×

Զգուշացում

JUser: :_load: Հնարավոր չէ բեռնել օգտվողին այս ID-ով՝ 42
Print this page
27/07/2015

Պատմական փորձի թելադրանքը...

Լիսբոնի սխրա՜նք, Լիսբոնեան հերոսութի՜ւն,- ահա, այդպիսին բնութագրւեց արդարատենչ հինգ մարտիկների անձնւիրութիւնը, որն հայոց պահանջատիրութեան ոգին կրկնակի կոփելու հետ միաժամանակ, գալիս էր սասանելու թուրքական ժխտողականութիւնը եւ փշրելու նոյն ոգու դէմ տասնամեակներ կանգնեցւած ու անխորտակ թւացող լռութեան պատնէշը:

1983 թւականի յուլիսի 27-ը հայութեան եւ յատկապէս յաջորդական սերունդների ու գաղափարապաշտ երիտասարդութեան հաւաքական յիշողութեան մէջ առյաւէտ մնալու է, որպէս առհաւատչեայ:
Լիսբոնի սխրա՜նք, Լիսբոնեան հերոսութի՜ւն,- ահա, այդպիսին բնութագրւեց արդարատենչ հինգ մարտիկների անձնւիրութիւնը, որն հայոց պահանջատիրութեան ոգին կրկնակի կոփելու հետ միաժամանակ, գալիս էր սասանելու թուրքական ժխտողականութիւնը եւ փշրելու նոյն ոգու դէմ տասնամեակներ կանգնեցւած ու անխորտակ թւացող լռութեան պատնէշը:
Աւելի քան 3 տասնամեակ առաջւայ հայ յեղափոխականի սխրանքը իրաւամբ հանդիսացաւ նոյն թւականից 86 տարի առաջ հայ ֆիդայիների Խանասորեան սրաթռիչ արշաւանքի եւ արդէն սրանից 91 տարի յետոյ՝ 1988 թ.-ի Արցախեան ազատագրական պայքարի ոսկեայ շղթան զօդելու օղակը: Իսկ այդտեղից էլ, ահա, ծնւեց «Խանասորից՝ Լիսբոն, Լիսբոնից՝ Արցախ» գաղափարային կարգախօսը, որի հէնքի վրայ էլ անկախութիւն նւաճող հայ ազատամարտիկները դարավերջը պսակեցին յաղթանակած, պատրաստ՝ թեւակոխելու 3-րդ հազարամեակ:

* * *

Մերօրեայ բարդագոյն ժամանակաշրջանի բազմապիսի՝ պետական թէ՛ ազգային ոլորտներ ընդգրկող հիմնահարց-դժւարութիւնները հէնց ազգովի յաղթահարելու օրինաչափութիւնը, ինչ խօսք՝ պատմական փորձի թելադրա՛նք է: Իսկ պատմական փորձաքարերը (կրկին հաւաքական յիշողութեան օրինաչափութեամբ) մեզ յուշում են, որ յաղթանակները երաշխաւորւած են եղել մշտապէս՝ պայքարի ոգու առկայծումով ու կամքի համարձակ արտայայտութեամբ, որոնց հետ էլ հաշւի են նստում այդ նոյն ոգին ու կամքը խամրելու միտող բնական թէ՛ արհեստածին ուժերն ու չարիքները:
Յաւերժ փառք՝ չարիքը խորտակող լիսբոնեան սխրագործութեան,
Յարգանք՝ Լիսբոնի 5 հերոսներով վերանւիրականացւած գաղափարային ՀԱՒԱՏՈՅ ՀԱՆԳԱՆԱԿԻՆ...:

Յարակից լուրեր