Հա

Օրակարգ

27/04/2015 - 13:50

Ազգային-պետական հզօրանքի տեսլականով...

Հայոց պահանջատիրական պայքարի 100-րդ տարելիցի կիզակէտային տասնօրեակի մի շարք աննախադէպ իրադարձութիւններ հիմք են տալիս գնահատելու նոյն պահանջատիրական պայքարի բեկումնային, հետաբաւար եւ՝ վճռորոշ փուլ թեւակոխելու հանգամանքի մասին:

Հայոց պահանջատիրական պայքարի 100-րդ տարելիցի կիզակէտային տասնօրեակի մի շարք աննախադէպ իրադարձութիւններ հիմք են տալիս գնահատելու նոյն պահանջատիրական պայքարի բեկումնային, հետաբաւար եւ՝ վճռորոշ փուլ թեւակոխելու հանգամանքի մասին:
1- Վերոգրեալ տասնօրեակի մեկնարկը, իր համաշխարհային տարողութեամբ, հանդիսացաւ նախ՝ Ֆրանցիսկոս Պապի աննախադէպ պատարագը՝ Վատիկանեան Մայր տաճարում, երբ ոգեկոչելով 1,5 միլիոն հայ նահատակների յիշատակը, խիզախութիւն դրսեւորեց (ի համեմատ աշխարհական ու ոչ-հոգեւոր, քաղաքական ղեկավարների), երբ 20-րդ դարի Առաջին Ցեղասպանութիւնը կոչեց ու դատապարտեց իր իսկական անւամբ, փաստելով, թէ միշտ չէ, որ համամարդկային-բարոյական արժէքները տեղի են տալիս քաղաքական-դիպլոմատիկ լարախաղացութիւններին:
2- Միջազգային եւ քարոզչական աննախադէպ տարողութեամբ հայի, Հայաստանի, եւ հայոց պահանջատիրութեան նորովի արծարծման գործօն-ազդակ հանդիսացաւ նոյնինքն Քարդաշեանների՝ հարազատ ակունքներն ու արմատները վերաիմաստաւորելու նպատակով՝ Հայաստանեան այցելութիւնը:
3- Նոյն այդ տասնօրեակի ընթացքում աննախադէպ ու ծանրակշիռ իրողութիւն էր՝ համաշխարհային ամենահեղինակաւոր լրատւա-հեռուստացանցերի անդրադարձը՝ Հայոց 100-ամեայ պահանջատիրութեանը, Հայաստանի Հանրապետութեան նախագահի հետ հարցազրոյցների ընդիմիջից:
4- Հայոց նորագոյն պատմութեան մէջ նոյնքան աննախադէպ՝ համահայկական պատկառելի ՀՌՉԱԿԱԳԻՐ-ի ոգով ու պետական վարակիչ շունչով Ծիծեռնակաբերդի Ապրիլ 24-եան դիմաւորումն էր, եւ դրան նախորդող՝ ապրիլի 23-ին նոյնքան աննախադէպ (400-ամեայ ընդիմիջումից յետոյ) Հայոց Ցեղասպանութեան նահատակների Սրբադասման արարողութիւնը, որոնք իրաւամբ մեծ խթան հանդիսացան՝ համազգային կեցւածքի ու հաւաքական ուժի գիտակցմանն ու անշրջելի գործարկմանը՝ ի տես համաշխարհային ընտանիքի:
5- Եւ վերջապէս վերոգրեալների որպէս արգասիք՝ հայաշխարհի՝ Հայաստան, Արցախ, Ջաւախքից մինչեւ Մոսկւա, Ստամբուլ, Փարիզ, Բէյրութ, Թեհրան եւ Լոս Անջելէս ու դեռ նոյնինքն աղէտեալ Հալէպ, միլիոնաւոր հայորդիներ իրենց հաւատարմութեան անջնջելի դրոշմը թողեցին մեր համազգային պահանջատիրութեան միասնական ուղեգրութեան վրայ, համոզւած՝ գալիք յաղթանակների անխուսափելիութեանը:
Յաղթանակներ, որոնց երաշխաւորն ու կենսատու աղբիւրը պէտք է հանդիսանայ հայաշխարհի կիզակէտ Հայաստան Հայրենին՝ ազգային ու պետական հզօրանքի տեսլականով:

Յարակից լուրեր

  • Հայաստան սփիւռք յարաբերութիւնների հոլովոյթը
    Հայաստան սփիւռք յարաբերութիւնների հոլովոյթը

    Մեր մանկա-պատանեկան տարիներին, Հայաստանը Սովետական երկաթեայ վարագոյրից ներս գտնւելու բերումով, մեզ համար մանկական հեքիաթների նման, համարւում էր եօթն սարերի հետևում անգտանելի մի աշխարհի որի կարօտը միշտ զգում էինք և ճար ու դարման էլ չունէինք մեր կարօտին յագուրդ տալու: Առաւել մեզ խեղճ էինք զգում, ի տես մեր բնակարաններում պատերից կախւած և կամ արծաթեայ մի քանի սպասների վրայ քանդակւած, Մայր Հայաստանի պատկերը, տխուր ու տրտում դէմքով, ձեռքը ծնօտին՝ Հայաստանի աւերակների վրայ նստած:

  • Հայաստան-Սփիւռք յարաբերութիւնների հոլովութը
    Հայաստան-Սփիւռք յարաբերութիւնների հոլովութը

    Մեր մանկա-պատանեկան տարիներին, Հայաստանը Սովետական երկաթեայ վարագոյրից ներս գտնւելու բերումով, մեզ համար մանկական հեքիաթների նման, համարւում էր եօթն սարերի հետեւում անգտանելի մի աշխարհի, որի կարօտը միշտ զգում էինք եւ ճար ու դարման էլ չունէինք մեր կարօտին յագուրդ տալու: Առաւել մեզ խեղճ էինք զգում, ի տես մեր բնակարաններում պատերից կախւած եւ կամ արծաթեայ մի քանի սպասների վրայ քանդակւած, Մայր Հայաստանի պատկերը, տխուր ու տրտում դէմքով, ձեռքը ծնօտին՝ Հայաստանի աւերակների վրայ նստած:

  • Արցախը Հայաստանի անվտանգութեան թիկունքն է
    Արցախը Հայաստանի անվտանգութեան թիկունքն է

    Ինչպէս Սօս Սարգսեան ըսած է, «Ձեզի համար Ղարաբաղը հողատարածք է, մեզի համար հայրենիք է»: Պատմական ճշմարտութիւն եւ քաղաքական տրամաբանութիւն կայ այս հաստատումին մէջ։

    Եւ կայ աւելին։ Արցախի պահպանումը աշխարհաքաղաքական պարտադրանք է ու հայրենիքի անվտանգութեան ճիշդ ռազմավարութեան հրամայականն է։ 

  • «Ալ Ջազիրա»-ն անդրադարձել է Երեւանում բնակւող սիրիահայ փախստական ոսկերչի կեանքի պատմութեանը
    «Ալ Ջազիրա»-ն անդրադարձել է Երեւանում բնակւող սիրիահայ փախստական ոսկերչի կեանքի պատմութեանը

    Հեղինակաւոր «Ալ Ջազիրա» լրատւամիջոցն անդրադարձել է Սիրիայում ընթացող քաղաքացիական պատերազմի սկզբում Հալէպից Երեւան տեղափոխւած 31-ամեայ ոսկերիչ Վահէ Յովհաննիսեանի կեանքի պատմութեանը:

  • Թող Իսրայէլը ԱԹՍ վաճառի Ադրբեջանին. Փաշինեանը չի փչացնի յարաբերութիւնները Իրանի հետ
    Թող Իսրայէլը ԱԹՍ վաճառի Ադրբեջանին. Փաշինեանը չի փչացնի յարաբերութիւնները Իրանի հետ

    Իսրայէլի պաշտպանութեան նախարարութիւնը թոյլ է տւել «Aeronautics Defense Systems Ltd» ընկերութեանը վերսկսել Ադրբեջանին «Orbiter 1K» մարտական անօդաչու-կամիկաձեներ առաքելը։ Պաշտօնատար անձինք շարունակում են մնալ պատժամիջոցների տակ, բայց ընկերութիւնն այսուհետ ազատ է իր գործողութիւններում։ Տարօրինակ ոչ մի բան չկայ, որ նման որոշում ընդունւել է հէնց այս ժամանակահատւածում։ 

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։