Հա

Օրակարգ

Շաբաթ, 28 Յունւարի 2017 14:50

Հայոց բանակի 25-ամեակի առիթով

Հայոց բանակը դարձաւ 25 տարեկան: Պատերազմի բովով անցած, կայացած, առոյգ ու երիտասարդ մի կառոյց, որը վերածւել է ողջ հայութեան հպարտանքի առարկայի:

ԱՐԱՄ ՇԱՀՆԱԶԱՐԵԱՆ

 

Հայոց բանակը դարձաւ 25 տարեկան: Պատերազմի բովով անցած, կայացած, առոյգ ու երիտասարդ մի կառոյց, որը վերածւել է ողջ հայութեան հպարտանքի առարկայի:

Անկասկած, այսօր, բարի մաղթանքների, ցանկութիւնների, ողջոյնների ու հայրենասիրական կենացների պակաս բնաւ էլ չի զգացւելու, եւ դա բանական է, քանզի Հայոց բանակը Հայաստանի եւ Արցախի անկախութեան անձնագիրն է:

Այսօր, սակայն, լաւագոյն առիթն է նաեւ սթափ հայեացքով խորհելու այն մասին, թէ Հայոց բանակի վերջին քննութեան՝ ապրիլեան պատերազմից յետոյ ուր ենք կանգնած, որոնք են առկայ մարտահրաւէրները, դրանց դիմակայելու եւ յաղթահարելու համար ի՞նչ է մեզ անհրաժեշտ: Բաքւի ռազմավարական եւ մարտավարական նոր մօտեցումներին ինչպէ՞ս է պէտք արձագանգել, ռազմավարական եւ մարտավարական ինչպիսի՞ վերադասաւորումներ ու հայեացքներ են մեզ հարկաւոր, եւ դրանց իրագործումն ու արդիւնաւորումն ինչպիսի՞ միջոցառումներ է անհրաժեշտ կիրառել:

Սրանք կարդինալ նշանակութեան այն հարցերն են, որոնց ամբողջական ու լիարժէք պատասխաններից է կախւած Հայոց բանակի ապագան: Ժամանակի մարտահրաւէրներին՝ նրա համարժէք ու համաչափ արձագանգելու կարողութեան զարգացումը, ինչը Հայաստանի եւ Արցախի անվտանգութեան ու խաղաղութեան գլխաւոր երաշխիքն է:

Իսկ դրա համար Հայոց բանակին կատարեալ հայրենասիրութեան եւ նւիրւածութեանը (որի պակասն ապրիլեան պատերազմի օրերին բնաւ էլ չզգացւեց) զուգահեռ, առաջին հերթին եւ գլխաւորաբար անհրաժեշտ են որակական ամբողջովին նոր մօտեցումներ, մտածողութիւն եւ աշխարհայեացք, ինչպէս նաեւ՝ օրւայ պահանջներին համապատասխան ժամանակակից սպառազինութիւն:

Սա է Հայոց բանակի օրակարգային թիւ մէկ անհրաժեշտութիւնը: Իսկ մնացեալը՝ թիկունքը արդէն կապահովի ազգը՝ բանակի հետ միաձուլւած ազգը:

Մնացէ՛ք խաղաղ ու անվտանգ Հայոց հայրենիքի սահմանների անվտանգութիւնը երաշխաւորող մշտարթուն արծիւներ:

Ձե՛ր կենացը, Ձե՛ր կանաչ կեանքերի կենացը…

Յարակից Հրապարակումներ

Ամենաշատ ընթերցւած

Քւէարկութիւն

Ապրիլի 24-ի առիթով իր ելոյթում կարտասանի՞ արդեօք Թրամփը Հայոց Ցեղասպանութիւն եզրոյթը:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։