Հա

Օրակարգ

Երեքշաբթի, 10 Փետրւարի 2015 12:10

Վարդանանքի յարատեւ ոգով...

- Հայոց Առաքելական Եկեղեցու վարդապետութեանը կառչելով՝ հաւատարմութիւն ու այդ հաւատամքի նւիրականացումը՝ ԻՄԱՑԵԱԼ ՄԱՀՈՎ,
- Գերակշիռ ուժի դիմագրաւում՝ փոքրաթիւ, բայց ոգեղէն կամքով օժտւած ՆՒԻՐԵԱԼՆԵՐՈՎ,
- Ինքնիշխան ու ինքնուրոյն ապրելու, ազգային թէ՛ պետական անկախութեան տեսլականով ապագան երաշխաւորելու ԿԱՄԱՐՏԱՅԱՅՏՈՒԹԵԱՄԲ,

Վարդանանքը որպէս պատմական անկիւնադարձ, աւելի քան 15 դար, հայոց համար բազմիմաստ նշանակութեամբ է արժեւորւել.-
- Հայոց Առաքելական Եկեղեցու վարդապետութեանը կառչելով՝ հաւատարմութիւն ու այդ հաւատամքի նւիրականացումը՝ ԻՄԱՑԵԱԼ ՄԱՀՈՎ,
- Գերակշիռ ուժի դիմագրաւում՝ փոքրաթիւ, բայց ոգեղէն կամքով օժտւած ՆՒԻՐԵԱԼՆԵՐՈՎ,
- Ինքնիշխան ու ինքնուրոյն ապրելու, ազգային թէ՛ պետական անկախութեան տեսլականով ապագան երաշխաւորելու ԿԱՄԱՐՏԱՅԱՅՏՈՒԹԵԱՄԲ,
- Հոգեւորի ու աշխարհականի միմեանցից օտարումը բացառող ու հաւաքական-միասնական ոգի ցուցաբերելու քաջութեան, տոկունութեան եւ զոհաբերութեան ԱԶԳԱԿԵՐՏԻՉ օրինակներով...,
Ահաեւ՝ ՎԱՐԴԱՆԱՆՔԻ ու ՎԱՐԴԱՆԱՆՑԻ արժէքային համակարգը:
Համակարգ, որն դարերով հանդերձ իր անջինջ դրոշմն է թողել հայոց պատմութեան սրբամատեան իւրաքանչիւր էջի վրայ, որով սնւել-կրթւել են սերունդներ բազում...
Վարդանանքը դա՝ նոյնինքն հայոց ազգի լինելութեան, գոյատեւութեան եւ դրանց համար մաքառման ու պայքարելու ուղենշային հայեցակէտն է, հայի բնաւորութեան ու վարքագծային ընդգծւած յատկանիշը...,
Վարդանանքը հէնց որպէս այդպիսի արժէքային համակարգ ու հայեցակարգ, արդիական է եղել ու օրինաչափ՝ հետագայ դարերում ու պատմակերտ դրւագներում...
Վկան՝ Վարդանանքներից յետոյ իսկ մեր պանծալի յաղթանակները, թէկուզեւ՝ առանց պետական կարգուսարքի, բայցեւ ազգի ու փոքր ածուի գոյատեւմամբ:
Վկան՝ հէնց մեր անցած դարի սկզբում ու վերջաւորութեան Մայիսեան Սարդարապատներով հերոսապատումներն ու Փետրւար 18-եան խոյանքները եւ Արցախեան փառահեղ սխրանքները, բոլորն էլ ակունքւած՝ Վարդանանքների ոգուց, գաղափարից, տեսիլքից:
Ու նոյն Վարդանանքների ոգով օժտւած-կոփւած՝ ընդառաջ ենք գնում համազգային մեր նորագոյն պահանջատիրութեան 100-ամեայ երթը նորանոր յաղթանակներով յարատեւելու վճռակամութեամբ...:

Յարակից Հրապարակումներ

Ամենաշատ ընթերցւած

Քւէարկութիւն

Արժանի՞ էր արդեօք Ռոնալդուն տարւայ լաւագոյն ֆուտբոլիստի կոչմանը:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։