին ստիպեցին զուգահեռներ ուրւագծելու 100 տարի առաջ, 1914 թ.-ի Ա Աշխարհամարտի՝ որպէս կրկնօրինակ ու նախերգանք՝ 3-րդ աշխարհամարտի...:

* * *

Գալով ներազգային մեր մարտահրաւէրներին ու համազգային տարողութեամբ մտահոգութիւններին, մեզ համար եւս 2014 թւականը իր թախծալի կնիքով է դրոշմւում՝ Քեսաբի եւ առհասարակ սիրիահայ քաջարի եւ տոկուն համայնքի տագնապահար կացութեան ի տես:
Իբրեւ համազգային հիմնահարց, 2014-ը թէեւ կորստաբեր պահեր պարտադրեց Արցախեան ռազմաճակատում, բայցեւայնպէս՝ Հայաստանի Հանրապետութեան պաշտպանութեան նախարարի դիպուկ բնութագրմամբ՝ «Նորանոր հերոսների բացայայտմամբ» նոր յոյսեր ներշնչւեցին, որպէսզի չնսեմանայ հայի արդար ու սրբազան պայքարը:

* * *

Եւ ահա, 2015-ի այս նախօրէին, բարի մաղթանքներին զուգահեռ, պէտք է հէնց միեւնոյն՝ սիրիահայի տոկունութեամբ ու արծւաբոյն Արցախը պահպանող հայոց բանակի ամուր կամքով ընդառաջ գնանք ազգովի, մեր համազգային պայքարի ու 100-ամեայ պահանջատիրութեան տատասկոտ ու դժւարանցանելի ճանապարհը նորանոր նւաճումներով յաղթահարելու տեսլականով:

Յարակից Հրապարակումներ

Ամենաշատ ընթերցւած

Քւէարկութիւն

Ապրիլի 24-ի առիթով իր ելոյթում կարտասանի՞ արդեօք Թրամփը Հայոց Ցեղասպանութիւն եզրոյթը:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։