Հա

Օրակարգ

23/07/2016 - 12:30

Ելք կայ

Վեցերորդ օրն է, ինչ Հայաստանի քաղաքացիներն ու հայութիւնը նոր փորձութեան առաջ են: Զէնքի ուժով քաղաքական փոփոխութիւններ են պահանջում մի խումբ մարդիկ, ովքեր քաղաքական պայքարի մեթոդներն ու ձեւերը չեն ընդունում: Առկայ է փակուղային իրավիճակ, առկայ է մտածողութեան ճգնաժամ: Որ մտածողութիւնը կը յաղթի, ինչ հանգուցալուծում կունենանք, սրանից է կախւած երկրի հետագայ ընթացքը:

ՀՅԴ Հայաստանի ԳՄ-ն յայտարարութեամբ է հանդէս եկել


Վեցերորդ օրն է, ինչ Հայաստանի քաղաքացիներն ու հայութիւնը նոր փորձութեան առաջ են: Զէնքի ուժով քաղաքական փոփոխութիւններ են պահանջում մի խումբ մարդիկ, ովքեր քաղաքական պայքարի մեթոդներն ու ձեւերը չեն ընդունում: Առկայ է փակուղային իրավիճակ, առկայ է մտածողութեան ճգնաժամ: Որ մտածողութիւնը կը յաղթի, ինչ հանգուցալուծում կունենանք, սրանից է կախւած երկրի հետագայ ընթացքը: Այս իրադրութեան մէջ իւրաքանչիւրը՝ անհատ, թէ հասարակական-քաղաքական խմբաւորում պարտաւոր է յստակ դիրքորոշում ունենալ:
Ոստիկանական զօրամասի գրաւումից ժամեր անց, երբ դեռ յայտնի չէր, որ գնդապետ է զոհւել, Հ. Յ. Դաշնակցութիւնը արտայայտել է իր դիրքորոշումը՝ այո, անհրաժեշտ են որակական փոփոխութիւններ, բայց ծայրայեղական մտածողութիւնը ոչ թէ մօտեցնում, այլ հեռացնում է այդ փոփոխութիւնները:
Զէնքով, բռնութեամբ, պատանդներով եւ ահաբեկչութեամբ հարցեր չեն լուծւելու: Նպատակն ինքնին չի արդարացնում միջոցները:
Ով հակառակն է մտածում կամ աջակցում է այդպէս մտածողներին, ուղղակի բացառում է ուժեղ, կազմակերպւած, ազատ երկիր ունենալու հեռանկարը: Պատրանք ստեղծելով, թէ պայքարում են լաւ իշխանութեան, լաւ Հայաստանի համար, իրականում ոչնչացնում են Հայաստանը:
Այն պնդումները, թէ մեր երկրի ծանր իրավիճակը փոխելու այլ ելք չի մնացել կեղծ են ու մտացածին:
Ելք կայ: Բայց, այդ ելքը պահանջում է աշխատանք, գիտակից կազմակերպւածութիւն, ազատ քաղաքացիների համախմբում, հետեւողական պայքար մեզ թուլացնող բոլոր երեւոյթների դէմ, ինչի հիմքերը դժւարութեամբ, բայց ստեղծւում են:
Հայհոյանքը, թշնամանքը, ատելութիւնը, բռնութիւնը, ժողովրդի արդարացի ակնկալիքներն ու դժգոհութիւնը անտեսելը միշտ պառակտում ու ոչնչացնում են հայութեան հաւաքական ներուժը: Արդիւնքում քառօրեայ պատերազմից յետոյ ստեղծւած մեր աներեւակայելի համազգային համախմբումը այսօր լրջօրէն վտանգւած է:
Ճշմարտութիւնը միշտ դառն է, բայց այն չասելը անպատասխանատւութիւն է ու անողնաշարութիւն:
Հոկտեմբերի 27-ից, մարտի 1-ից յետոյ երրորդ հարւածն է հասցւել մեր պետականութեանը: Վտանգ կայ, որ նորից տարիներ ենք կորցնելու, ինչը յղի է ներքին ու արտաքին կեանքում նոր կորուստներով: Չհասկանալ սա, չդատապարտել կատարւածը, նշանակում է ջուր լցնել մեր թշնամիների ջրաղացին:
Հ. Յ. Դաշնակցութիւնը ձտգում է իրավիճակի բացառապէս խաղաղ հանգուցալուծման, անթոյլատրելի է համարում նոր արիւնահեղութիւնը, իրաւապահ մարմիններից պահանջում է արհեստավարժութիւն, պահանջում է յարգել օրինապահ քաղաքացիների իրաւունքներն ու արժանապատւութիւնը, վճռականօրէն դատապարտում է պայքարի ոչ-քաղաքական մեթոդներն ու ծայրայեղական մտածողութիւնը:
Մենք կարող ենք եւ ունենալու ենք ուժեղ, ազատ, բարեկեցիկ Հայաստան: Այդ ճանապարհին պարտաւոր ենք ձեւաւորել եւ նոր որակի իշխանութիւն: Այդ ճանապարհը մենք անցնելու ենք այս արժէքներով ու գիտակցութեամբ առաջնորդւող հասարակութեան լայն շրջանակների հետ:

Հ. Յ. Դաշնակցութեան
Հայաստանի Գերագոյն մարմին

Յարակից լուրեր

  • «Փաշինեանի ելոյթի բառերից անգամ 37 թւի հոտ էր գալիս». Աւետիք Չալաբեան
    «Փաշինեանի ելոյթի բառերից անգամ 37 թւի հոտ էր գալիս». Աւետիք Չալաբեան

    «Ազգային օրակարգ» կուսակցութեան համահիմնադիր Աւետիք Չալաբեանը ֆէյսբուքեան իր էջում գրում է. 

  • Բաքուն կրկին զօրավարժութիւններ է անցկացնում. ի՞նչ սցենարով է առաջնորդւում հակառակորդը
    Բաքուն կրկին զօրավարժութիւններ է անցկացնում. ի՞նչ սցենարով է առաջնորդւում հակառակորդը

    Ադրբեջանը կանցկացնի հերթական զօրավարժութիւնները, այս տարի հաշւով արդէն երրորդը։ Առաջին անգամ զօրավարժութիւններն անցկացւեցին մարտին, մայիսի սկզբին տեղի ունեցան Թուրքիայի հետ համատեղ մարզումները: Այժմ Բաքուն յայտարարեց նոր զօրավարժութիւնների մասին, որոնք կը կայանան մայիսի 20-24-ը։

  • Երբ բացակայում է փոխվստահութիւնը
    Երբ բացակայում է փոխվստահութիւնը

    Մարդիկ, որ մի քանի ամիս առաջ ՀՀ երկրորդ նախագահ Ռոբերտ Քոչարեանի կալանաւորումը համարում էին քրէական հետապնդում, այսօր արդէն հանգիստ խղճով խօսում են այն մասին, որ Քոչարեանի նկատմամբ խափանման միջոցի փոփոխութիւնը քաղաքական որոշում է: Այդ մարդկանց մտածողութեան մէջ տեղի ունեցած ակնյայտ տրանսֆորմացիան, թերեւս, կարելի է բացատրել նրանց քրոնիկ փոփոխամտութեամբ, իսկ ոմանց պարագայում էլ նոյնիսկ ակնյայտ տգիտութեամբ:

  • «Արցախի հարցում 3 սկզբունքների առումով հայկական կողմը որեւէ վերապահութիւն ունենալու պատճառ չունի». Շահան Գանտահարեան
    «Արցախի հարցում 3 սկզբունքների առումով հայկական կողմը որեւէ վերապահութիւն ունենալու պատճառ չունի». Շահան Գանտահարեան

    Արցախի՝ բանակցային սեղան վերադառնալու վարչապետ Նիկոլ Փաշինեանի յայտարարութիւնների, բանակցային սեղանին դրւած 3 սկզբունքների եւ 6 տարրերի վերանայման հետ կապւած վարչապետի յայտարարութիւնների եւ Հայաստան-Արցախ յարաբերութիւնների միջազգային ընկալման շուրջ «Tert.am»-ը զրոյցել է Լիբանանի «Ազդակ» օրաթերթի գլխաւոր խմբագիր Շահան Գանտահարեանի հետ:

  • ՀՅԴ Հայաստանի ԳՄ յայտարարութիւնը
    ՀՅԴ Հայաստանի ԳՄ յայտարարութիւնը

    Ընդամենը մէկ օր առաջ ՀՅԴ Հայաստանի Գերագոյն մարմինը հանդէս եկաւ քաղաքական յայտարարութեամբ՝ արձանագրելով, որ վերջին շրջանում ահագնացած ատելութեան խօսքը, փողոցային արդարադատութեան մերժելի դրսեւորումները, հանրութեանը բաժանարարներով թշմանացնելն ու երկրում անհանդուրժողականութեան մթնոլորտի շիկացումը խաթարում են Հայաստանում ժողովրդավարական եւ պետական ինստիտուտների կայացմանը եւ լրջագոյն սպառնալիք են երկրի առջեւ ծառացած արտաքին եւ ներքին մարտահրաւէրների լուծմանը։

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։