Հա

Օրակարգ

31/12/2015 - 11:30

2015 թւականը՝ միասնականութեան դարձակէտ...

2015 թւականը հայոց համար իրաւամբ հանդիսացաւ համախմբութեան, միասնականութեան ու համահայկականութեան դարձակէտ:
Դեռեւս մինչ 2015 թւականն էր հայաշխարհը ճշտորոշել՝ թիրախային վերոգրեալ նպատակների ընդմիջից ցուցադրել իր համազգային կամքը՝ դրոշմելու դա պետական ընդգծւած կնիքով:

2015 թւականը հայոց համար իրաւամբ հանդիսացաւ համախմբութեան, միասնականութեան ու համահայկականութեան դարձակէտ:
Դեռեւս մինչ 2015 թւականն էր հայաշխարհը ճշտորոշել՝ թիրախային վերոգրեալ նպատակների ընդմիջից ցուցադրել իր համազգային կամքը՝ դրոշմելու դա պետական ընդգծւած կնիքով:
2015-ը, ահա, չբնորոշւեց հայի համար՝ զուտ հայաստանեան կամ լոկ Սփիւռք-արտերկրային բաժանարար հատւածների պատրանքներով..., քանզի համընդհանուր առաջնային օրակարգը դա ողջ ազգի միասնակամ ու միահամուռ պահանջատիրութեան ոգորումն էր: Եւ նոյն կամարտայայտութեան արդիւն քում էր, որ ի չիք դարձան Հայ Դատը կուսակցապատկանութեամբ բնորոշելու սովետախտային հնաբոյր աճպարարութիւնները, որոնք, ինչքան էլ զաւեշտալի, համահունչ են ընթացել տասնամեակներ շարունակ ցեղասպան Թուրքիայի պետական հայատեաց ու հայաստանատեաց քաղաքականութեանը:
Հետեւաբար, 2015 թւականը գնահատել-ամփոփելու մէկ ու միակ հանգամանքը, դա՝ հայկական հաւաքական կամքի, հաւաքական մտքի ու հաւաքական պայքարի բնութագիրն է, որի խտացեալ դրսեւորումը հանդիսացաւ 2015 թւականի յունւարի 29-ի Հայաստանի Հանրապետութեան պետական ամենաբարձր ամբիոնից հնչեցւած՝ Համազգային իրաւատիրական Հռչակագիրը՝ Հայոց Պահանջատիրութեան 100-րդ տարելիցի շեմին:
Հռչակագիր, որ համաշխարհային ընտանիքի կողմից յարգանքի արժանացրեց բովանդակ հայութեան արդարահատոյց դատը, սկսած Վատիկանեան քահանայապետ՝ Ֆրանցիսկոս Պապից, մինչեւ Ծիծեռնակաբերդեան աննախադէպ միջազգային վերաբերմունք, եւ ընդհուպ՝ աշխարհի տարբեր մայրաքաղաքներում նշանաւորւող վիթխարի ցուցական, քարոզչական ու համացանցա-տեղեկատւական արձագանգներ:
Մէկ խօսքով՝ սեփական ազգի գիտակցական ինքնարժեւորումն ինքնագնահատումը անտարակուսօրէն յանգեցրեց ողջ մարդկութեան կողմից ցուցաբերւող յարգանքին ու գնահատանքին:
Դա էր, որ ազգովի վաստակեցինք 2015 թւականին: Եւ դա է, որ պարտաւորեցնում է դարձեալ ազգովի տէր կանգնել այդ հզօր դրամագլխին՝ միւս, եւ նոյնքան կարեւոր ճակատներում նորանոր յաղթանակներ նւաճելու համար:
Ուրեմն, համազգային վերանորոգ զօրաշարժ՝ ի խնդիր Հայաստան-Արցախ-Սփիւռք Եռամիասնութեան օրաւուր ամրապնդման:

Յարակից լուրեր

  • Ժողովրդավարութեան գերեզմանափորները. դեռ ուշ չի դէմքը փրկելու համար
    Ժողովրդավարութեան գերեզմանափորները. դեռ ուշ չի դէմքը փրկելու համար

    Հրապարակախօս, լրագրող Վահան Իշխանեանն իր ֆէյսբուքեան էջում գրում է.

    «Այն քաղաքական ու հասարակական գործիչները, ովքեր վարչապետ Նիկոլ Փաշինեանի կոչով դատարանների մուտքերը փակեցին կամ ողջունեցին այն, չդիմացան այն փորձութեանը, որով պարզւեց, որ նրանք կայուն համոզմունքներ չունեն ժողովրդավարութեան եւ մարդու իրաւունքների վերաբերեալ, եւ իրենց առաջնորդի մատի շարժումով կարող են վերածւել ժողովրդավարութեան գերեզմանափորների։

  • Ժողովրդավարութեան տապալում
    Ժողովրդավարութեան տապալում

    Ժողովրդավարութիւնը մի համակարգ է որում իշխանութիւնը պատկանում է ժողովրդին, որի կառավարումը իրականացւում է ժողովրդի հանրաքւէով հաստատւած սահմանադրութեան սկզբունքների հիման վրայ, կառավարող մարմինների համար պարբերաբար անցկացւող ազատ ու արդար ընտրութիւններով ժողովրդի ընտրեալների միջոցով, ոչ թէ փողոցում մութ նպատակների համար հաւաքւած մի խումբ՝ խուլիգանների:

  • «Հնարաւոր է` Փաշինեանը նախապէս մեղքը գցում է ղարաբաղցիների վրայ». «Minval.az»-ի յօդւածը
    «Հնարաւոր է` Փաշինեանը նախապէս մեղքը գցում է ղարաբաղցիների վրայ». «Minval.az»-ի յօդւածը

    Ադրբեջանական «Minval.az» պարբերականը յօդւած է հրապարակել` անդրադառնալով երէկ Հայաստանում տեղի ունեցած իրադարձութիւններին եւ ՀՀ վարչապետ Նիկոլ Փաշինեանի` դատական համակարգի փոփոխութեան մասին ելոյթին:

  • «Իրատես». «Ո՞ւմ մտքով կանցներ, որ յանուն հայրենիքի ռազմաճակատ մեկնած մարդու հետեւից 2.5 տասնամեակ անց «թուրք» կարող են վանկարկել ու թքել նրա վրայ»
    «Իրատես». «Ո՞ւմ մտքով կանցներ, որ յանուն հայրենիքի ռազմաճակատ մեկնած մարդու հետեւից 2.5 տասնամեակ անց «թուրք» կարող են վանկարկել ու թքել նրա վրայ»

    «Իրատես» թերթը գրում է. ««Ո՞ւմ մտքով կանցներ, որ յանուն հայրենիքի ռազմաճակատ մեկնած մարդու ետեւից երկուսուկէս տասնամեակ անց «թուրք» կարող են վանկարկել ու թքել նրա վրայ: Ո՞վ կարող էր պատկերացնել, որ մի բուռ ժողովրդին կարող են սեւերի ու սպիտակների, յեղափոխականների ու հակայեղափոխականների բաժանել ու թոռների հետ զբօսանքի դուրս եկած ազատամարտիկին` ՀՅԴ-ական Հրանտ Մարգարեանին, յարձակման թիրախ դարձնել օրը ցերեկով՝ երեխաների աչքի առջեւ:

  • «Ղարաբաղը զգում է՝ իր մէջքի հետեւում ինչ-որ բան է կատարւում»․ «168 Ժամ»
    «Ղարաբաղը զգում է՝ իր մէջքի հետեւում ինչ-որ բան է կատարւում»․ «168 Ժամ»

    «168 ժամ»-ը գրում է․ «Ցանկացած յեղափոխութիւն ունի իր ժանրը, իր էպիզոդները՝ արտաքին թշնամի, դաւադրութիւններ, եւ այլն։ Այսինքն՝ այս կերպ գործում է այն իշխանութիւնը, որը նպատակ ունի ոչ թէ լուծել համահասարակական խնդիրները, այլ պահել իր ազդեցութիւնը։ Նիկոլ Փաշինեանը, մէկ տարի է՝ իշխանութիւն է, դատական համակարգն իշխանութեան ամենակարեւոր ճիւղերից մէկն է, եւ այդ ոլորտում բարեփոխումները պէտք է նախաձեռնւէին ամենաառաջին հերթին։

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։