Հա

Օրակարգ

Շաբաթ, 04 Փետրւարի 2017 11:50

Հայ-իրանական յարաբերութիւնների որակական նոր փուլը

Թէեւ վերջին մէկ տարւայ ընթացքում հայ-իրանական յարաբերութիւններում ակտիւութեան պակաս չի զգացւել, այդուհանդերձ չի կարելի չհամաձայնւել փորձագիտական այն մտքի հետ, որ ՀՀ պաշտպանութեան նախարար Վիգէն Սարգսեանի այցն Իրան իր օրակարգային յագեցւածութեամբ, կարեւորութեամբ ու նշանակութեամբ աննախադէպ էր:

ԱՐԱՄ ՇԱՀՆԱԶԱՐԵԱՆ

 

Թէեւ վերջին մէկ տարւայ ընթացքում հայ-իրանական յարաբերութիւններում ակտիւութեան պակաս չի զգացւել, այդուհանդերձ չի կարելի չհամաձայնւել փորձագիտական այն մտքի հետ, որ ՀՀ պաշտպանութեան նախարար Վիգէն Սարգսեանի այցն Իրան իր օրակարգային յագեցւածութեամբ, կարեւորութեամբ ու նշանակութեամբ աննախադէպ էր:

Այցը կոչւած էր խթանելու պաշտպանական ոլորտում հայ-իրանական համագործակցութեանը: Դատելով արդիւնքներից, աներկբայօրէն կարելի է ասել, որ այն ոչ միայն ստացւեց, այլ, դեռ աւելին, գերազանցեց բոլոր սպասելիքներն ու ակնկալիքները:

Այս կապակցութեամբ անդրադառնանք մի քանի ընդգծւած փաստերի, որոնց անդրադարձել են փորձագէտները.

- ՀՀ պաշտպանութեան այցի արդիւնքում հայ-իրանական յարաբերութիւնները թեւակոխեցին որակական ամբողջովին նոր փուլ, որը վերաբերւում է պաշտպանութեան, անվտանգութեան եւ ռազմական համագործակցութեան ոլորտներին:

- Սա նշանակում է, որ Թեհրանն ու Երեւանը հաստատակամ են ամբողջովին իրացնել երկկողմ յարաբերութիւններում առկայ ողջ ներուժը, որը մինչ այժմ չի օգտագործւել: Ակնյայտ է, որ կողմերը նոր թափ են հաղորդում ռազմաքաղաքական ոլորտի համագործակցութեան:

- Իսկ սա ենթադրում է գործակցութեան խորացում այնպիսի ասպարէզներում ինչպիսիք են, օրինակ, հակաօդային պաշտպանութեան արդիական համակարգերի նախագծումն ու ստեղծումը, բարձր տեխնոլոգիական ռազմարդիւնաբերութիւնը, թիկունքի ապահովման խնդիրները եւ ռազմաուսումնական հարցերը:

- Նման խորացւած գործակցութիւնը չի կարող չազդել հայ-իրանական յարաբերութիւնների օրակարգի այլ կէտերի վրայ: Այն կարող է ունենալ տնտեսական որոշակի նշանակութիւն` յատկապէս Հայաստանի համար:

- Իսկ ամենակարեւորը. երկու երկրների պաշտպանական գերատեսչութիւնների ղեկավարների հանդիպման ժամանակ ադրադառնալով ԼՂ-ի հիմնախնդրին, գեներալ Հոսէյն Դեհղանը յատուկ ընդգծել է, որ այն չի կարող ունենալ ռազմական լուծում, իսկ սա անկասկած կարող է առանցքային նշանակութիւն ունենալ արցախեան հիմնահարցի համար:

Փաստօրէն, ինչպէս ճանաչւած իրանագէտ Վարդան Ոսկանեանն է ասում. «Այն ուղղակի ազդակ էր յղւած Ադրբեջանին առ այն, որ Իրանը դէմ է, որպէսզի հակամարտութեան գօտում իրավիճակը թեժանայ կամ, Աստւած մի արասցէ, պատերազմական գործողութիւններ սկսւեն: Եթէ նախարարի յայտարարութիւնը թարգմանենք դիւանագիտական լեզւով, ապա կարելի է ասել` դա յստակ ազդակ էր, ուղղւած Բաքւին, որ Իրանը որեւէ կերպ ոչ միայն չի ողջունելու այդ հակամարտութեան սրումն Ադրբեջանի կողմից, այլ պարզապէս դէմ է, որպէսզի նման սրումներ լինեն: Իրանի «սպառնալիքը», ուղղւած Բաքւին, յստակ էր, եւ կարծում եմ` այդ ազդակը տեղ է հասել»:

Հանրագումարում, եթէ բնութագրելու լինենք ՀՀ պաշտպանութեան նախարարի Թեհրան կատարած այցը, ապա միանշանակօրէն կարող ենք ասել, որ այն ունէր ռազմաքաղաքական հսկայական նշանակութիւն, որի արդիւնքները միանշանակօրէն մեծ են լինելու տարածաշրջանում ուժերի յարաբերակցութեան, վերադասաւորումների, վերադիրքաւորումների վրայ, եթէ, իհարկէ, կողմերն ամբողջովին իրացնեն դրա ողջ հնարաւորութիւնները:

Յարակից Հրապարակումներ

  • Փութինն ու Ռոհանին զրուցել են երկկողմ յարաբերութիւնների եւ տարածաշրջանային խնդիրների մասին
    Փութինն ու Ռոհանին զրուցել են երկկողմ յարաբերութիւնների եւ տարածաշրջանային խնդիրների մասին

    Ռուսական կողմի նախաձեռնութեամբ, այսօր՝ մայիսի 27-ին տեղի է ունեցել Հանրապետութեան նախագահ դոկտ. Հասան Ռոհանիի եւ ՌԴ-ի նախագահ Վլադիմիր Պուտինի հեռախօսազրոյցը:  Զրոյցի ընթացքում երկու գործընկերները քննարկել են երկկողմ յարաբերութիւնների, Միջուկային համապարփակ համաձայնագրի եւ տարածաշրջանային համագործակցութեան հետ կապւած խնդիրներ

  • Մահմուդ Հոջջաթին հանդիպել է ՀՀ վարչապետի հետ
    Մահմուդ Հոջջաթին հանդիպել է ՀՀ վարչապետի հետ

    Կարեն Կարապետեանն ընդգծել է, որ Մեղրիում ստեղծւող ազատ տնտեսական գօտում իրանական կապիտալի ներգրաւումը եւս նոր թափ կը հաղորդի երկկողմ տնտեսական կապերի ընդլայնմանն ու խորացմանը: Նա ընդգծել է, որ ՀՀ կառավարութիւնը պատրաստ է իրանցի գործարարներին ցուցաբերել անհրաժեշտ օժանդակութիւն՝ Հայաստանում գործունէութիւն ծաւալելու նպատակով՝ վստահութիւն յայտնելով, որ դա թոյլ կը տայ իրանական կողմին բարենպաստ պայմաններով մուտք գործել ԵԱՏՄ, ինչպէս նաեւ «GSP+» համակարգով եւրոպական շուկայ:

  • ՀՀ-ում Իրանի դեսպան. «Թեհրան-Երեւան համագործակցութիւնը գործնական փուլ է թեւակոխել»
    ՀՀ-ում Իրանի դեսպան. «Թեհրան-Երեւան համագործակցութիւնը գործնական փուլ է թեւակոխել»

    «Վերջին տարիներին իրականցւած համատեղ նախաձեռնութիւնների շրջանակում, նոր հեռանկարներ են բացւել տարբեր ոլորտներում երկու երկրների միջեւ յարաբերութիւնների զարգացման համար»,- ասել է դեսպան Սաջջադին:

  • Ռոհանին շանսեր է տալիս Հայաստանին
    Ռոհանին շանսեր է տալիս Հայաստանին

    Ռոհանիի վերընտրութիւնը նշանակում է, որ շարունակելու են ուժի մէջ մնալ հայ-իրանական՝ օր օրի աւելի կոնկրետացող եւ հաւակնոտ դարձող օրակարգի մաս կազմող քաղաքական, տնտեսական, տարածաշրջանային կոմունիկացիոն եւ էներգետիկ բոլոր նախագծերն ու ծրագրերը:

  • Բահրամ Ղասեմի. «Իրանը ծուղակը չի ընկնի. Անվտանգութիւնն անհնար է գնել»
    Բահրամ Ղասեմի. «Իրանը ծուղակը չի ընկնի. Անվտանգութիւնն անհնար է գնել»

    «Շարունակելով իր խելամիտ քաղաքականութիւնն Իրանի Իսլական Հանրապետութիւնը տարածարջանային եւ արտատարածաշրջանային ծայարայեղականների լարած ծուղակը չի ընկնի եւ միջազգային ասպարէզում, յատկապսէս՝ հարեւանների հետ յարաբերութիւններում կը շարունակի խաղաղութեան վրայ խարսխւած գործակցութեան քաղաքականութիւնը»,- ասել է Բահրամ Ղասեմին:

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։