Հա

Օրակարգ

26/11/2013 - 14:10

Իրանի դիւանագիտութեան պատմական յաղթանակը

Իրանի դիւանագիտութեան ուղղւածութեան հիմքում ի սկզբանէ դրւած էր «Յաղթանակ-յաղթանակ» մարտավարական նպատակի ապահովումը՝ բանակցային երկու կողմերի համար, որն էլ խոշոր տոկոսով ապացուցւեց նոյ. 24-ի առաւօտեան, երբ միջազգային իրադարձութեան որպէս համար 1 խնդիր՝ դա արտացոլւեց բոլոր ԶԼՄ-ներում:

Ժնեւեան 3-րդ փուլի բանակցութիւնները՝ Իրանի եւ «5+1»-ի միջեւ, գրանցւած յաղթանակ պէտք է համարել իրանական դիւանագիտութեան հաշւին, քանզի.-
1- Իրանի դիւանագիտութեան ուղղւածութեան հիմքում ի սկզբանէ դրւած էր «Յաղթանակ-յաղթանակ» մարտավարական նպատակի ապահովումը՝ բանակցային երկու կողմերի համար, որն էլ խոշոր տոկոսով ապացուցւեց նոյ. 24-ի առաւօտեան, երբ միջազգային իրադարձութեան որպէս համար 1 խնդիր՝ դա արտացոլւեց բոլոր ԶԼՄ-ներում:
2- Իրանի համար սոյն բանակցութիւններում գրանցւեց բովանդակային ձեռքբերում՝ նկատի ունենալով, որ նախատեսւած համաձայնագրում արձանագրւած-բանաձեււած է մնում երկրի սահմաններից ներս, ուրանիումի հարստացման սկզբունքային իրաւունքի վերապահումը Իրանին՝ անկախ տոկոսային-քանակական սահմանումներից:
3- Սոյն բանակցութիւնները ձեւային առումով նաեւ յաղթանակի տպաւորութիւն են թողնում Իրանի դիւանագէտների համար, եթէ մասնաւորապէս նկատի ունենանք առհասարակ 1-ը՝ 6-ի դիմաց ձեւաչափը: Ճիշտ է, յաճախ նոյն 6-ի մէջ գտնւող Ռուսաստանն ու Չինաստանը յօգուտ Իրանի դիրքորոշւել են, բայցեւայնպէս՝ Եւրոպայի, ԱՄՆ-ի եւ յատկապէս սիոնիստական Իսրայէլի քարոզչական, լաբբիստական ու քաղաքական խարդաւանք-սպառնալիքների առկայութեամբ իսկ, «Յաղթանակյաղթանակ»-ի ապահովումը չէր թւում իրականանար, որն այլապէս յաջողեց յաղթահարել իրանական դիւանագիտութիւնը:
4- Եւ, արդարեւ, Իրանի դիւանագիտութեան յաղթանակի մասին կարելի է յստակօրէն բարձրաձայնել, որովհետեւ դեռեւս նախագահ Ռոհանիի նախընտրական ծրագրի մէջ նախանշւած է եղել նոյն դիպլոմատիայի առաջնահերթութիւնը, այն է՝ երկրի առաջընթացի օգտին ատոմական թղթածրարի վերածելը պատեհ առիթի եւ ոչ թէ անընդհատ շահարկւող արտաքին ներուժ սպառնալիքի:
5- Եւ վերջապէս Ժնեւեան բանակցութիւնների արդիւնքում ձեռքբերւած համաձայնութիւնը պէտք է բնութագրել որպէս մէկ կողմից Իրանի համար պատմական, իսկ բոլոր կողմերի համար աննախադէպ յաղթանակ՝ անցնող աւելի քան երեք տասնամեակների ընթացքում, որտեղ մշտապէս Իրան-Արեւմուտք փոխյարաբերութիւններում առկայ էր «Պարտութիւն-պարտութիւն» ձախորդ իրավիճակն ու դրանից բխող տարածաշրջանայինմիջազգային կրկնակի ձախորդ հետեւանքները:
Յուսանք, որ Իրանի նորընտիր նախագահի 100-օրեակը չբոլորած «Յոյսի եւ հնարախոհութեան» կառավարութեան դիւանագիտութիւնը շարունակելով իր յաղթարշաւը՝ օրէօր կը փոխարինի վերոգրեալ ձախորդ հետեւանքները եւ դրանք կը լիցքաւորի խաղաղութեան, կայունութեան եւ զարգացման միտումներով՝ յօգուտ սեփական երկրի ու ժողովրդի, տարածաշրջանի եւ միջազգային ընտանիքի:

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։