Հա

Օրակարգ

19/03/2015

Ապրիլեան ապրումների մտասեւեռմամբ...

Երկշաբաթեայ ճարահատեալ արձակուրդը մեզ ժամանակաւորապէս «անհաղորդ» է դարձնելու թանկագին ընթերցողի հետ:
Մեր այս՝ 22161-րդ համարով ենք բոլորում «Ալիք»-ի 84-ամեակը (մարտի 22, 1931-մարտի 19, 2015), իսկ յաջորդ՝ 2016-ի մարտին մեր ստւար ու գիտակից ընթերցողների նեցուկով ու աջակցութեամբ ընդառաջ ենք գնալու 85-րդ հանգրւան՝ լիցքաւորւած-կուտակած վիթխարի փորձառութեամբ:

ԽՄԲ.


Երկշաբաթեայ ճարահատեալ արձակուրդը մեզ ժամանակաւորապէս «անհաղորդ» է դարձնելու թանկագին ընթերցողի հետ:
Մեր այս՝ 22161-րդ համարով ենք բոլորում «Ալիք»-ի 84-ամեակը (մարտի 22, 1931-մարտի 19, 2015), իսկ յաջորդ՝ 2016-ի մարտին մեր ստւար ու գիտակից ընթերցողների նեցուկով ու աջակցութեամբ ընդառաջ ենք գնալու 85-րդ հանգրւան՝ լիցքաւորւած-կուտակած վիթխարի փորձառութեամբ: Փորձառութիւն, որն ինչպէս միշտ՝ ի սպաս ենք դնելու մամլոյ մեր առաքելութեան արդարացման ու պարտաւորութիւնների կեանքի կոչման:
Այդ ճամբին, ինչ խօսք՝ ջանադիր ենք լինելու նւազագոյնի հասցնել խուսափելի թէ՛ անխուսափելի վրիպում-սայթաքումները, որոնք երբեւէ չեն վրիպւում մեր աչալուրջ ու անաչառ ընթերցողի հայեցողութիւնից:
Մենք, սիրելի ընթերցող, դեռեւս քաջ գիտակցում եւ համոզւածութեամբ կառչած ենք մնում սրանից 84 տարի առաջ իսկ, «Ալիք»-ի առաջին խմբագրականում բարձրաձայնած, բայց դեռեւս արդիական հնչող սկզբունք-փաստին, ըստ որի.- «.... Գիտենք եւ այն, որ ո՛չ մի հայ հրապարակագիր չի պսակւել մեզանում դափնիներով...»:
Մեր դափնեպսակները, ահաւասիկ, Հայաստանի թէ՛ Իրանի ազգային գրադարաններում-մատենադարաններում խնամքով պահւող ու թւայնացւող 84-ամեայ «Ալիք»-ների հաւաքածոներն են, որոնք անտարակոյս գալիք տարիներում ու տասնամեակներում ծառայեցւելու են անաչառ պատմաբանների հետազօտութիւններին ու ուսումնասիրութիւններին՝ ի շահ իրանահայ բազմադարեայ, հինաւուրց եւ ամենահայաստանամերձ համայնքի:
Այս մտորումներով ու գարնանային ջինջ ու վերանորոգ լիցքերով կարճատեւ դադար ենք տալիս թանկագին ընթերցողների հետ երկուստեք հաղորդակցութեանը՝ նախապատրաստւելու համար ապրիլեան խորախորհուրդ ապրումները միասնաբար կեանքի կոչելու մտասեւեռմամբ:

Յարակից լուրեր

  • 23000-րդ «Ալիք»-ը...
    23000-րդ «Ալիք»-ը...

    Թանկագին ընթերցող-բարեկամ. այսօրւայ թւագրւած համարով «Ալիք»-ը 23000-րդ անգամը լինելով այցելում է Ձեզ…

    Այլ խօսքով՝ իրանահայ հինաւուրց գաղթօջախի ամենաերկարակեաց ու անընդմէջ հրատարակւող թերթն, ահա, թեւակոխել է իր կենսագրութեան 88-րդ հանգրւան:

  • «Ալիք»-ը ձեռք է բերել նոր օֆսեթ մամլիչ մեքենայ
    «Ալիք»-ը ձեռք է բերել նոր օֆսեթ մամլիչ մեքենայ

    Սպասողական երկար-բարակ վիճակը չի փոխւում տհաճութեան միայն այն ժամանակ, երբ գործի մեկնարկին հարկաւոր յամառութիւն ու կամք ես դրսեւորում:

  • Երբ ստւերն անգամ ջերմացնում է հոգիդ
    Երբ ստւերն անգամ ջերմացնում է հոգիդ

    Խօսքը՝ Ժորժի եւ Արմէնի մասին է-, «Ալիք»-ի վերջին 30-40 տարիներին ստւերի մէջ տքնող խոնարհ հերոսների, որոնց մերօրեայ դիտանկիւնից նայելով, կարելի  է հիմնասիւներ անւանել:

    Արմէն Դաւթեանը՝ «Ալիք»-ի անխոնջ ու նւիրւած ոճաբան-սրբագրիչը երեք տարի առաջ անժամանակ մեզանից հեռացաւ ճիշտ այսօր՝ հոկտեմբերի 22-ին: 

  • Եւ ահա մենք
    Եւ ահա մենք

    Հիմա, արդէն կարող ենք լիաթոք ասել՝ ԵՒ ԱՀԱ ՄԵՆՔ:

    Արդէն մէկ շաբաթ է, ինչ Ձեր դատին է յանձնւած «ԱԼԻՔ»-ի նոր կայքը:

  • Խօսքը գործի վերածելու կամքով...
    Խօսքը գործի վերածելու կամքով...

    Հայաստանի Ազգային Օլիմպիական կոմիտէի (նախագահ Գագիկ Ծառուկեանը գլխաւորելով մի պատւիրակութիւն, մօտ օրերս այցելելու է Թեհրան:
    Պրն. Ծառուկեանը այցելութեան ընթացքում բացի Համահայկական խաղերի բացման հանդիսութեանը մասնակցելուց եւ Իրանի Օլիմպիական կազմակերպութեան պատասխանատուների հետ հանդիպելուց, այցելելու է ազգային առաջնորդարան՝ հանդիպելով պատկան մարմինների ներկայացուցիչների հետ:

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։