Հա

Օրակարգ

Չորեքշաբթի, 21 Սեպտեմբերի 2016 12:10

ԽՄԲԱԳՐԱԿԱՆ - Ի խնդիր հզօր Հայաստանի, յաղթական Արցախի ու յաւերժական հայութեան

Անկախութեան տարեդարձները երջանկագոյն այն պահերն են, որոնցում անխտիր ազգի իւրաքանչիւր զաւակ ապրում է խանդավառութեան, հպարտութեան ու ապագայի հանդէպ վառ ու լաւատեսական զգացմունքներով:

Անկախութեան տարեդարձները երջանկագոյն այն պահերն են, որոնցում անխտիր ազգի իւրաքանչիւր զաւակ ապրում է խանդավառութեան, հպարտութեան ու ապագայի հանդէպ վառ ու լաւատեսական զգացմունքներով:
Հայ ազգը դա ճաշակել է որպէս իրականանալի երազանք՝ ամբողջ մի եօթ տասնամեակ՝ 1921 թ.-ին Հայաստանի խորհրդայնացումից ի վեր, ու ապրել այդ պահը՝ երազանքը իրականացւած տեսքով արդէն քառորդ դար՝ սկսեալ 1991 թ.-ի սեպտեմբերի 21-ի համաժողովրդական, համապետական ու համազգային կամքի կենսագործմամբ:
Անշուշտ, պետական անկախութեան կարեւորագոյն ձեռքբերումներից է նոյն պետականութեան օրըստօրէ կայացումն ու հզօրացումը:
Համապատասխանաբար՝ օրըստօրէ էլ հարկաւոր է պատրաստ լինել ազգովի՝ ծանրակշիռ ու տարատեսակ գին վճարելու՝ կայացման-հզօրացման ճամբին:
Անցնող 25 տարիներում այդ գինը վճարել է հայութիւնն ու Հայաստանը՝ Արցախով ու Սփիւռքով՝ համազգայնօրէն ու պետականօրէն, որպէս օրինաչափ մի հանգամանք եւ որ նոյն ճամբով, սակայն տարբեր ուղղութիւններով, ընթացել են անկախութեան ձգտող ու նոյնիսկ դարեր երազող ազգերը:
Անկախութեան սիրոյն ու յատկապէս դրա պետականօրէն կայացման - հզօրացման համար, հազարամեակների պատմական անառարկելի ու անհաշւելի դասերն ու փորձառութիւնները յուշում ու փաստում են ազգերի ու ժողովուրդների վճարւած գների մասին, որոնք սերտելու - գիտակցելու հոլովոյթ են ապրում հայն ու Հայաստան աշխարհը արդէն 25 տարի ...
գին՝ պատերազմական,
գին՝ ներքին թէ՛ արտաքին քաղաքական,
գին՝ սոցիալ - տնտեսական,
գին՝ մշակութային - կրթադաստիարակչական,
գին՝ հոգե-մտաւոր, մարդկային-հասարակական ու ազգային վեհագոյն գաղափարների կենսագործման ու նւիրականացման համար:
Հայաստանի Հանրապետութեան անկախութեան վերականգնման 25-ամեայ փառապանծ դասը, ահաւասիկ, թող կոփի ու ամրապնդի համազգային մեր կամքը՝ պատրաստակամ լինելու նորանոր ու անհրաժեշտ գիները վճարելու համար, ի խնդիր հզօր Հայաստանի, յաղթական Արցախի ու յաւերժական հայութեան ...

Յարակից Հրապարակումներ

  • Կասպրշիկ. «Ես աջակցում եմ ցանկացած միջոցառման, որն առաջնագծում կրճատում է լարւածութիւնն ու զոհերի թիւը»
    Կասպրշիկ. «Ես աջակցում եմ ցանկացած միջոցառման, որն առաջնագծում կրճատում է լարւածութիւնն ու զոհերի թիւը»

    Կրակովում Հայաստանի եւ Ադրբեջանի արտգործնախարարների հանդիպման արդիւնքներով ԵԱՀԿ Մինսկի խմբի համանախագահների տարածած յայտարարութեան մէջ նշւած է, որ արտգործնախարարները սկզբունքօրէն համաձայնութիւն են յայտնել համանախագահների վերամշակած փաստաթղթին, որը վերաբերում է ԵԱՀԿ նախագահի անձնական ներկայացուցչի գրասենեակի ընդլայնմանը, ցանկութիւն յայտնելով հնարաւորինս շուտ աւարտուն տեսքի բերել փաստաթուղթը։ 

  • Եւրոպայի խորհրդարանի 16 անդամներ հարց են ուղղել Ֆեդերիկա Մոգերինին. ի՞նչու ԵՄ պաշտօնեանները չեն այցելում Արցախ
    Եւրոպայի խորհրդարանի 16 անդամներ հարց են ուղղել Ֆեդերիկա Մոգերինին. ի՞նչու ԵՄ պաշտօնեանները չեն այցելում Արցախ

    Բրիւսէլ, 19 փետրւարի 2018 թ.- ՀՅԴ Եւրոպայի Հայ Դատի գերասենեակը ողջունում է Եւրոպական խորհրդարանի 16 պատգամաւորների նախաձեռնութիւնը` դանիացի պատգամաւոր Անդրէս Պրիմդալ Վիսթիսէնի գլխաւորութեամբ: Նախաձեռնութեան անդամները գրաւոր հարցում են ուղղել Եւրոպական յանձնաժողովին եւ ԵՄ արտաքին քաղաքականութեան եւ անվտանգութեան հարցերով գերագոյն յանձնակատար Ֆեդերիկա Մոգերինիին, բացատրութիւն պահանջելով, թէ ինչու ԵՄ Հարաւային Կովկասի եւ Վրաստանի ճգնաժամի յատուկ ներկայացուցիչները եւ այլ ԵՄ պաշտօնեաներ երբեք չեն այցելում Արցախ, թէեւ դրա համար ունեն բոլոր իրաւական հիմքերը:

  • Յակոբ Բագրատունի. «Լիբանանի նախագահի այցը Հայաստան նոր էջ կը բացի երկու երկրների յարաբերութիւններում»
    Յակոբ Բագրատունի. «Լիբանանի նախագահի այցը Հայաստան նոր էջ կը բացի երկու երկրների յարաբերութիւններում»

    «Լիբանանի եւ Հայաստանի ժողովուրդների միջեւ կապը միշտ ամուր հիմքերի վրայ է եղել, եւ այս այցելութիւնով այդ կապն էլ աւելի պէտք է ամրապնդւի: Լիբանանի նախագահի Հայաստան այցով նոր հորիզոններ կը բացւեն երկու երկրների յարաբերութիւններում: Լիբանանում Հայաստանի դեսպան Սամուէլ Մկրտչեանն ակտիւ գործունէութեան մէջ է, յաւելեալ ջանք է գործադրում երկու երկրների յարաբերութիւններն էլ աւելի լաւացնելու առումով»,- ասաց Յակոբ Բագրատունին:

  • Դաշնակցական գործիչներն արժանացել են պետական բարձր պարգեւների
    Դաշնակցական գործիչներն արժանացել են պետական բարձր պարգեւների

    Արցախի ազգային-ազատագրական շարժման 30-րդ տարեդարձի կապակցութեամբ եւ Արցախի Հանրապետութեանը մատուցած ծառայութիւնների համար նախագահ Բակօ Սահակեանի փետրւարի 16-ի հրամանագրով ԱՀ Աժ փոխնախագահ, ՀՅԴ Արցախի ԿԿ անդամ Վահրամ Բալայեանը եւ ԱՀ մշակոյթի, երիտասարդութեան հարցերի եւ զբօսաշրջութեան նախարար Սերգէյ Շահվերդեանը պարգեւատրւել են «Մեսրոպ Մաշտոց» շքանշանով, իսկ ԱՀ ԱԺ «Դաշնակցութիւն» խմբակցութեան անդամ, ՀՅԴ Արցախի կառոյցի ներկայացուցիչ Դաւիթ Իշխանեանը «Մխիթար Գօշ» մեդալով: 

  • Դ. Իշխանեան. «Ժողովրդավար Արցախը ոչ մի կապ չի կարող ունենալ բռնատիրական կարգեր ունեցող Ադրբեջանի հետ»
    Դ. Իշխանեան. «Ժողովրդավար Արցախը ոչ մի կապ չի կարող ունենալ բռնատիրական կարգեր ունեցող Ադրբեջանի հետ»

    1988 թւականի փետրւարի 20-ին Ստեփանակերտում ԼՂԻՄ Ժողովրդական պատգամաւորների խորհրդի արտահերթ նիստում որոշում ընդունւեց դիմել Ադրբեջանական եւ Հայկական ԽՍՀ-ների Գերագոյն խորհուրդներին` նրանց միջնորդութեամբ ԼՂԻՄ-ը Ադրբեջանական ԽՍՀ-ի կազմից Հայկական ԽՍՀ-ի կազմ վերադարձնելու պահանջով: Հէնց այդ օրը Երեւանում սկսւեց արցախահայութեանը աջակցող ցոյց:

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։